វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 326 នាក់
ម្សិលមិញ 5020 នាក់
សរុប 14115773 នាក់
ភ្នំពេញ៖ ក្រសួងធនធានទឹក និងឧតុនិយមបានឲ្យដឹង នៅថ្ងៃទី២៦ ខែមេសា ឆ្នាំ២០២២នេះ បានឱ្យដឹងថា តំបន់ទាំងបីទូទាំងប្រទេសកម្ពុជា នឹងអាចមានភ្លៀងធ្លាក់ ក្នុងអំឡុងមួយសប្តាហ៍ខាងមុខនេះ ដោយសារទ្រនុងសម្ពាធខ្ពស់ខ្សោយ ពីប៉ាស៊ីហ្វិក ជាមួយនិងឥទ្ធិពលពីជ្រលងសម្ពាធទាបរុញច្រានពីមហាសមុទ្រឥណ្ឌា។ក្រៅពីភ្លៀងអាកាសធាតុនៅប្រទេសកម្ពុជា នៅពេលថ្ងៃរសៀល អាចនឹងកើតដល់ក្នុងរង្វង់ ៣៥ ទៅ ៣៦ អង្សា។
នៅតាម បណ្តាខេត្តនៅតំបន់វាលទំនាបកណ្ដាល ចាប់ពីថ្ងៃទី២៧-២៨ ខែមេសា នឹងអាចមានភ្លៀងដោយអន្លើក្នុងកម្រិតពីខ្សោយទៅមធ្យម។ បន្ទាប់ពី នោះបរិមាណភ្លៀងនឹងកើនឡើងលាយឡំទៅដោយផ្គរ រន្ទះ និងខ្យល់កន្ត្រាក់។
ចំណែកបណ្តាខេត្តដាប់ជួរភ្នំដងរែក និងខ្ពង់រាបឦសាន ចាប់ពីថ្ងៃទី២៧-២៨ ខែមេសា អាចមានភ្លៀងដោយអន្លើក្នុងកម្រិតពីខ្សោយទៅមធ្យម។ បន្ទាប់ពីនោះបរិមាណភ្លៀង នឹងកើនឡើង លាយឡំទៅដោយផ្គរ រន្ទះ និងខ្យល់កន្ត្រាក់។រីឯតំបន់មាត់សមុទ្រ នឹងអាចមានភ្លៀងក្នុងកម្រិតពីតិចទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់៕