វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5309 នាក់
ម្សិលមិញ 5544 នាក់
សរុប 13946406 នាក់
ប្រទេសជប៉ុន៖នាយករដ្ឋមន្ត្រីជប៉ុនលោក Fumio Kishida បានប្រឈមនឹងបញ្ហាសន្តិសុខនិងកិច្ចការបរទេសក្រោយពេលសម្ពន្ធមិត្តកាន់អំណាច ទទួលបានកៅអីភាគច្រើនក្នុងការបោះឆ្នោតរដ្ឋសភា កាលពីថ្ងៃទី៣១ខែតុលា។
លោក គិស៊ិដាដែលនឹងនៅបន្តតួនាទីជាំនាយករដ្ឋមន្ត្រី បានប្រកាសថា សន្តិសុខអាមេរិក-ជប៉ុនដើរតួនាទីយ៉ាងសំខាន់ក្នុងការពង្រឹងគោលនយោបាយការបរទេសរបស់ទីក្រុងតូក្យូ។ ទីក្រុងតូក្យូនឹងសហការជាមួយបណ្តាប្រទេសនៅក្នុងតំបន់ឥណ្ឌា និងប៉ាស៊ីហ្វិក ក្នុងនោះមានអាមេរិក អូស្ត្រាលី ឥណ្ឌា និងជប៉ុន។
នាយករដ្ឋមន្ត្រីជប៉ុន លោក ហ្វ៊ូមីអុ គិស៊ីដា (Fumio Kishida) នៅថ្ងៃចន្ទទី១វិច្ឆិកានេះបានប្រកាសជ័យជម្នះជាផ្លូវការ ក្រោយដឹកនាំគណបក្ស លោកទៅទទួលជ័យជម្នះយ៉ាងរឹងមាំ ក្នុងការបោះឆ្នោតសកល កាលពីថ្ងៃអាទិត្យកន្លងទៅនេះ។
ទីភ្នាក់ងារសារព័ត៌មាន AFP នៅថ្ងៃចន្ទ ទី០១ ខែវិច្ឆិកា ឆ្នាំ២០២១បានឲ្យដឹងថា៖គណបក្សកាន់អំណាចជប៉ុនគឺ គណបក្សប្រជាធិបតេយ្យសេរី (LDP) ហើយនិងដៃគូរបស់ខ្លួនគឺគណបក្សកូម៉ីតុ (Komeito)ឈ្នះបានអាសនៈចំនួន២៩៣ ក្នុងចំណោមអាសនៈសរុបចំនួន៤៦៥ នៅក្នុងរដ្ឋសភាជប៉ុន។ កន្លងមក ដៃគូទាំងពីរកាន់កាប់អាសនៈចំនួន៣០៥ ក្នុងនោះ LDP គ្រប់គ្រងតែឯងចំនួន២៧៦អាសនៈ។ ទោះជាយ៉ាងណាក្តី អាសនៈដែលឈ្នះរួមគ្នានាពេលនេះនៅតែជាចំនួនដ៏ច្រើនមួយ។
សម្រាប់ការដឹកនាំលោគិស៊ីដាបេ្តជ្ញាថា នឹងពង្រឹងសេដ្ឋកិច្ចប្រទេសជប៉ុនតាមរយៈកញ្ចប់ថវិកាថ្មី ដែលលោកអះអាងថា នឹងត្រូវព្រាងឡើងក្នុងខែវិច្ឆិកានេះតែម្តង។ លោកនាយករដ្ឋមន្ត្រីជប៉ុនបានបន្ថែមទៀតថា ជប៉ុននឹងដើរតួនាទីនាំមុខក្នុងកិច្ចប្រឹងប្រែងឆ្ពោះទៅរកការបញ្ចេញកាបូនកម្រិតសូន្យក្នុងតំបន់អាស៉ី។
គួរបញ្ជាក់ថា លោក គិស៊ិដា បានឡើងកាន់អំណាចកាលពី១ខែមុន បន្ទាប់ពីលោក យ៉ូស៊ីហ៊ីដេ ស៊ូហ្កា (Yoshihide Suga) សម្រេចលាលែងពីតំណែងបន្ទាប់ពីកាន់អំណាចបាន១ឆ្នាំ ដែលហេតុផលមួយផ្នែកគឺ ដោយសារប្រជាជនមិនពេញចិត្តចំពោះការគ្រប់គ្រងវិបត្តិ COVID-19 របស់លោកនៅក្នុងប្រទេសជប៉ុន៕