ប្រជាជនរុស្ស៊ីសម្រុកចេញក្រៅក្នុងខាងក្នុងប្រទេសកេណ្ឌ័ទព័និងបង្ក្រាបការតវ៉ា
11-March-2026 / ព័ត៌មានអន្តរជាតិ
រុស្ស៊ី៖សំបុត្រយន្តហោះចាកចេញពីប្រទេសរុស្ស៊ី បានលក់អស់គ្មានសល់ត្រឹមមួយប៉ប្រិចភ្នែកដោយសាជនជាតិរុស្ស៊ីជាច្រើននាក់ បានសម្រុកចាកចេញ បន្ទាប់ពីលោកប្រធានាធិបតី វ្ល៉ាឌីមៀរ ពូទីន ប្រកាសកែនទាហាន សម្រាប់សង្គ្រាមរបស់ទីក្រុងមូស្គូនៅអ៊ុយក្រែន។ការស្វែងរកក្នុងគេហទំព័រកក់ជើងហោះហើរដ៏ពេញនិយមបំផុតរបស់រុស្ស៊ីគឺ Aviasales មានការកើនឡើងយ៉ាងខ្លាំង។ នេះបើយោងតាមទិន្នន័យរបស់ Google Trends។
ទិន្នន័យរបស់Aviasalesបានបង្ហាញថា សំបុត្រសម្រាប់ជើងហោះហើរត្រង់ពីទីក្រុងមូស្គូទៅកាន់ទីក្រុងអ៊ីស្តង់ប៊ុល នៃប្រទេសតួកគី និង យ៉េរ៉េវ៉ាន់ នៃប្រទេសអាមេនី ត្រូវបានលក់អស់គ្មានសល់កាលពីថ្ងៃពុធទី២១ខែកញ្ញា ព្រោះប្រទេសទាំង២នេះ អនុញ្ញាតឲ្យជនជាតិរុស្ស៊ីចូលដោយមិនចាំបាច់មានទិដ្ឋាការ។សំបុត្រសម្រាប់ជើងហោះហើរដែលដំណើរការដោយក្រុមហ៊ុន Air Serbia ពីទីក្រុង មូស្គូ ទៅ ប៊េលក្រាដ(ប្រទេសយូហ្គោស្លាវី) ក៏លក់អស់ផងដែរ។
តម្លៃសម្រាប់សំបុត្រមួយជើងទៅកាន់ប្រទេសតួកគី បានហក់ឡើងខ្ពស់ដល់ទៅជិត ១១៥០ដុល្លារ ពោលគឺកើនឡើងបីដង បើធៀបនឹងប្រហែល ៣៦០ដុល្លារ កាលពីសប្តាហ៍មុន។តម្លៃសំបុត្រទៅឌូបៃក៏កើនឡើងផងដែរ ដោយសំបុត្រថ្នាក់សេដ្ឋកិច្ចថោកបំផុត គឺ៤៩០០ដុល្លារ។ប្រភពមួយបានប្រាប់រ៉យទ័រថា ប្រជាជននៅតែប្រញាប់ប្រញាល់ចាកចេញពីប្រទេស ដោយបារម្ភថា ពួកគេនឹងមិនអាចចេញរួចឡើយបើនៅតែបង្អង់យូរ។
ទោះបីយ៉ាងណាប្រទេសមួយ ធ្លាប់ជារដ្ឋចំណុះឲ្យសហភាពសូវៀត បានប្រកាស មិនផ្ដល់ការសុំសិទ្ធិជ្រកកោន ដល់ជនជាតិរុស្ស៊ីណាមួយ ដែលបានរត់គេច ចេញពីការកេណ្ឌទ័ពរបស់ក្រុងមូស្គូ។
សារព័ត៌មានអារ៉ាប់អន្ដរជាតិ Alarabiya បានចេញផ្សាយ កាលពីរាត្រី ថ្ងៃពុធ ទី២១ ខែកញ្ញា ថា លោក អែដហ្កាស រីនខែវិកស៍ (Edgars Rinkevics) រដ្ឋមន្ដ្រី ក្រសួងការបរទេសឡាតវី (Latvia) បានបញ្ជាក់ នៅលើបណ្ដាញសង្គម កាលពីថ្ងៃពុធ ដោយលើកឡើង អំពីការព្រួយបារម្ភ លើបញ្ហាសន្ដិសុខ ថា ប្រទេសឡាតវី ជាសមាជិកសហភាពអឺរ៉ុប មានព្រំដែន ជាប់ជាមួយនឹងរុស្ស៊ី នឹងមិនផ្ដល់សិទ្ធិជ្រកកោនណាមួយ ដល់ជនជាតិរុស្ស៊ី ដែលបានរត់ភៀសខ្លួន ចេញពីការចល័ត ឬកេណ្ឌទ័ពរបស់ក្រុងមូស្គូ នោះឡើយ។
