វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5725 នាក់
ម្សិលមិញ 8227 នាក់
សរុប 14132606 នាក់
ខេត្តមណ្ឌលគិរី៖ ខេត្តមណ្ឌលគីរីសិ្ថតនៅភូមិភាគឦសាននៃប្រទេសកម្ពុជា មានព្រំប្រទល់ខាងកើតជាប់នឹង ប្រទេសវៀតណាម ខាងជើងជាប់នឹងខេត្តរតនគិរី ខាងជើងឈាងខាងលិចជាប់នឹងខេត្តស្ទឹងត្រែង ខាងលិចជាប់នឹងខេត្តក្រចេះ។ ខេត្តនេះមានផ្ទៃដីធំជាងគេ ប្រមូលផ្ដុំទៅដោយកន្លែងទេសចរណ៌ធម្មជាតិដ៏ល្អស្រស់ត្រកាលតែមានប្រជាជនតិចជាងគេ ជាពិសេសគឺជាខេត្តដែលត្រូវបានគេដាក់រហ្សនាមថាជាខេត្តភោគផលរតនដ៏សំបូរបែប ដែលប្រមូលផ្ដុំទៅដោយរ៉ែ មាស ពេជ្រ ត្បូង សំខាន់ៗនឹងថ្មកែវគ្រប់ប្រភេទរំលេចទៅដោយភាពវិសេសវិសាលនៃខេត្តនេះ។
បច្ចប្បន្នគេសង្កេតឃើញថាតំបន់មួយចំនួននៅខត្តមណ្ឌលគិរីឃើញមានការកាប់ព្រៃឈើយ៉ាងសកម្ម ហើយទីតាំងខ្លះក្លាយជាចម្ការកៅស៊ូ ម្រេច ដំឡូងរបស់ឯកជន។ ក្រៅពីនេះក៏ឃើញមានគ្រឿងចក្រមួយចំនួនបានកំពុងប្រតិបត្តិការជីកគាស់កកាយរកនៅសម្បត្តិធម្មជាតិនៅក្រោមដីដែលរួមមាន រ៉ែមាស ត្បូង ថ្មដែលមានតម្លៃផងដែរ។
កាលពីថ្ងៃទី១៣ ខែកញ្ញា ឆ្នាំ២០២០ ជនជាតិវៀតណាមម្នាក់ បានបង្ហោះរូបភាពជាច្រើន រួមទាំងវីដេអូមួយចំនួននៅលើបណ្ដាញសង្គមហ្វេសប៊ុកឈ្មោះ Gỗ Đá Đăng Tâm ដែលបានឆេកអ៊ីននៅក្នុងខេត្តមណ្ឌលគិរី ដោយបានសរសេរជាភាសាវៀតណាមថា៖«Hành Trình Để Có Những Viên Đá Đẹp “”Đời không như là mơ _ Không hề đơn giản””» បកប្រែជាភាសាខ្មែរថា៖«ដំណើរឆ្ពោះទៅរកត្បូងស្អាតៗ ជីវិតមិនមែនជាក្ដីសុបិន្ដទេ ហើយវាមិនសាមញ្ញ ងាយស្រួលឡើយ»។
បើមើលរូបភាព បានបង្ហាញឲ្យឃើញពីដំណើរសកម្មភាពដែលមានកម្មករ រួមទាំងគ្រឿងចក្រជាច្រើនកំពុងធ្វើការយ៉ាងសស្រាក់សស្រាំដើម្បីស្វែងរករ៉ែ ត្បូង ថ្មដែលមានតម្លៃ ដើម្បីយកទៅជាអាជីវកម្ម ហើយបុរសជនជាតិវៀតណាមនោះ ក៏បានបង្ហាញពីរូបភាពត្បូង រ៉ែ ថ្មដ៏ស្រស់ស្អាត មួយចំនួនធំ ដែលសុទ្ធសឹងជារបស់មានតម្លៃឥតឧបមា។គេមិនដឹងថាតើសកម្មភាពជីករ៉ែរបស់ក្រុមហ៊ុនវៀតណាមមួយនេះមានច្បាប់ទម្លាប់ដែរឬអត់នោះទេ?។