វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4707 នាក់
ម្សិលមិញ 5304 នាក់
សរុប 14144233 នាក់
ស្ទឹងត្រែង៖មន្ត្រីខណ្ឌរដ្ឋបាលជលផលខេត្តស្ទឹងត្រែងគណៈកម្មការផ្សារសាមគ្គីស្ទឹងត្រែង បានសហការគ្នាចុះដកហូតត្រីប្រាកែ(ត្រីកែ)ជាច្រើនគីឡូក្រាម ដែលកំពុងដាក់លក់នៅផ្សារសាមគ្គីស្ទឹងត្រែង ក្រោយពី រកឃើញថាត្រីកែទាំងអស់នោះមានជាតិពុល! ។
ករណីយ៍នេះនាយខណ្ឌរដ្ឋបាលជលផលខេត្តស្ទឹងត្រែង លោក ស្រីសម វិចិត្រ បានឲ្យដឹងនៅថ្ងៃទី២៧ ខែមីនា ឆ្នាំ២០២៤នេះថា ត្រីកែទាំងនេះមានផ្ទុកសារធាតុពុលដោយសារត្រីទាំងនេះ ត្រូវបានក្រុមអ្នកនេសាទប្រើបច្ចេកទេសកែច្នៃសារធាតុពុល បោះទៅឲ្យត្រីទាំងស៊ី រួចចាប់ពួកត្រីទាំងនោះ យកមកលក់នៅលើទីផ្សារសាមគ្គីខេត្តស្ទឹងត្រែងតែម្តង ។
ក្រោយពីទទួលបានព័ត៌មានពីសហគមន៍នេសាទ និងអ្នកពាក់ព័ន្ធ ទាំងនានាក្នុងតំបន់រ៉ាមសារ ក្នុងសង្កាត់សាមគ្គី ទាំងនៅក្នុងសហគន៍ស្រុកសៀមបូកមកថា មានករណីបំពុលត្រីខុសច្បាប់រួចនាំយកមកលក់បន្តឲ្យចាំអ្នកទទួលទិញ ដើម្បីបន្តយកមកលក់នៅលើទីផ្សារសាមគ្គីខេត្តស្ទឹងត្រែង លោកក៏ដឹកនាំកម្លាំងចុះទៅពិនិត្យភ្លាមៗនិងបានស្នើសុំកិច្ចសហការជាមួយអ្នកលក់ចំនួន៣នាក់ ដែលជាម្ចាស់ត្រី ហើយក៏ធ្វើការដកហូតត្រីដែលត្រូវថ្នាំពុលសរុបប្រមាន៥០គ.ក. ដើម្បីយកទៅដុតកម្ទេចចោលនិងបានណែនាំអប់រំធ្វើកិច្ចសន្យាបញ្ឈប់ការទិញលក់ត្រីបែបនេះ ដែលជាហេតុនាំឲ្យគ្រោះថ្នាក់ដល់សុខភាពអ្នកដទៃធ្ងន់។លោកនាយខណ្ឌបន្តថា ត្រីមានសារធាតុពុលខាងលើនេះ យើងគ្រប់គ្រងទាន់សភាពការណ៍ទាន់ នៅមិនទាន់មានបងប្អូនប្រជាពលរដ្ឋមកទិញយកទៅបរិភោគនៅឡើយទេ? ។
ជំនាញក៏បានបញ្ជាក់ឲ្យដឹងផងដែរថា ថ្នាំពុលគេរៀបចំធ្វើពីគ្រឿងផ្សំមួយចំនួនដូចជា បាយដំណើប ត្រីល្អិតៗ ក្តាម កំពិសជាដើម ដោយលាយជាមួយថ្នាំពុល ឬថ្នាំសម្លាប់សត្វល្អិត រួចបោះចូលទៅទន្លេឲ្យត្រីស៊ីហើយនៅពេលត្រីស៉ីនិងងាប់រួចអណ្តែតឡើងលើផ្ទៃទឹកតែម្តង ។លោកថា បើមនុស្សបរិភោគត្រីនោះ អាចពុលរាក ក្អូតចង្អោរ និងអាចធ្ងន់ជាងនេះថែមទៀត ។
លោកនាយខណ្ឌជលផល បានអំពាវនាវ ដល់បងប្អូនអ្នកនេសាទ និងអាជីវករទាំងអស់មេត្តានេសាទត្រីក្នុងសកម្មភាពបែបនេះ នឹងកុំទិញត្រីដែលបែបនេះយកមកលក់លើទីផ្សារ ដែលជាហេតុនាំឲ្យមានទោសទណ្ឌដល់ខ្លួន៕