លោក ហ៊ុន សុខា ប្រធានក្លឹបអ្នកកាសែតឯករាជ្យ និង សមាជិកជិត១០នាក់ ត្រូវមេគយច្រកព្រែកចាកឈ្មោះ យី ថុលដែលល្បីរឿងពុករលួយ ប្តឹងទារ សំណង ១០ម៉ឺនដុល្លារអាមេរិក!?
06-August-2026 / ព័ត៌មានជាតិ
ភ្នំពេញ៖ក្រុមអ្នកកាសែត១០នាក់ដែលមានទំនាស់គ្នាជាមួយមេគយព្រែកចាករឿងទៅស្រាវជ្រាវយកពតិមានពុករលួយកាលពីថ្ងៃទី២៨ឧសភាព្រោះតែគយដណ្តើមយកទូរសព្ទ័ដែលថតរូបពេលចុះយកពតិមាននោះនៅថ្ងៃទី៣មិថុនាបានដាក់ពាក្យប្តឹងអ្នកសែតចូលតុលារការខេត្តកំពតដោយចោទថា បានជេរប្រមាថ និងជ្រៀតជ្រែកដោយខុសច្បាប់ ទៅក្នុងការបំពេញមុខងាររបស់លោកគយ។
លោក ហ៊ុនសុខាប្រធានក្លិបអ្នកកាសែតឯករាជ្យដែលដឹកនាំអ្នកកាសែតហើយជាជនរងគ្រោះព្រោះគយកញ្ឆក់យកទូរសព្ទ័ដែលកន្លងមកអះអាងថារឿងជាមួយគយព្រែកចាកបញ្ចប់ហើយនោះ បានប្រាប់ មាតុភូមិ តាមទូរស័ព្ទថា OK ប្តឹងចុះ លោក យី ថុល មេគយដ៏ល្បីល្បាញពេញfacebook ។ ឥលូវលោកជាប់បេសកកម្មនៅខេត្តសៀមរាប ចាំចប់លោក នឹងដឹកនាំអ្នកកាសែត១០០០នាក់ជាងទៅកាន់តុលាការខេត្ត កំពតហើយដាក់មេក្រូស្រែករិះគន់រឿងមេគយ យី ថុល ប្រព្រឹត្តអំពើ ពុករលួយនៅមុខតុលាការ ។
បើតាមលោកព្រះរាជអាជ្ញារង ខាន់ សុផល អ្នកនាំពាក្យ អយ្យការអមសាលាដំបូងខេត្តកំពត បានប្រាប់អ្នកសារព័ត៌មានឲ្យដឹងនៅរសៀលថ្ងៃទី០៣ ខែមិថុនា ឆ្នាំ២០១៩ នេះថាពិតជាបានទទួលបណ្ដឹងរបស់លោកមេគយរូបនេះពិតមែន។អ្នកយកព័ត៌មានទាំងនេះ ដែលរងនូវពាក្យប្តឹងរួមមាន៖
ទី១-លោក ហ៊ុន សុខា ជាប្រធានសារពត៌មាននៃក្លិបអ្នកកាសែតឯករាជ្យ និងជានាយកផ្សាយព័ត៌មានប្រជាជនកម្ពុជា (CPNTV)
ទី២-លោក ចន យូដេត ជាសមាជិកនៃក្លិបអ្នកកាសែតឯករាជ្យ។ទី៣-លោក ស៊ាង ប៊ុនសុង ជាសមាជិកនៃក្លិបអ្នកកាសែតឯករាជ្យ
ទី៤-លោក ទុំ ឆោម ជាសមាជិកនៃក្លឹបអ្នកកាសែតឯករាជ្យ។ទី៥-លោក ប៉ែន រ៉ា ជាសមាជិកនៃក្លិបអ្នកកាសែតឯករាជ្យ
ទី៦-លោក កែវ សុផាត ជាសមាជិកនៃក្លឹបអ្នកកាសែតឯករាជ្យ។ទី៧-លោក ជី ពេជ្រ ជាសមាជិកនៃក្លិបអ្នកកាសែតឯករាជ្យ
ទី៨-លោក អ៊ុត ប៊ុនធឿន ជាសមាជិកនៃក្លិបអ្នកកាសែតឯករាជ្យ។ទី៩-និងបក្ខពួកដែលមិនស្គាល់ឈ្មោះ។
ពាក្យបណ្តឹងនេះ លោក យី ថុល បានចោទប្រកាន់ទៅលើអ្នកយកព័ត៌មានទាំងនោះពីបទ «ជេរប្រមាថចំពោះអ្នករាជការសាធារណៈ, បទប៉ះពាល់ដល់ សិទ្ធិខាងរូបភាព នៃបុគ្គល និងបទជ្រៀតជ្រែកដោយខុសច្បាប់ទៅក្នុងការបំពេញមុខងារសាធារណៈ»។ មន្ត្រីគយរូបនេះ បានទាមទារសំណងពីក្រុមអ្នកយកព័ត៌មានទាំងនោះចំនួន ១០ម៉ឺនដុល្លារ។
