» ប្រធាន​គណបក្សកាន់អំណាច​សន្យា​បន្តដំណើរ​លើ​មាគ៌ា​ប្រជាធិបតេយ្យ​សេរី ពហុបក្ស និង នីតិរដ្ឋ​ » ប្រជាពលរដ្ឋ​ក្តៅ​រឿង​សណ្ឋាគារ​ព្រី​នប​ង្ហូ​ទឹក​សម្អុយ​ចូល​ផ្ទះ​ » អ្នករកស៊ី​តាម​អន​ឡាញ​បើ​មិន​ចុះបញ្ជីរ​នឹង​ប្រឈម​ការផាកពិន័យ​ » ឧកញ៉ា​ម្នាក់​ប្តឹង​ប៉េអឹម​ឲ្យ​ចាប់ខ្លួន​ជំនួយការ​ខ្លួន​រឿង​កឹ​ប​លុយ​ » លោក សោម ច័ន្ទឌីណា​អនុរដ្ឋលេខាធិការ ក្រសួងមហាផ្ទៃ ចេញ​លិខិតអញ្ជើញ អគ្គនាយិកា សារព័ត៌មាន​”​នគរវត្ត​”​ចូល​បំភ្លឺ ទទួល​ប្រតិកម្ម​ថា​សំអាង​លើ​ច្បាប់​អី​? » ចាប់​មនុស្ស​៣​នាក់​បញ្ជូនទៅ​តុលាការ រឿង​ក្លែង​ឯកសារ​ដក​លុយ​ពី​ធនាគារ​ » អាទិត្យ​ដើមខែ​កក្កដា​ភ្លៀង​និង​មាន​ខ្យល់​កន្ត្រាក់​រន្ទះ​ដដែល​ប្រ​យ​ត្ន័​ផង​ » មេដឹកនាំ​ប្រទេស​ឧស្សាហកម្ម​ជឿនលឿន​(G7)​ប្តេជ្ញា​ធ្វើជា​ដៃគូរ​យូរអង្វែង​ជាមួយ​អ៊ុយ​ក្រែ​ន​និង​ស្វែង​លុយ​ដើម្បី​ទប់ទល់​ជាមួយ​ចិន » ប្រេសិត​ពិសេស​ប្រធាន​អាស៊ាន​ស្នើ​មេដឹកនាំ​យោធា​មី​យ៉ាន់​ម៉ា​ឱ្យ​បញ្ជូន​លោកស្រី អោ​ង​សាន ស៊ូ​ជី​ពី​គុក មក​ឃុំ​នៅ​លំនៅដ្ឋាន​វិញ​ » ក្រសួងសុខាភិបាល​ប្រកាស​ពី​ការ​ផ្ទះ​ច​ម្ងឺ​កាមរោគ​ស្វាយ​! » ចាក់​សម្លាប់​ក្មួយ​ឯង​យ៉ាង​សាហាវ​ដោយសារ​គំនំ​ » កម្មវិធី​ប្រកួត​បវរកញ្ញា​ខ្ទើយ​អ្នក​គ្រង​មកុដ​មកពី​ហ្វីលីពីន​កម្ពុជា​បាន​ត្រឹម​ជា​ស្រី​ថតរូប​ស្អាត​ » កាលី​នី​ន​ក្រា​ត​ទឹកដី​ដែល​អាច​បង្កើន​ភាព​តានតឹង​រវាង​រុស្ស៊ី​និង​ណា​តូ? » ក្រុម​ជន​ងងឹត​ប្រដាប់អាវុធ​បាញ់​ត្រូវ​អធិការរង​នគរបាល​ក្រុង​សីហនុ​រងរបួស​ចាប់ខ្លួន​បាន​ហើយ​! » ផ្លូវជាតិ​លេខ​១០​ថ្មី​ពី​សំឡូត​-​វាលវែង​-​អូរ​សោម​ដល់​កោះកុង​សង់​បាន​៦០​ភាគរយ​ហើយ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5127 នាក់

ម្សិលមិញ 7552 នាក់

សរុប 10991102 នាក់

ត្រាក់​ទ​រ័​ភ្ជួ​ដី​ដែល​រាវ​មីន​រួច​នៅ​ប៉ៃលិន​កិន​មីនតោន​ខេត្ត​អស់​មីន​មានតែ​កែប​និង​ខេត្តព្រៃវែង​!


