វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2851 នាក់
ម្សិលមិញ 10264 នាក់
សរុប 14142033 នាក់
ភ្នំពេញ ៖ នារសៀលថ្ងៃទី១៨ ខែវិច្ឆិកានេះ, សម្តេចតេជោ ហ៊ុន សែន នាយករដ្ឋមន្ត្រី បានណែនាំឲ្យប្រតិភូកីឡា ជាពិសេស កីឡាករ កីឡាការិនី ដែលនឹងត្រូវចូលរួមប្រកួតកីឡាស៊ីហ្គេម លើកទី៣០ នៅប្រទេសហ្វីលីពីន ធ្វើយ៉ាងណាកុំឲ្យការចង់ឈ្នះរបស់ខ្លួន ក្លាយទៅជាភាពអាម៉ាសរបស់ជាតិ និងប្រជាជនកម្ពុជា។
សម្តេចតេជោនាយករដ្ឋមន្ត្រី បានណែនាំថា មិនត្រូវបំពានលើវិធាននៃការប្រកួត ហើយនិងមិនត្រូវប្រើប្រាស់សារធាតុណា ដែលគេហាមឃាត់នោះទេ។ សម្តេចបានបញ្ជាក់ថា កីឡាករ កីឡាការិនី ទាំង២៧៦នាក់ ដែលចូលរួមប្រកួតនេះ គឺតំណាងឲ្យប្រទេសជាតិ មិនមែនជាលក្ខណៈបុគ្គលនោះឡើយ។
សូមជម្រាបថា ព្រឹត្តិការណ៍ស៊ីហ្គេម លើកទី៣០ នៅប្រទេសហ្វីលីពីនលើកនេះ, កម្ពុជា បានបញ្ជូនប្រតិភូកីឡា ចំនួន៤៤៧នាក់ ទៅចូលរួម ក្នុងនោះកីឡាករ កីឡាការិនី មាន២៧៦នាក់។ សម្តេចតេជោ ហ៊ុន សែន បានផ្តល់ថវិកាឧបត្ថម្ភ ដល់ប្រតិភូកីឡាទាំង៤៤៧នាក់ ក្នុងនោះម្នាក់ៗ៥០០ដុល្លារអាមេរិក សម្រាប់ចំណាយ ក្នុងអំឡុងពេលស្នាក់នៅ ប្រទេសហ្វីលីពីន៕