សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 1613 នាក់

ម្សិលមិញ 10264 នាក់

សរុប 14140795 នាក់

ប្រធានាធិបតីឥណ្ឌូណេស៊ីឲ្យពិនិត្យមើលឡើងវិញពីសេចក្តីព្រាងច្បាប់ស្តីពីទំនាក់ទំនងផ្លូវភេទ!

27-March-2024 / ព័ត៌មានអន្តរជាតិ

ឥណ្ឌូណេស៊ី៖ លោកប្រធានាធិបតីវីដូដូកាលពី ថ្ងៃសុក្រ ទី២០ កញ្ញាបានអំពាវនាវនាឲ្យពិនិត្យមើលឡើងវិញលើសេចក្តីព្រាងច្បាប់មួយស្តីពីទំនាក់ទំនងផ្លូវភេទដែលមានគោលដៅពិន័យដាក់គុកចំពោះអ្នកដែលមានទំនាក់ទំនងផ្លូវភេទក្រៅអាពាហ៍ពិពាហ៍ ឬអ្នកដែលមានភេទដូចគ្នាបន្ទាប់ពីមានការប្រឆាំងយ៉ាងខ្លាំងក្លា ពិសេសពីក្រុមសិស្ស និស្សិត។ a indonesia pres

រដ្ឋាភិបាលឥណ្ឌូណេស៊ីតាមរយៈសេចក្តីព្រាងច្បាប់មួយនេះ គឺពិន័យលើក្រុមមនុស្សដែលរៀបការរួចហើយ តែបែរជាទៅលួចលាក់មានទំនាក់ទំនងផ្លូវភេទនៅក្រៅដែលភាសាសាមញ្ញហៅថា ជាការផិតក្បត់ការទំនាក់ទំនងផ្លូវភេទរវាងមនុស្សមានភេទដូចគ្នាដែរ។ មាត្រាថ្មីនៃក្រមព្រហ្មទណ្ឌបានចែងពីការហាមការរួមភេទក្រៅអាពាហ៍ពិពាហ៍ ឬផិតក្បត់ និងការរួមភេទរវាងមនុស្សមានភេទដូចគ្នាដែលត្រូវផ្តន្ទាទោសដាក់ពន្ធនាគារពី ៦ខែទៅ ១ឆ្នាំ និងការពិន័យជាប្រាក់ជាង៧០០ដុល្លារ។ច្បាប់នេះក៏នឹងអនុវត្តផងដែរចំពោះជនបរទេសដែលមកលេងប្រទេសដែលមានប្រជាជនជិត២៦០លាននាក់នេះ ដោយរួមទាំងអ្នកកាន់គ្រិស្តសាសនា ហិណ្ឌូនិង ជនជាតិភាគតិចដែលកាន់សាសនាព្រះពុទ្ធ។

តែសេចក្តីព្រាងច្បាប់ដ៏ចម្រូងចម្រាស់មួយនេះបានទទួលការប្រឆាំងយ៉ាងខ្លាំងក្លា ពិសេសពីសំណាក់សិស្ស និស្សិត។ គឺនៅក្នុងន័យនេះហើយបានជាប្រធានាធិបតីឥណ្ឌូណេស៊ីលោកវីដូដូដែលទើបជាប់ឆ្នោតសម្រាប់អាណត្តិទី២ បានស្នើសភាឲ្យពិនិត្យមើលឡើងវិញ និងលើកពេលបោះឆ្នោតលើសេចក្តីព្រាងច្បាប់មួយនេះនៅសម័យប្រជុំសភាលើកក្រោយវិញ។ ក្រុមអង្គការសិទ្ធិមនុស្សបានអំពាវនាវឱ្យសភាឥណ្ឌូនេស៊ីពិនិត្យមើលចំណាត់ការនេះឡើងវិញដែលពួកគេនិយាយថានឹងរំលោភលើសិទ្ធិរបស់ស្ត្រី ជំនឿសាសនារបស់ជនជាតិភាគតិច សហគមន៍អ្នកស្រឡាញ់ភេទដូចគ្នានិង សេរីភាពក្នុងការបញ្ចេញមតិ។

គួររម្លឹកថា ការសើរើពិនិត្យមើលឡើងវិញនូវក្រមព្រហ្មទណ្ឌឥណ្ឌូណេស៊ីដែលមានតាំងពីសម័យអាណានិគមហូឡង់បានចាប់ផ្តើមតាំងពីទសវត្សកន្លងមក។ គឺក្រុមអ្នកកាន់សាសនាអ៊ីស្លាមអភិរក្សនិយមដែលប្រឹងប្រែងចង់ឲ្យមានការបន្តឹងក្រមព្រហ្មទណ្ឌស្តីពីសីលធម៌ផ្លូវភេទ។ ទង្វើរបស់ក្រុមអ្នកកាន់សាសនាអ៊ីស្លាមអភិរក្សនិយមរបៀបនេះបានទទួលរងការរិះគន់ ទិតៀនចាស់ដៃពីក្រុមអ្នកការពារសិទ្ធិមនុស្ស និងពីពលរដ្ឋឥណ្ឌូណេស៊ីជាច្រើន។ផលិតករឥណ្ឌូណេស៊ីម្នាក់នៅលើបណ្តាញសង្គម Twitter របស់លោកចាត់ទុកថា « គឺជារឿងឆ្កួត បើមានការបោះឆ្នោតលើសេចក្តីព្រាងច្បាប់នេះ។ តើឥណ្ឌូណេស៊ីក្លាយជាប្រទេសស្អីទៅ » ។

អ្វីជាការកត់សម្គាល់ ឥណ្ឌូណេស៊ីសព្វថ្ងៃក្រោមឥទ្ធិពលរបស់ចលនាអ៊ីស្លាមបែបប្រពៃណីមិនដូចឥណ្ឌូណេស៊ីពីមុនដែលធ្លាប់ជាប្រទេសមានការអត់ឱន យោគយល់រវាងសាសនា និងវប្បធម៌ខុសគ្នាទេ។ គេនៅមិនដឹងថា តើសេចក្តីព្រាងច្បាប់នោះនឹងត្រូវសភាបោះឆ្នោតពេលណាទេ។ តែរដ្ឋាភិបាលអូស្ត្រាលីបានព្រមានប្រាប់ដល់ជនជាតិខ្លួនដែលធ្វើដំណើរទៅឥណ្ឌូណេស៊ីឲ្យមានការប្រយ័ត្នប្រយែង ពិសេសអ្នកទេសចរដែលនៅលីវ៕ a indo sex2 a indo sex4 a indo sex5