ពលរដ្ឋថា ក្រុមអង្គេតនិងអធិការកិច្ចក្រសួងរៀបចំដែនដីនគរូបនីយកម្មនិងសំណង់របស់ឧបនាយករដ្ឋមន្ត្រីជាសុផារ៉ាអាចរកមិនឃើញកំហុសលោកប្រាក់ ប៉ូលី ឃើញទេ?
16-November-2025 / ព័ត៌មានជាតិ
បន្ទាយមានជ័យ៖ កាលពីថ្ងៃទី៣០ខែកក្កដា២០១៩ ឯកឧត្ដម ជា សុផារ៉ាឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគររូបនីយកម្មនិងសំណង់ បានបង្កើតគណកម្មការអធិការកិច្ចមួយដើម្បី ស៊ើបអង្គេតលើលោកប្រាក់ប៉ូលីប្រធានមន្ទីរសុរិយោដីនិងសំណង់ ខេត្តបន្ទាយមានជ័យដែលល្បីល្បាញខាងប្រព្រឹតអំពើមិនគប្បីចំពោះពលរដ្ឋ ជុំវិញការអនុវត្តន៏ផែនការការងារចុះបញ្ជីដីធ្លីជាលក្ខណប្រពន្ធ័នៅខេត្តបន្ទាយមានជ័យកាលពីថ្មីៗនេះ ។
តែប្រជាពលរដ្ឋមានមន្ទឹលថាក្រុមគណកម្មការដែលគ្នា៩នាក់ដឹកនាំដោយលោកសរសុវណ្ណរដ្ឋលេខាធិការក្រសួងប្រហែលជារកមិនឃើញកំហុសរបស់លោកប្រាក់ប៉ូលីនោះទេ!។
យោងតាមប្រភពព័ត៌មានដែលសារពត៍មានយើងទទួលបានអោយដឹងថាគ្រាន់តែក្រុងប៉ោយប៉ែត សំណង់ផ្ទះល្វែងជាច្រើន ចាប់ពីកំពស់១ជាន់ឡើងទៅ ខ្នាតតូច និងខ្នាតធំ គឺមានខ្ទង់៧០%ដែលជាប្រភេទសំណង់មិនរៀបរយដែលបានសាងសង់ ។ប្រភពបានបន្តទៀតថា សំណង់មិនទាន់រៀបរយខាងលើគេមិនជឿថាលោកប្រាក់ប៉ូលីមិនដឹងនោះទេ ព្រោះថារាល់សំណង់ទាំងនោះ បើមិននបានឆ្លងកាត់លោកប្រាក់ ប៉ូលីន ដែលជាបងប្រុសបង្កើត របស់ប្រធានមន្ទីរខាងលើនោះទេគឺកុំស្រម៉ៃថាអាចធ្វើអ្វីបានអោយសោះ!? ។
ប្រភពបានបន្តទៀតថា សំណង់ខ្លះចេញតាមក្លៀកសំណង់ខ្លះទៀតចេញតាមមាត់ក៏មាន ករណីនេះគេមិនដឹងឡើយថា តើក្រុមអធិការកិច្ចរបស់ក្រសួងដែលមានរដ្ឋមន្ត្រីដៃឆៅមួយនេះអាចធ្វើការបានស៊ីជម្រៅដែរឬយ៉ាងណានោះទេ?។ បើតាមពលរដ្ឋថានៅក្រុងប៉ោយប៉ែត សុំមិនបញ្ចេញឈ្មោះ បានអោយដឹងថា លោកប្រាក់ ប៉ូលី ប្រធានមន្ទីរសុរិយាដីនិងសំណង់ ខេត្តបន្ទាយមានជ័យ រូបនេះទោះបីមិនមែនមានគោរម្យងារជាឧកញ៉ាដែលគេហៅថាសេដ្ឋីក៏ដោយតែលោកមានទ្រព្យសម្បត្តិមិនណយដែរ។លោកបានសង់សំណង់ភូមិគ្រឹះតម្លៃមួយមានតម្លៃជិត១លានដុល្លារសហរដ្ឋអាមេរិកនៅភូមិបាលិលេយ្យ១ ទល់មុខនិងផ្សារថ្មីប៉ោយប៉ែត ដើម្បីអោយសត្វត្រចៀកកាំនៅ ។