សម្រាប់លោកយីថុល កន្លងមកមានលេចរឿងអាស្រូវពុករលួយច្រើនបែបច្រើច្រើនយ៉ាង ក៏ប៉ុន្តែមេគយធំៗជាពិសេសលោក គុណ ញឹម ដែលជាអគ្គនាយននៃអគ្គនាយកដ្ឋានគយ និងរដ្ឋាករកម្ពុជា បែរជាសម្ងំស្ងៀមទុកឲ្យលោក យី ថុល ធ្វើអ្វីៗតាមអំពើចិត្ត។ ជាក់ស្តែងការប្រឈមមុខដាក់គ្នារវាងអ្នកសារព័ត៌មានមួយក្រុម ជាមួយលោក យី ថុល កាលពីថ្ងៃទី២៨ ខែឧសភា ឆ្នាំ២០១៩ បានបង្ហាញថា អំពើពុករលួយរបស់លោក យី ថុល ពិតជាមានទើបនាំគ្នាបិទបាំង។ លោក យី ថុលទទួលរងការចោទថាមាន ឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ ដូចជាប្រេងឆា និងមីខ្លាឃ្មុំជាដើម ។
ប្រភពពីមន្ត្រីគយនិងភ្នាក់ងារគយមួយចំនួនក្នុងខេត្តកំពត បានឲ្យដឹងថា លោក យី ថុល តែងប្រើប្រាស់ឈ្មោះលោក គុណ ញឹម ដែលជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ដើម្បីបិទបាំងទង្វើមិនប្រក្រតីនិងអំពើពុករលួយរបស់ខ្លួនចឹង ។
ប្រភពពីមន្ត្រីនៅច្រកទ្វារអន្តរជាតិព្រែកចាក បានឲ្យដឹងថា មួយរយៈចុងក្រោយនេះលោក យី ថុល ប្រព្រឹត្តអំពើពុករលួយកាន់តែខ្លាំងឡើងៗ ព្រោះអាងមានខ្នងបង្អែករឹងមាំហើយសូម្បីតែទំនិញជាប្រភេទចំណីអាហារមានផ្ទុកសារធាតុគីមីដូចជា មឹក និងបង្គា ក៏ត្រូវបានលោក យី ថុល ឃុបឃិតឲ្យឈ្មួញនាំចូលយ៉ាងរលូនដែរ។
តាមការអះអាងពីមន្ត្រីនិងសមត្ថកិច្ចពាក់ព័ន្ធនៅច្រកទ្វារអន្តរជាតិព្រែកចាក បានឲ្យដឹងថា ការដែលលោក យី ថុល ប្រឈមមុខជាមួយអ្នកសារព័ត៌មានមួយក្រុមដែលចុះទៅថតសកម្មភាពនៅច្រកទ្វារអន្តរជាតិព្រែកចាក គឺដោយសារលោក យី ថុល ចង់បិទបាំងអំពើពុករលួយរបស់ខ្លួនដែលឃុបឃិតឲ្យឈ្មួញនាំចូលទំនិញគេចពន្ធ យ៉ាងពេញបន្ទុកដើម្បីជាថ្នូរនឹងផលប្រយោជន៍ផ្ទាល់ខ្លួន។
សម្រាប់ការប្តឹងផ្តល់បន្ទាប់ពីមានការបើកភ្លើងខឿវពីលោកខៀវកាញ៉ារីទ្ធរដ្ឋមន្ត្រីក្រសួងពត៍មានដែលថាគួរប្តឹងកាសែតផងនោះគែជឿថាដោយសារតែយីថុលជាមេគយច្រកមានលុយគេមិនសង្ឃឹមថាង្នកកាសែតដែលខំជួយសង្គមលុបបំបាត់អំពើរពុករលួយទទួលបានយុត្តិធមិ៍បានឡើយ!ម៉្យាងគេឃើញលោកហ៊ុនសុខាចុះទៅអុកឡុកពួកឈ្មញចិនថែមទៀតចឹងច្បាស់ជាចាញ់៕