ប៉ៃលិន​៖ បុរស​អ្នកបើក​ត្រាក់​ទ្រ័​ម្នាក់​បាន​រងរបួស​ធ្ងន់​ត្រូវបាន​សាច់ញាតិ​បញ្ជូនទៅ​សង្គ្រោះ​នៅ​មន្ទីរពេទ្យ បង្អែក​ខេត្ត​ប៉ៃលិន​និង​បង្ហួស​ទៅ​បេ​ទ្យ​ខេត្តបាត់ដំបង ខណ​:​ស៊ីឈ្នួល​រាស់​(​វាយ​)​ដី​ឱ្យ​ប្រជាពលរដ្ឋ​ម្នាក់ ជាន់​លើ មីនតោន​ដែល​សេសសល់​ពី​សម័យ​សង្គ្រាម​នៅវេលា​ម៉ោង ១១​និង​០០ នាទី​ព្រឹក​ថ្ងៃទី​១៥ ខែឧសភា ឆ្នាំ​២០២២ នៅ​ចំណុច​ទល់មុខ​បន្ទាយ​យោធា ស្រែ​ម្អម ស្ថិតក្នុង​ភូមិ​ភ្នំ​ស្ពង់ ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន ។​a min paylin1 

​ប្រជាពលរដ្ឋ​និង​សម​ត្ត​កិច្ច​ឲ្យ​ដឹងថា​៖ ជនរងគ្រោះ​មាន ឈ្មោះ​មឿ​ន សិលា ភេទ​ប្រុស​អាយុ​២៥​ឆ្នាំ មុខរបរ បើក​ត្រាក់ទ័រ រស់នៅ​ភូមិ​ភ្នំ​កុយ ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន ដោយ​រងរបួស​ដាច់​ជើង​ខាងឆ្វេង របួស​ពេញ​ដងខ្លួន និង​បែកក្បាល ស្ថិតក្នុង​ស្ថានភាព​ធ្ងន់​.​។ ជនរងគ្រោះ​ខាងលើ​ជា​អ្នកស៊ីឈ្នួល​បើក​ត្រាក់ទ័រ​វាយ​ដី​ឲ្យ ឈ្មោះ ឃួន សុធា ភេទ​ប្រុស អាយុ ៤០​ឆ្នាំ រស់នៅ​ភូមិ​ភ្នំ​កុយ ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន ជា​អ្នក​ជួល​ដីស្រែ​ពី​ម្ចាស់​ស្រែ​បន្ត​។

​បើតាម​ប្រជាពលរដ្ឋ​និយាយថា នៅត្រង់ចំណុច​ដីស្រែ​ខាងលើ ត្រូវបាន​គេ​រាវរក​គ្រាប់មីន​រួចរាល់​អស់ហើយ ប៉ុន្តែ​មិនដឹង​ជា​យ៉ាងណា យូរៗ​ម្តង ស្រាប់​តែមាន​ករណី​ផ្ទុះ​គ្រាប់​មីនតោន​រងរបួស និង​ខូចខាត​ត្រាក់ទ័រ អស់​មួយចំនួន ដែល​ធ្វើឱ្យ​ប្រជាពលរដ្ឋ​មានការ​ខ្លាចរអា​យ៉ាងខ្លាំង និង​បាន​សំណូមពរ​ឱ្យ​ខាង​ក្រុមការងារ​កម្ចាត់មីន ចុះទៅពិនិត្យ និង​រាវរក​គ្រាប់មីន​បន្តទៀត ដើម្បី​ជួយ​ដល់​កសិករ​ឱ្យមាន​សុវត្ថិភាព​ផងដែរ​.។
​សូមបញ្ជាក់ថា​កាលពី​ថ្ងៃទី ១២ ខែឧសភា នៅឯ​ខេត្តព្រៃវែង លោក លី ធុជ ទេសរដ្ឋមន្ត្រី និង​ជា​អនុប្រធាន​ទី ១ អាជ្ញាធរ​មីន ថ្លែង​ប្រកាសថា​៖ ខេត្តព្រៃវែង ជា​ខេត្ត​អស់​មីន​»​។​