ប្រភពដដែលថា ក្រៅពីសំណង់ដ៏ធំស្គឹមស្គៃនោះ លោកប្រាក់ប៉ូលី ក៏បានទិញដីតម្លៃរាប់លានដុល្លារនៅប្លុកកាស៊ីណូស្តារវើហ្គាស ក្រុងប៉ោយប៉ែត ស្ថិតនៅភូមិសាមគ្គីមានជ័យ ដីនោះដាក់ឈ្មោះប្រពន្ធ ឈ្មោះ សុះ រីណាដើម្បីគេចពីអង្គភាពប្រឆាំងអំពើពុក ស៊ើបអង្គេត ។ ប្រជាពលរដ្ឋសួរថា តើលោកប្រាក់ប៉ូលលី ទទួលបានប្រាក់ខែប៉ុន្មាន ក្នង១ខែៗ ទើបមានលុយវាល់លានដុល្លារបែបនេះ ? ។មិនដឹងថាតើលោកឱមយិនទៀង អាចពិនិត្យមើលកញ្ចប់ថវិការបស់លោកប្រាក់ប៉ូលីបានដែរឬអត់ព្រោះមិនដឹងថាតើគាត់ត្រូវស្ថិតក្នុងច្បាប់ប្រកាសទ្រព្យសម្បត្តិដែរឬអត់នោះទេ? ។
ដោយឡែកករណីចុះបញ្ជីរដីធ្លីជាលក្ខណៈជាប្រពន្ធ័ដែលនឹងត្រូវបញ្ចប់នៅឆ្នាំ២០២៣ វិញគឺឃើញថា មានការឃ្លីងឃ្លោងយ៉ាងខ្លាំងបង្កអោយពលរដ្ឋទើសចិត្តប៉ះពាល់ដល់គោលនយោបាយថ្នាក់ជាតិទៀតផង ។ ជាក់ស្តែងដីនៅចំណុចភូមិសាមគ្គីមានជ័យ សង្កាត់និងក្រុងប៉ោយប៉ែតដីពលរដ្ឋត្រង់ក្បែរទំនប់ក៥ពលរដ្ឋថា ដីពួកគាត់មិនត្រូវបានក្រុមការងារចុះបញ្ជីដីធ្លីចេញប្លង់ប្រពន្ធ័អោយនោះទេ ។ ចំណែកដីរបស់លោកទៀចាង មន្ត្រីយោធា ផ្កាយពីរ ដែលនៅទីតាំងដូចគ្នានោះដែរបែជា លោកប្រាក់ ប៉ូលី ចេញប្លង់អោយបានយ៉ាងរលួនដែល ជាហេតុធើអោយពលរដ្ឋកើតមន្ទឹលពីរការអនុវ្តន៍ស្តង់ដារពីររបស់លោកប្រាក់ប៉ូលី និងអស់ជំនឿលើមន្ត្រីរបស់ស្ថាបន័រដ្ឋដោយសារការអនុវត្តន៏ការងារមិនប្រក្រតីបែបនេះ ។
នៅព្រឹកថ្ងៃទី០១ខែសីហាឆ្នាំ២០១៩នេះ អង្គភាពសារព័ត៌មានយើងបានព្យាយាម សុំអោយលោកប្រាក់ប៉ូលីបំភ្លឺជុំវិញ ប្រភពដែលថា លោកធ្វើការលំអៀងនិងមានលុយរាប់លានដុល្លារនោះប៉ុន្តែ លោកប្រាក់ប៉ូលី មិនទាន់បានឆ្លើយតបយ៉ាងណានោះទេ ។ សង្ឃឹមថាលោកប្រាក់ប៉ូលី ប្រធានមន្ទីរសុរិយោដីនិងសំណង់ខេត្តបន្ទាយមានជ័យរូបនេះនឹងបកស្រាយនាពេលក្រោយជាមិនខាន ។
