សង្វៀនបញ្ជាល់មាន់​ដុះ​ស្លែ​ ចាប់ផ្តើមប;ក​ដំណើរ​ការឡ;ងវិញហើយ ជ្រកក្នុងកាស៊ីណូ​ ៦៧ស្រុកចន្ទ្រា ខេត្តស្វាយរៀង បើក​ឲ្យ​ពលរដ្ឋ​ខ្មែរ និងជនជាតិវៀតណាម ចូល​លេង​ខុសច្បាប់

ស្វាយរៀង ៖ មួយរយៈចុងក្រោយនេះកាសុីណូ៦៧ត្រូវបានបិទបណ្ដោះអាសន្ន ។តែឥឡូវមានសារព័ត៌មានក្នុងស្រុកយេីង បានបញ្ជាក់ឲ្យដឹងថាកាសុីណូ ៦៧ចាប់ផ្តើមដំណើរការយ៉ាងរលូនវិញហើយ រីឯសមត្ថកិច្ចពាក់ព័ន្ធមូលដ្ឋាន និង សមត្ថកិច្ចស្រុកចន្ទ្រា រក្សាភាពស្ងៀមស្ងាត់សង្សយ័ដើមមាត់។  

ប្រភព​ពី​ប្រជាពលរដ្ឋ រស់នៅ​តាមខ្សែបន្ទាត់​ព្រំដែន ក្នុង​ភូមិសំរោង ស្រុកចន្ទ្រា ខេត្តស្វាយរៀងបាន​បញ្ជាក់​ឲ្យដឹងថា អ្នក​ដែល​ហ៊ាន​បើក​ល្បែង​បញ្ជាល់មាន់​ខ្នាច​ធំ​ និង​ ល្បែង​ផ្សេងៗ​ ជាច្រើន​ប្រភេទ​ទៀត ប្រហែលជា​មាន​ខ្នងបង្អែក រឹងមាំ​នៅ​ពីក្រោយ ទើប​លោក អធិការដ្ឋាន​នគរបាលស្រុកចន្ទ្រា មិន​ហ៊ាន​ប៉ះពាល់​ឡើយ​។​

​មជ្ឈដ្ឋាន​ខាងក្រៅ​.! និង​ពលរដ្ឋ​ក្នុង​ភូមិ​សំរោង រិះគន់​ចំៗ​ ទៅ​លើ​អាជ្ញាធរ​ពាក់​ពន្ធ័ ក្នុង​មូលដ្ឋាន និង​សមត្ថកិច្ច​នគរបាល​ច្រក​តំបន់​ព្រំដែន​សំរោងជា​អ្នក​បើក​ភ្លើង​ខៀវ ទើប​ម្ចាស់​កាស៊ីណូ ហ៊ាន​គ្រៀង​គរ​ឲ្យ​ពលរដ្ឋ​ខ្មែរ និង​ជនជាតិ​វៀតណាម ចូល​មក​លេង​ល្បែង​បញ្ជាល់មាន់​ ចាក់ភ្នាល់​លេង​ស៊ីសងខុស​ច្បាប់ តាម​អំពើ​ចិត្ត​។​

​ទោះបី​ប្រមុខ​រដ្ឋាភិបាល​កម្ពុជា បាន​ណែនាំ​ចូលរួម​ទប់ស្កាត់​នៅ​ពេល​កន្លងមក ឲ្យ​បិទ​ល្បែងភ្នាល់​ស៊ីសង​គ្រប់​ប្រភេទ ទូទាំង​ប្រទេស បែរ​ជា​ម្ចាស់ កា​សុីណូ ៦៧នៅបេីកឲ្យ​ខ្មែរ និង​ជនជាតិ​វៀតណាម ចូល​លេង ល្បែង​បញ្ជាល់មាន់​ ភ្នាល់ដាក់​លុយ​រាប់សិប​លាន​ដុង ក្នុង​១​គូរៗ ។

ដោយឡែក​សមត្ថកិច្ច​ក្នុង​មូលដ្ឋាន ព្រមទាំង​សមត្ថកិច្ច​ពាក់ព័ន្ធ​ ក្នុងខេត្តស្វាយរៀង មិនទាន់​ចាត់វិធានការ​បង្ក្រាប ឲ្យស្រប​តាម​គោលនយោបា​យ ភូមិ ឃុំ មាន​សុវត្ថិភាព​៧​ចំណុច ដែល​ដាក់​ចេញ​ដោយ​ក្រសួង​មហាផ្ទៃ នោះទេ​។​

​ប្រជាពលរដ្ឋ រស់នៅក្នុងមូលដ្ឋាន ស្រុកចន្ទ្រាខេត្តស្វាយរៀង អំពាវនាវ​ដល់​ថ្នាក់ដឹកនាំ​ក្រសួង​មហាផ្ទៃ និង​ឧត្ដមសេនីយ៍ទោ ពេជ្រ វិរះ ស្នងការដ្ឋាន​នគរបាល​ខេត្ត​ស្វាយរៀង ចាត់​មន្ត្រី​ក្រោម​ឱវាទ​ចុះ​ត្រួតពិនិត្យ​ភាពមិនប្រក្រតី​ ចំពោះ ម្ចាស់​កាស៊ីណូ ៦៧និង​បក្ខពួក​អ្នកញៀន​ល្បែង​បញ្ជាល់មាន់​ខ្នាយ​ដែក លក្ខណៈ​ទ្រង់ទ្រាយ​ធំ បង្ក្រាប​ជា​បន្ទាន់ ដើម្បី​បង្រឹង​សន្តិសុខ​សង្គម​សណ្ដាប់​ធ្នាប់ជូន​ពលរដ្ឋ​ក្នុង​មូលដ្ឋាន​៕