វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3321 នាក់
ម្សិលមិញ 10264 នាក់
សរុប 14142503 នាក់
ភ្នំពេញ ៖ នារីខ្មែរ–ឥស្លាមចំនួន២នាក់ រួមនឹងថ្នាំញៀនប្រភេទម៉េតំហ្វេតាមីនICE ជាង៧គីឡូក្រាម និងសម្ភារៈវេចខ្ចប់មួយចំនួន ទៀត ដែលមានតម្លៃជិត១០ម៉ឺនដុល្លារអាមេរិកត្រូវបាននគរបាលមន្ទីរប្រឆាំងគ្រឿងញៀន នៃអគ្គស្នងការនគរបាលជាតិ ចាប់ខ្លួននិងរឹបអូស។
នៅមន្ទីរប្រឆាំងគ្រឿងញៀននាព្រឹកថ្ងៃទី២៨ ខែឧសភា ឆ្នាំ២០១៩លោកវរៈសេនីយ៍ឯក យិន បញ្ញារិទ្ធ បានឲ្យដឹងថា ក្រោយពីមានបទបញ្ជាពី ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងមានការសហការពីប្រជាពលរដ្ឋផងនោះ នគរបាល នៃមន្ទីរប្រឆាំងគ្រឿងញៀន បានស៊ើបអង្កេតអស់រយៈពេល មួយខែទើបឈានដល់ធ្វើការឃាត់ខ្លួនស្ត្រីពីរនាក់ និងគ្រឿងញៀនជាងប្រាំពីរគីឡូក្រាមនេះ កាលពីថ្ងៃទី២៦ ខែឧសភា កន្លងទៅថ្មីៗនេះ នៅចំណុច ផ្លូវ ៩៣ ភូមិ ចុងខ្សាច់ សង្កាត់ទួលសង្កែ ខណ្ឌ ឫស្សីកែវ រាជធានីភ្នំពេញ។
ស្ត្រីក្មេងដែលជាជនសង្ស័យទាំងពីរនាក់នោះ១. ឈ្មោះ ហ៊ីម ពៅ ភេទ ស្រី ជនជាតិខ្មែរឥស្លាមអាយុ ២៥ឆ្នាំ ទីលំនៅ បច្ចុប្បន្ន ផ្ទះលេខ៣៦H ផ្លូវ ៩៣ ភូមិ ចុងខ្សាច់ សង្កាត់ទួលសង្កែទី១ ខណ្ឌ ឫស្សីកែវ រាជធានីភ្នំពេញ ។ ២.ឈ្មោះ ហ៊ីម ជុ អាយុ៣១ឆ្នាំ ជនជាតិខ្មែរឥស្លាម មានទីលំនៅ ដូចគ្នា ។
លោកវរៈសេនីយ៍ឯក យិន បញ្ញារិទ្ធ បញ្ជាក់ថា ស្ត្រីទាំងពីរនាក់នេះបានប្រើប្រាស់ និងរត់ពន្ធគ្រឿងញៀនមួយយប់មួយថ្ងៃចាប់ពី២ទៅ៣គីឡូក្រាម។
សូមបញ្ជាក់ថា នៅរយៈពេល៥ខែដើមឆ្នាំ២០១៩នេះ មន្ទីរប្រឆាំងគ្រឿងញៀនបានធ្វើការរឹបអូសបានគ្រឿងញៀនបាន ជិតពីររយគីឡូក្រាម ហើយនឹងត្រូវយកកម្ទេចចោលនាពេលខាងមុខនេះ។កំណើននៃការបង្ក្រាបនេះចង់មិនចង់បង្ហាញថាស្រុកខ្មែរយើងជំនួញគ្រឿងញឪនកាន់តែខ្លាំងក្លាហើយ!។