គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5813 នាក់

ម្សិលមិញ 9639 នាក់

សរុប 20695984 នាក់

គ្រូពេទ្យសង់ត្រាល់រងការចោទថាមិនយកចិត្តទុកដាក់បណ្តាលឲ្យកូនខ្ចីស្លាប់ក្រោយពីសម្រាលបាន៤ថ្ងៃ!

21-September-2026 / សុខភាពនិងកីឡា

ភ្នំពេញៈ ក្រុមគ្រួសារមួយបានធ្វើការរិះគន់យ៉ាងខ្លាំង ទៅលើគ្រូពេទ្យមន្ទីរពេទ្យ “សង់ត្រាល់” ថា មិនយកចិត្តទុកដាក់មើលថែអ្នកជំងឺឡើយ ដោយបណ្ដែតបណ្តោយឲ្យកូនជាទីស្រឡាញ់របស់គាត់ ស្លាប់យ៉ាងអាណោចអាធ័មបំផុត។ a_central1

គណនីហ្វេសប៊ុកមួយឈ្មោះ Jolly BabyShop កាលពីយប់ថ្ងៃទី៧ ខែមិថុនា ឆ្នាំ២០១៨ បានសរសេរសាររិះគន់ក្រុមគ្រូពេទ្យនៃមន្ទីរពេទ្យខាងលើ ធ្វើឲ្យផ្អើលផ្ទុះការចែកចាយតៗគ្នា និងរិះគន់យ៉ាងខ្លាំងនៅលើបណ្ដាញសង្គមហ្វេសប៊ុកចំពោះភាពចន្លោះប្រហោងបណ្ដែតបណ្ដោយមិនមើលថែអ្នកជំងឺរបស់ក្រុមគ្រូពេទ្យក្នុងន័យផ្សេងៗគ្នា បន្ទាប់គ្រួសារមួយនេះ បានរងគ្រោះដោយត្រូវបាត់បង់កូនទើបតែកើតបានរយៈពេល៤ថ្ងៃ។ “ពេលដែលស្ដ្រីពរពោះម្ដងៗ មិនមែនស្រួលទេ ទម្រាំគ្រប់ខែ ធ្វើជាពេទ្យគួរតែដឹងហេតុអ្វីក៏ធ្វេសប្រហែសម្លេះ? ។ a_central2

សូមបងប្អូនជួយស៊ែផង ដើម្បីកូនៗៗទាំងអស់គ្នា ខ្ញុំជួបរឿងអយុត្តិធម៌នៅមន្ទីរពេទ្យ បានធ្វើឲ្យកូនខ្ញុំស្លាប់ ដោយសារតែពួកគ្រូពេទ្យ វាមិនយកចិត្តទុក្ខដាក់និងយើងទេ វាមិនខ្វល់ពីកូនយើងទេ ពេលដែលកូនយើងឈឺក្តៅខ្លួន យើងប្រាប់ពេទ្យថា កូនយើងក្អួត រោគ ក្ដៅ ខ្លួនវាចេះតែថាមិនអីៗៗ រហូតដល់កូនយើងហើមពោះខ្លាំងមែនទែន ពេទ្យមកមើល ហើយថា មើលលេងបានហើយបញ្ចូនកូនយើងទៅពេទ្យកាល់ម៉ែតទៅ”។

គណនីហ្វេសប៊ុកបន្តថា “ទៅកាល់ម៉ែតៗលេងទទួល ប្រាប់ថា ឧបករណ៍មិនគ្រប់គ្រាន់ឲ្យនាំកូនមកពេទ្យគន្ធបុប្ជា ខ្ញុំមិនដឹងថា ពេទ្យស្រុកខ្មែរមួយចំនួន បានរៀនពីក្រមសីលធម៌របស់គ្រូពេទ្យដែរឬអត់នោះទេ ព្រោះខ្ញុំឈឺចាប់ខ្លាំងណាស់ហ្នឹងទង្វើមិនខ្វល់ មិនអើពើ ដែលក្នុងនាមយើងជាម្នាយឪពុកក្មេងកំពុងស្រក់ទឹកភ្នែកអាណិតកូន វាពិតជាសោកស្ដាយខ្លាំងណាស់។ អ្នកជំងឺបានចាត់ទុក្ខគ្រូពេទ្យដូចទេវតា ឲ្យតំលៃណាស់ទៅលើគ្រូពេទ្យ តែគ្រូពេទ្យធ្វើអោយខ្លួនឯងក្លាយជាគ្មានតំលៃ គួអោយស្អប់ខ្ពើម នឹងគួរអោយចង់ធាក់មួយជើងអោយបាក់ក តែយើងក៏មិនអាចធ្វើ”។

“ទីបំផុត ក្មួយខ្ញុំបានបាត់បង់ជីវិតនៅម៉ោង២ថ្ងៃត្រង់នេះ ថ្ងៃទី៧។ ឯណាទៅពាក្យថា មិនអី??????? នៅពេលបានដឹងថា កូនបាត់បង់ជីវិត បងខ្ញុំស្ទើរដួលសន្លំ ទ្រហោយំ អោបសពកូន។ ខ្ញុំពិតជាខ្លោចចិត្តណាស់កូន លីណា ទើបកើតបាន៤ថ្ងៃ ត្រូវស្លាប់ទៅវិញ ដោយសារការធ្វេសប្រហែលរបស់ពេទ្យ”។ ហ្វេសប៊ុក Jolly BabyShop បញ្ជាក់។ a_central

សូមបញ្ជាក់ថា ថ្វីបើក្នុងខ្លឹមសារម្ចាស់គណនីហ្វេសប៊ុកខាងលើ មិនបានបញ្ជាក់ពីអត្តសញ្ញាណមន្ទីរពេទ្យក៏ពិតមែន ប៉ុន្តែបើតាមសារឆ្លើយឆ្លង (comment) ម្ចាស់គណនីបានប្រាប់អ្នកចូលរួមរំលែកទុក្ខ និងសម្ដែងការសោកស្ដាយថា នៅពេលកូនមិនស្រួលខ្លួនខ្លាំង ម្ដាយក្មេងរងគ្រោះបាននាំកូនទៅសម្រាកព្យាបាលនៅមន្ទីរពេទ្យ “សង់ត្រាល់” ដែលមានទីតាំងស្ថិតនៅផ្ទះលេខ៨២អា តាមបណ្ដោយផ្លូវលេខ១៥៤ ស្ថិតក្នុងសង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ។

មិនទាន់ឃើញមានខាងមន្ទីរពេទ្យ សង់ត្រាល់ចេញមកពន្យល់ ពីករណីនេះនៅឡើយទេ!។