វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1606 នាក់
ម្សិលមិញ 6001 នាក់
សរុប 13874436 នាក់
ភ្នំពេញ៖រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ លោក អ៊ិត សំហេងបានធ្វើរឿងគួរឲ្យហួសចិត្តមួយក្នុងរឿងស្វ័យនិយោជន៍ដោយជនបរទេសនៅស្រុកខ្មែរ ដោយចេញសេចក្តីជូនដំណឹងលុបចោលបំរាមហាមមិនឲ្យចនរទេសប្រកបការងារ១០មុខក្នុងស្រុកខ្មែរដែលចេញកាលពីខែសីហាឆ្នាំ២០១៩។
ក្នុងសេចក្តីជូនដំណឹងរបស់ក្រសួងការងារ កាលពីថ្ងៃទី៥ ខែតុលាគឺក្រសួងការងារបានធ្វើ “ការអនុញ្ញាតឡើងវិញនៃសកម្មភាពស្វ័យនិយោជន៍ដោយជនបរទេស ។លោក អ៊ិត សំហេង រដ្ឋមន្ត្រីក្រសួងការងារ ថ្លែងប្រាប់ពីមូលហេតុដែលលោកខ្ជាក់ហើយលេបវិញថាគឺ យោងតម្រូវការកម្លាំងពលកម្មជំនាញនៃជនបរទេសក្នុងវិស័យកម្មនិងដើម្បីលើកទឹកចិត្តដល់ការវិនិយោគក្នុងកម្ពុជា ក្រសួងការងារ បានអនុញ្ញាតឡើងវិញនូវគ្រប់សកម្មភាពស្វ័យនិយោជន៍ដោយជនបរទេស ។
លោកហេងសួរដ្ឋលេខាធិការក្រសួងការងារបានការពារថាមកពីមានសំណូមពរពីក្រុមហ៊ុនមកពីអាស៊ីខាងកើត(មិនដឹងប្រទេសណាខ្លះទេ?)ដោយសារគេចង់បានរសនិយមផស់គេ។មានន័យថាបើចិនមកស្រុកខ្មែរគេចង់ស៊ីម្ហូបឬតាកស៊ីដែលចិនធ្វើឬបើកបររកស៊ី?។ករណីយ៍មួយនេះដែរលោកវនពៅប្រធានអង្គការសេដ្ឋកិច្ចក្រៅប្រពន្ធ័បានចេញមុខជំទាស់ដោយលោកបានអំពាវនាវតាមកាសែតឲ្យលោកអ៊ិតសំហេងនិងក្រសួងពាក់ពន្ធ័ពិចារណារដកចេញការអនុញ្ញាតិនេះឡើងវិញដើម្បីជាប្រយោជន៍សម្រាប់ប្រជាពលរដ្ឋខ្មែរ។
សូមបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃទី២៨ ខែសីហា ឆ្នាំ២០១៩ កន្លងទៅ បានចេញសេចក្តីប្រកាសព័ត៌មានស្តីពី “ការកំណត់ប្រភេទមុខរបរ និងការងារដែលត្រូវហាមឃាត់សម្រាប់ជនបរទេស” ដើម្បីកំណត់មុខរបរស្វ័យនិយោជន៍ ដែលត្រូវបានហាមឃាត់ជនបរទេសក្នុងការប្រកបមុខរបរ និងធ្វើការនៅកម្ពុជា ។
នៅក្នុងសេចក្តីប្រកាស កាលពីមុនបានបញ្ជាក់ពីការហាមឃាត់ដូចខាងក្រោម ៖
១. អ្នកបើកបរយាន្តជំនិះគ្រប់ប្រភេទជាលក្ខណៈអាជីវកម្ម មានជាអាទិ៍ អ្នកបើកទោចក្រយានយន្ត អ្នកបើកត្រីចក្រយានយន្ត អ្នកបើកទោចក្រយានយន្តសណ្តោងរ៉ឺម៉ក អ្នកបើកម៉ូតូកង់បួន អ្នកបើករថយន្តដឹកអ្នកដំណើរនឹងដឹកទំនិញ ។២. អ្នកលក់ដូរដោយមធ្យោបាយថ្មើរជើង ឬយានជំនិះគ្រប់ប្រភេទនៅទីសាធារណៈ ។៣. អ្នកម៉ាស្សា និងចាប់សរសៃតាមទីសាធារណៈ ។៤. អ្នកកាត់សក់ អ៊ុតសក់ និងកែសម្ផស្ស ។៥. អ្នកផ្តល់សេវាកម្មដេរ និងកាត់ស្បែកជើង ។
៦. អ្នកកាត់ដេរ ។៧. អ្នកប៉ះកង់ ជាងជួសជុលយានយន្ត ។៨. អ្នកផលិតវត្ថុអានុស្សាវរីយ៍ខ្មែរ ។៩. អ្នកផលិតឧបករណ៍ភ្លេងខ្មែរ បាត្រលោក និងពុទ្ធរូប ។
១០. ជាងទង និងជាងច្នៃត្បូងពេជ្រ ។ក្រសួងការងារនិងបណ្តុះបណ្តាលវិជ្ជាជីវៈ នឹងមិនផ្តល់ ឬមិនបន្តសុពលភាពបណ្ណក៏ដូចជាសៀវភៅការងារ ដល់ជនបរទេសដែលកំពុងប្រកបមុខរបរ និងការងារដូចមានកំណត់ខាងលើនេះទេ ។ប្រជាពលរដ្ឋខ្មែរអបអរសេចក្តីប្រកាសនេះបានតែមួយដង្ហើមចង្រឹតតែប៉ុនណោះ៕