ប៉ូលីសចោទមេព្រៃ មេព្រៃចោទប៉ូលីស រឿងដោះលែងមនុស្សម្នាក់ក្នុងចំណោម៤នាក់ដែលជាម្ចាស់ត្រាក់ទ័រ ដែលសមត្ថកិច្ចចាប់បាននៅចំណុចអូរក្រម៉រសាន្ត ក្នុងភូមិកោះកណ្ដាល ឃុំជៀប ស្រុកទឹកផុសកាលពីថ្ងៃទី៥/៩/២០១៩
21-September-2026 / ព័ត៌មានជាតិ
កំពង់ឆ្នាំង៖ប្រជាពលរដ្ឋរិះគន់ថាខ្នោះដៃពិតជាប្រកាន់ វណ្ណះមែន!។ចាប់បានជនសង្ស័យ៤នាក់បែជាជាប់ទ្រុងតែបីនាក់រួចបាត់អស់ម្នាក់ហើយជា
ម្ចាស់ត្រាក់ទ័រទៀត។តើការត់រួចគឺក្រោមស្នាដៃលោកនាយផ្នែករដ្ឋបាលព្រៃឈើ រមាសឬស្នាដៃប៉ូលីស???។
បើយោងតាមការអោយដឹងពីលោកខែម វិបុលអធិការនគបាលស្រុកទឹកផុសខេត្តកំពង់ឆ្នាំងបានអោយដឹងថា៖នៅព្រឹកថ្ងៃសុក្រទី៦វេលាម៉ោង៨ព្រឹកកម្លាំងរដ្ឋបាលព្រៃឈើផ្នែករមាសបានទៅនាំយកម្ចាស់ត្រាក់ទ័រម្នាក់ក្នុងចំណោម៤នាក់ ពីកន្លែងអធិការដ្ឋាននគបាលស្រុកទឹកផុសយកទៅសួរចម្លើយនៅខ្ចូសក្នុងផ្នែករដ្ឋបាលព្រៃឈើរមាស តាំងពីម៉ោង៨ព្រឹករហូតដល់ម៉ោង១១ថ្ងៃត្រង់។ ប៉ុន្តែនៅពេលដែលខាងមេព្រៃហៅម្ចាស់ត្រាក់ទ័រម្នាក់យកទៅសួរចម្លើយនោះក៏បានបាត់ម្ចាស់ត្រាក់ទ័រនោះនៅផ្នែករដ្ឋបាលព្រៃឈើនោះក្នុងអំឡុងម៉ោងប្រមាណ១០ព្រឹកនោះតែម្ដងទៅ ។
ក្រោយពីបែកធ្លាយព័ត៌មានថាការរួចខ្លួនម្ចាស់ត្រាក់ទ័រនេះមកមានការនិយាយថាគឺដោយសារមានថ្នូរនឹងទឹកប្រាក់ប្រមាណ៣០០០$ផងដែរ?។
គួររម្លឹកថា អ្នកណាក៏ដឹងដែរថាសមត្ថកិច្ចនគបាលស្រុកទឹកផុសសហការជាមួយកម្លាំងផ្នែករដ្ឋបាលព្រៃឈើរមាសតែងបានចាប់គ្រឿងចក្រដែលលួចឈូសឆាយដីព្រៃខុសច្បាប់ដែលមានត្រាក់ទ័រជាច្រើនគ្រឿង ប៉ុន្តែត្រូវបានលោកសំ ឬទ្ធីដោះលែងយកលុយជាបន្តបន្ទាប់ ។
ជាក់ស្ដែងដូចជាត្រាក់ទ័រ២គ្រឿងមកពីខេត្តពោធិសាត់ដែលមានមេការឈ្មោះគនលួចឈូសឆាយដីព្រៃនៅចំណុចខាងកើតភ្នំតាសាំក្នុងឃុំក្រាំងស្គារត្រូវបានលោកសំ ឬទ្ធីដោះលែងជាថ្នូរនឹងទឹកប្រាក់ច្រើនពាន់ដូល្លានិងត្រាក់ទ័ររបស់ឈ្មោះអ្នកស្រីនុត រ៉ានៅភូមិតានៃលួចឈូលឆាយដីព្រៃនៅខាងត្បូងភូមិស្លែងជាដើមក៏ត្រូវបានលោកសំ ឬទ្ធីនាយផ្នែករដ្ឋបាលព្រៃឈើរមាសដោះលែងជាថ្នូរនិងទឹកប្រាក់ប្រមាណជាង៨០០០$ផងដែរ និងត្រាក់ទ័រជាច្រើនគ្រឿងទៀតដែលចាប់បានក្នុងឃំុជៀបនិងឃំុក្រាំស្គារជិ១០គ្រឿងត្រូវបានលោកសំ ឬទ្ធីដោះលែងយកលុយអស់គ្នានសល់ គ្មានអ្នកណាហ៊ានប៉ះពាល់ឬធ្វើអ្វីលោកសំ ឬទ្ធីឡើយ។
ឯលោកព្រះរាជអាជ្ញាអមសាលាដំបូងខេត្តកំពង់ឆ្នាំងវិញ បានបញ្ជាក់អោយដឹងថា ពុំមានករណីដោះលែងជនទាំង ៣ នាក់នោះឡើយ ។លោកបានបញ្ជាក់ទៀតថា បានបញ្ជូនសំណុំរឿងទៅកាន់ចៅក្រមស៊ើបសួរហើយនៅល្ងាចម្សិលមិញ។
-នៅព្រឹកថ្ងៃទី ៨ ខែ កញ្ញា ឆ្នាំ2019 នេះ ក្រោយពីចៅក្រមស៊ើបសួរសាលាដំបូងខេត្តកំពង់ឆ្នាំង បានសម្រេចបញ្ជូនជនសង្ស័យទាំង ៣ នាក់ដាក់ពន្ធនាគារ នៅព្រឹកថ្ងៃនេះ ដែលជាអ្នក ស៊ីឈ្នួលបើកត្រាក់ទ័រឈូសឆាយដីគំរបរដ្ឋបាលព្រៃឈើឆ្នាំ 2002 នៅក្នុងស្រុកទឹកផុសអោយថៅកែ។
-ចំណែកអ្នកមានម្នាក់ ជាថៅកែត្រាក់ទ័រ ជាម្ចាស់គ្រឿងចក្រត្រូវបានរត់គេចខ្លួន ឬអាចថាមានគេជួយលួចរំដោះចេញ កំពុងត្រូវបានសមត្ថកិច្ចតាមប្រមាញ់។
ពាក់ពន្ធករណីខាងលើនេះ សារព័ត៌មានយើងធ្វើការសាកសួរទៅកាន់លោក ងិន ហ៊ុន ជាប្រធានមន្ទីរកសិកម្មខេត្តកំពង់ឆ្នាំង ដោយលោកបានបញ្ជាក់ថា គឺពិតជាមានជនម្នាក់បានរត់គេចខ្លួនមែន ក្នុងចំណោមមនុស្ស៤នាក់ ។ ដោយលោកបានបញ្ជាក់ថា លោកបានបញ្ជាកម្លាំងឲ្យតាមចាប់ខ្លួនត្រឡប់មកវិញ ដើម្បីសាកសួរព័ត៌មាន ឲ្យបានជាក់លាក់ មូលហេតុអ្វីបានជា រត់? ដោយលោកបានបន្ថែមទៀតថា ការរត់បែបនេះគឺជាបទល្មើសមួយបន្ថែមទៀត។ ចំណែកជន ៣ នាក់ទៀតបានបញ្ជូនទៅកាន់តុលាការនាថ្ងៃម្សិលមិញ។
-ករណីនេះអង្គភាពប្រឆាំងអំពើពុករលួយ និង អាជ្ញាធរខេត្តកំពង់ឆ្នាំង ជាពិសេសឯកឧត្តម ឈួរ ច័ន្ទឌឿន អភិបាលនៃគណៈអភិបាលខេត្ត និង ជាប្រធានគណៈកម្មការគ្រប់គ្រងដីរដ្ឋ គួរតែធ្វើការស្រាវជ្រាវ ស៊ើបអង្កេតរកអ្នកបញ្ជានៅពីក្រោយខ្នង ក្នុងការរំលោភបំពានឈូសឆាយដីរបស់រដ្ឋ និងអ្នកដែលឃុបឃិតធ្វើអោយជនល្មើសរួចនេះផង!។
