វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4984 នាក់
ម្សិលមិញ 5378 នាក់
សរុប 14084277 នាក់
សៀមរាប៖ ជនជាតិរ៉ូម៉ានីម្នាក់ឈ្មោះអូឡារូណាស៊ីសម៉ានុយអែល( OLARU NARCIS-MANUEL )ត្រូវបាន កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប ឃាត់ខ្លួន កាលពីវេលាម៉ោង ០៩និង៥៥នាទី ថ្ងៃទី០៦ ខែកុម្ភៈ ឆ្នាំ២០១៩នៅព្រលានយន្តហោះខេត្តសៀមរាបជាមួយនិង គ្រឿងញៀន ជាង៥គីឡូ។
សមត្តកិច្ចឲ្យដឹថា៖ជនជាតិរ៉ូម៉ានីនេះតាមគម្រោងត្រូវចេញដំណើរទៅទីក្រុងហុងកុង ប្រទេសចិន តាមជើងហោះហើរលេខ KA-249 (REP-HKG) ។ដោយមានការសង្ស័យក្រោយការត្រួតពិនិត្យ និងធ្វើតេស្តិ៍បឋម កងកម្លាំងសមត្ថកិច្ចពាក់ព័ន្ធ រកឃើញសារធាតុក្រាមពណ៌ស ដែលសាមីខ្លួនបានដាក់ក្នុងកញ្ចប់ថង់ប្លាស្ទីក រាងសំប៉ែត ០៤ជ្រុង ចំនួន ០៤ លាក់ទុកក្នុងបាតកាបូបស្ពាយខ្នង ចំនួន ០៤ផ្សេងងគ្នា ដែលជាប្រភេទគ្រឿងញៀន មេតំហ្វេតាមីន ដែលមានទម្ងន់ ៥.០២០ក្រាម ដោយក្នុងកញ្ចប់ទី១ មាន១.២១០ក្រាម, កញ្ចប់ទី២ មាន១.៣៥០ក្រាម, កញ្ចប់ទី៣ មាន១.២១០ក្រាម និងកញ្ចប់ទី៤ មាន១.២៥០ក្រាម។
គេមិនដឹងថាតើជនជាតិរ៉ូម៉ានីរូបនេះគាត់យកបានគ្រៀងញៀននៅស្រុកខ្មែរតាមរយៈអ្នកណានោះទេ?។បច្ចុប្បន្នជនសង្ស័យ និងវត្ថុតាង ត្រូវបានឃាត់ខ្លួន ប្រគល់ជូនកម្លាំងស្នងការដ្ឋាននគរបាលខេត្តសៀមរាប ៕