ក្នុងវិធានាការទប់ទល់ការតវ៉ាកងកម្លាំងសន្តិសុខរុស្ស៉ី បានចាប់ឃុំខ្លួនមនុស្សជាង ១,៣០០នាក់ នៅថ្ងៃពុធសប្ដាហ៍នេះ កំលុងការធ្វើបាតុកម្មតវ៉ាប្រឆាំងនឹងការកែនកងទ័ព តែប៉ុន្មានម៉ោងប៉ុណ្ណោះ បន្ទាប់ពីលោក វ្ល៉ាឌីមៀ ពូទីន បញ្ជាឱ្យកែនកងទ័ពជាលើកដំបូងចាប់តាំងពីសង្គ្រាមលោកលើកទី២ មក។ នេះបើតាម អង្គការសិទ្ធិមនុស្ស ដកស្រង់ចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២២ ខែកញ្ញា ឆ្នាំ២០២២។អង្គការសិទ្ធិមនុស្ស OVD-Info បានឱ្យដឹងថាដោយផ្អែកលើព័ត៌មានដែលខ្លួនប្រមូលបានពីទីក្រុងចំនួន ៣៨ នៅទូទាំងប្រទេសរុស្ស៉ី មនុស្ស ១,៣១១នាក់ ត្រូវបានចាប់ខ្លួនកាលពីល្ងាចថ្ងៃពុធសប្ដាហ៍នេះ។ អង្គការមួយនេះបន្ថែមថានៅក្នុងចំណោមអ្នកទាំងនេះ មានយ៉ាងហោច ៥០២នាក់ ត្រូវបានចាប់ខ្លួន ក្នុងទីក្រុងមូស្គូ និង៥២៤នាក់ នៅក្នុងទីក្រុងសាំង ភីតធើស្បឺគ (St Petersburg)។
ប្រធានាធិបតីរុស្ស៊ី លោក វ្ល៉ាឌីមៀ ពូទីន នៅថ្ងៃពុធនេះ បានកោះហៅទាហានបម្រុងចំនួន ៣០០,០០០នាក់ ដើម្បីទៅប្រយុទ្ធនៅអ៊ុយក្រែន ហើយបាននិយាយថា ទីក្រុងមូស្គូនឹងឆ្លើយតបជាមួយនឹងកម្លាំង នៃឃ្លាំងអាវុធដ៏ធំរបស់ខ្លួន ប្រសិនបើលោកខាងលិចបន្តនូវអ្វីដែលលោកហៅថា «ការគំរាមកំហែងនុយក្លេអ៊ែរ» ជុំវិញជម្លោះនៅទីនោះ។ នេះបើយោងតាមការចេញផ្សាយដោយ សារព័ត៌មាន AP នៅថ្ងៃពុធ ទី២១ ខែកញ្ញា ឆ្នាំ២០២២។
នេះជាការចល័តទ័ពធំលើកដំបូង របស់រុស្ស៊ីចាប់តាំងពីសង្គ្រាមលោកលើកទី២ ដែលជាការកើនឡើងយ៉ាងខ្លាំងក្នុងសង្គ្រាម ដែលឥឡូវនេះក្នុងខែទីប្រាំពីរហើយ។នៅក្នុងសុន្ទរកថាតាមទូរទស្សន៍ ទៅកាន់ប្រជាជាតិរុស្ស៊ី លោក ពូទីន បាននិយាយថា «ប្រសិនបើបូរណភាពទឹកដីនៃប្រទេសរបស់យើង ត្រូវបានគំរាមកំហែង យើងនឹងប្រើគ្រប់មធ្យោបាយដែលមាន ដើម្បីការពារប្រជាជនរបស់យើង នេះមិនមែនជាការបំភាន់ច្រលំទេ»។ លោកបានបន្ថែមថា រុស្ស៊ីមានអាវុធជាច្រើនដើម្បីឆ្លើយតប។រដ្ឋមន្ត្រីការពារជាតិរុស្ស៊ីបានគូសបញ្ជាក់ថា ការចល័តដោយផ្នែក នឹងមានទាហានបម្រុងចំនួន ៣០០,០០០នាក់ត្រូវបានកោះហៅ ហើយនឹងអនុវត្តចំពោះអ្នកដែលមានបទពិសោធន៍យោធាពីមុនមក៕
