រដ្ឋមន្ត្រីពីរនិយាយខុសគ្នាពីមូលហេតុដែលនាំឲ្យពុលមនុស្ស១៣ស្លាប់នៅក្រចេះ!

ភ្នំពេញ៖ លោក ស៊ុយ សែមរដ្ឋមន្ត្រីក្រសួងរ៉ែ និងថាមពល បានបដិសេធថា អ្នកភូមិនៅខេត្តក្រចេះ(ស្លាប់១៣នាក់) មិនមែនពុលទឹកផ្ទុកទៅដោយសារធាតុស្យានីត (Cyanide) ដែលគេប្រើប្រាស់សម្រាប់លាងរ៉ែមាសដូចដែលរដ្ឋមន្ត្រីក្រសួងឧស្សាហកម្ម និងសិប្បកម្មនិយាយទេ គឺ អ្នកភូមិស្លាប់ដោយសារពុលថ្នាំគីមីកសិកម្ម។

កាលពីថ្ងៃ១៧ឧសភាឆ្នាំ២០១៨ រដ្ឋមន្ត្រីក្រសួងឧស្សាហកម្ម និងសិប្បកម្ម លោក ចម ប្រសិទ្ធ បានអះអាងថាអាជីវកម្មរុករករ៉ែមាសនៅក្នុងខេត្តមណ្ឌលគិរីថា បានប្រើប្រាស់សារធាតុគីមីពុលស្យានីតនៅក្នុងសកម្មភាពរុករករ៉ែមាស ដែលបង្កឲ្យមានសារធាតុពុលនេះហូរចូលអាងទឹកព្រែកទេរ និងបង្ករឲ្យពលរដ្ឋពុល ក្រោយប្រើប្រាស់ទឹកនោះ។«ឃើញកម្រិតនៅក្នុងទឹកហ្នឹង មានជាតិក្រូម។ អាក្រូមហ្នឹង ប៉ះពាល់ដល់គ្រឿងក្នុងយើងច្រើនណាស់។ ទី២ យើងឃើញស្យានីដទៀត។ ស្យានីដ គឺជាជាតិពុល អញ្ចឹង អាស្យានីដហ្នឹង វាមានពីណា យើងទៅស្រាវជ្រាវ ស្យានីដ គេប្រើសម្រាប់លាងមាសឲ្យស្អាត។ យើងទៅរកឃើញកន្លែងមួយចំនួន ដែលធ្វើរ៉ែមាស មានអាជ្ញាប័ណ្ណ មិនមានអាជ្ញាប័ណ្ណ ឃើញទាំងធុងស្យានីដនៅកន្លែងហ្នឹងទៀត»។

ប៉ុន្តែ នៅថ្ងៃទី២២សភានេះ លោក ស៊ុយ សែម បាននិយាយផ្ទុយវិញថា ការពុលស្លាប់នៅខេត្តក្រចេះ កន្លងមក បណ្ដាលមកពីពុលថ្នាំសម្លាប់សត្វល្អិត ថ្នាំសម្លាប់ស្មៅ ដែលប្រជាពលរដ្ឋបោះចោលនៅមាត់ស្ទឹង និងមាត់ព្រែកជាប់នៅទីកន្លែងនោះ។ក្រសួងបរិស្ថានបានយកឈាមអ្នកស្លាប់ទៅពិនិត្យនៅប្រទេសសិង្ហបុរី ប៉ុន្តែ ពុំបានរកឃើញសារ ធាតុគីមីស្យានីដនៅក្នុងឈាមអ្នកស្លាប់ទេ?!។ក្រសួងសុខាភិបាល គេប្រកាសរួចហើយតើ មិនមែនស្យានីតទេ គឺពុលស្អីផ្សេង។ក្រសួងសុខាភិបាល បានឲ្យដឹងថា អ្នកភូមិ ១៣នាក់នៅស្រុកចិត្របុរី បានស្លាប់ ហើយ ២៣៤នាក់ទៀត ត្រូវបានបញ្ជូនទៅសង្គ្រោះនៅតាមមន្ទីរពេទ្យកាលពីដើមខែឧសភានេះ ក្រោយពីមានអការៈឈឺពោះ ក្អួតចង្អោ ឈឺក អស់កម្លាំង ទន់ដៃទន់ជើង វិលមុខ ថប់ដង្ហើម សន្លប់ និងបណ្ដាលឲ្យស្លាប់។បើចឹងមនុស្ស១៣នាក់ប្រាកដជាស្លាប់ដោយគ្មានអ្នទទួលខុសត្រូវហើយ!!៕