វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4007 នាក់
ម្សិលមិញ 10264 នាក់
សរុប 14143189 នាក់
បាងកក៖ លោក ថាណាថន ចងរូងរួងឃីត (Thanathorn Juangroongruangkit)មេគណបក្សប្រឆាំងថៃនឹងត្រូវបាត់បង់តួនាទីនយោបាយ ដោយសារតុលាការបានចេញសាលក្រមសម្រេចថា លោកពិតជាមានទោសពាក់ព័ន្ធសំណុំរឿងបំពានច្បាប់បោះឆ្នោត ដូចការចោទប្រកាន់មែន។ នេះបើតាមការដកស្រង់ការផ្សាយ ចេញពីសារព័ត៌មាន CNA នៅល្ងាចថ្ងៃពុធ ទី២០ ខែវិច្ឆិកា ឆ្នាំ២០១៩។
លោក ថាណាថន ចងរូងរួងឃីត (Thanathorn Juangroongruangkit)អាយុ ៤០ឆ្នាំ ជាប្រធានគណបក្សនយោបាយថៃឆ្ពោះទៅរកអនាគត (Future Forward party) ត្រូវបានតុលាការធម្មនុញ្ញថៃកាត់សេចក្តីថា លោកពិតជាមានទោសកំហុសមែន ដោយសារការកាន់កាប់ភាគហ៊ុនក្នុងក្រុមហ៊ុនព័ត៌មាន V-Luck Media នៅពេលដាក់ពាក្យឈរឈ្មោះឲ្យគេបោះឆ្នោតធ្វើជាតំណាងរាស្ត្រ សម្រាប់ការបោះឆ្នោតសកលនៅប្រទេសថៃ ដែលបានប្រព្រឹត្តទៅកាលពីខែមីនា ឆ្នាំ២០១៩។
លោក Thanathorn ធ្លាប់បានអះអាងថា លោកបានផ្ទេរភាគហ៊ុនទាំងនោះអស់ទៅហើយ នៅមុនការចាប់ផ្តើមយុទ្ធនាការបោះឆ្នោត។
គួរជម្រាបថា តាមរយៈសាលក្រមខាងលើនិងធ្វើឲ្យ លោក Thanathorn Juangroongruangkit នឹងត្រូវបាត់បង់តួនាទីជាសមាជិកសភា ហើយក៏មិនអាចធ្វើនយោបាយបានទៀតនោះដែរ។
គណបក្ស ថៃឆ្ពោះទៅរកអនាគត (Future Forward party) របស់លោក ស្ថិតក្នុងចំណោមសម្ព័ន្ធបក្សប្រឆាំងនៅប្រទេសថៃ ដែលបានចោទប្រកាន់អតីតរដ្ឋាភិបាលយោធាថៃថា បានកែប្រែច្បាប់បោះឆ្នោត ដើម្បីធានាឲ្យលោកនាយករដ្ឋមន្ត្រី ប្រាយុទ្ធ ចាន់អូចា អាចបន្តកាន់តំណែងនៅក្នុងរដ្ឋាភិបាលស៊ីវិលថ្មី។ គណបក្សនេះ ទទួលបានសំឡេងឆ្នោតគាំទ្រច្រើនជាងគេទី ៣ ក្នុងការបោះឆ្នោតកាលពីខែមីនា បន្ទាប់ពីគណបក្ស ភឿថៃ (Pheu Thai) និងគណបក្សផាឡាងប្រាឆារ៉ាត់ (Palang Pracharat)របស់លោកប្រាយុទ្ធចាន់អូចា។គណបក្ស ថៃឆ្ពោះទៅរកអនាគត (Future Forward party) ក៏ធ្លាប់ទទួលជួបមេក្រុមបាតុកម្មនៅហុងកុងដែលធ្វើឲ្យរដ្ឋាភិបាលចិនមិនសប្បាយចិត្ត។