វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 495 នាក់
ម្សិលមិញ 10264 នាក់
សរុប 14139677 នាក់
ភ្នំពេញ៖មានមហាជនជាច្រើនមានការរន្ធត់ចិត្តអាណិតជាខ្លាំងចំពោះស្ត្រីម្នាក់ដែលជាកូនកំព្រាហើយមានប្តីមានស្រុកកំណើតនៅខេត្តក្រចេះនិងជាពលករមួយរូបនៅប្រទេសកូរ៉េដែលបានដេកស្លាប់ក្នុងបន្ទប់ដ៏គួរឱ្យសង្វេគ ចោលប្រពន្ធកូនកាលពីពីរបីថ្ងៃមុននេះ ។
គណនីហ្វេសប៊ុក «Meng Costa page បំណងល្អពីខ្ញុំ» បានសរសេររៀបរាប់ថា៖ «សូមចូលរួមរំលែកទុក្ខយ៉ាងក្រៀមក្រំ RIP យប់មិញនៅនៅទីក្រុង 마산(하만) មានពលករខ្មែរម្នាក់ បានដេកស្លាប់ គាត់ឈ្មោះ សុខគី មានស្រុកកំណេីត ស្រុក ចិត្របុរី ខេត្តក្រចេះ សូមអោយសាច់ញាតិខាងសព ជួយទំនាក់មកក្រសួងនៅកប់ស្រូវដេីម្បីរៀបឯកសារ»។
អ្វីដែលកាន់តែរន្ធត់ចិត្តនោះ ភរិយារបស់សពពលកររូបនោះប្រើឈ្មោះបាឡា បានបង្ហោះសារដ៏គួរឱ្យរំជួលចិត្ដ អាណិតអាសូរជាពន់ពេក ថា៖ «ខ្ញុំជាក្មេងកំព្រាប៉ាម៉ាក់តាំងពីក្មេងមក ពេលមានបងខ្ញុំកក់ក្ដៅណាស់ តែហេតុអីបងទៅចោលខ្ញុំ»។ មានមហាជនជាច្រើន បានបញ្ចេញមតិលើកទឹកចិត្តឱ្យរឹងមាំ និងចូលរួមរំលែកទុក្ខដ៏ក្រៀមក្រំ ចំពោះគ្រួសារសពផងដែរ។ ជនរងគ្រោះបានបាត់បង់ជីវិត អស់រយៈពេល ៣យប់ហើយ ទើបបណ្ដាលធ្វើឲ្យមានធុំក្លិនភាយចេញទៅក្រៅ ដែលជាហេតុធ្វើឲ្យអ្នកនៅទីនោះមានការសង្ស័យ ក៏សម្រេចចិត្ដទម្លុះទ្វារចូលតែម្ដង។
ប្រភពព័ត៌មានពីប្រទេសកូរ៉េអះអាងថា បន្ទាប់ពីឆែកមើលកាមេរ៉ាសុវត្ថិភាពក្នុងបន្ទប់រួចមក គេរកឃើញថា ដំបូងបុរសរងគ្រោះបានឆុងមីដើម្បីហូប (រូបនៅក្បែរខ្លួន)តែហូបមិនកើតក៏ប្រាស់ខ្លួនដេកទៅ។ តាមការសន្និដ្ឋានរបស់សមត្ថកិច្ចនៅប្រទេសកូរ៉េ ជនរងគ្រោះស្លាប់ ដោយសារខ្យល់គរ ខណៈប៉ុន្មានថ្ងៃមុនពេលកើតហេតុ បុរសរូបនេះ បានប្រាប់ប្រពន្ធនៅស្រុកថាមិនស្រួលខ្លួនផងដែរ៕