​លោក​បន្តថា​៖ «​ទោះបី​ខេត្តព្រៃវែង ត្រូវបាន​ប្រកាស​ជា​ខេត្ត​អស់​មីន ប៉ុន្តែ​ខេត្តព្រៃវែង នៅ​ទទួលរង​គ្រោះ​ដោយសារ​គ្រាប់បែក​ទម្លាក់​ពីលើ​យន្តហោះ គ្រាប់បែក​ចង្កោម និង​គ្រាប់​មិនទាន់​ផ្ទុះ​គ្រប់​ប្រភេទ​ជាច្រើន​ទៀត លើ​ផ្ទៃដី​ប្រមាណ ១៦៤ គីឡូម៉ែត្រ​ក្រឡា សរុប ១២៩៨ ចម្ការ​គ្រាប់ ដែល​យើងទាំងអស់គ្នា​ត្រូវ​រួមគ្នា​បន្ត​ចាត់វិធានការ​ដោះស្រាយ និង​ឆ្លើយតប​ទៅនឹង​គ្រាប់​មិនទាន់​ផ្ទុះ​ទាំងនោះ ឲ្យ​ទាន់ពេលវេលា និង​មាន​ប្រសិទ្ធភាព​ខ្ពស់​»​។​

​លោក​លី​ធុច​បន្តថា​កន្លងមក​ម្ចាស់ជំនួយ និង «​ប្រទេស​ជា​មិត្ត​ដ៏​ឆ្នើម​» ដទៃទៀត​បាន​ចូលរួម​ជាមួយ​រាជរដ្ឋាភិបាល​កម្ពុជា និង​បាន​ជួយឧបត្ថម្ភ​គាំទ្រ​ទាំង​ផ្នែក​បច្ចេកទេស សម្ភារ និង​ថវិកា ដល់​ការងារ​សកម្មភាព​មីន​មនុស្សធម៌ មានដូចជា​សហរដ្ឋអាមេរិក អង់គ្លេស ជប៉ុន អូស្ត្រាលី អាល្លឺម៉ង់ ន័​រវេ​ស្ស ស្វី​ស ចិន កាណាដា ណូ​វែ​ល​សេ​ឡង់ សាធារណរដ្ឋ​កូរ៉េ អៀរ​ឡង់ ហុង​គ្រី កម្មវិធី​អភិវឌ្ឍន៍​អង្គការសហប្រជាជាតិ (UNDP) អង្គការ​យូ​នី​សេ​ហ្វ (UNICEF) ព្រមទាំង​មូលនិធិ​អង្គការ​សង្គម​ស៊ីវិល និង​សប្បុរសជន​ផងដែរ​។​

​លោក លី ធុជ​ឲ្យ​ដឹងថា​អាជ្ញាធរ​មីន បាន​នឹង​កំពុង​ពិចារណា និង​ពិនិត្យ​លទ្ធភាព​ស្វែងរក​ដៃគូរ និង​សប្បុរជន​នានា ដើម្បី​ធ្វើការ​បោសសម្អាត​មីន​ឱ្យអស់​ក្នុង​ខេត្ត​ចំនួន ៥ ដែលមាន​ការប៉ះពាល់​តិចជាងគេ​។​​ខេត្ត​ទាំង ៥ នោះ​រួមមាន​ខេត្តកំពង់ចាម មាន​ផ្ទៃដី ៩៨ ហិកតា ខេត្ត​ព្រះសីហនុ មាន​ផ្ទៃដី ១៧៤ ហិកតា ខេត្តរតនគិរី មាន​ផ្ទៃដី ២៧៥ ហិកតា ខេត្តកំពង់ឆ្នាំង មាន​ផ្ទៃដី ៣២៨ ហិកតា និង​ខេត្តតាកែវ មាន​ផ្ទៃដី ៣៦៣ ហិកតា​។​​កាលពីដើម​ខែមីនា អាជ្ញាធរ​មីន​បានប្រកាស​ខេត្ត​កែប​ជា​ខេត្ត​ទី ១ ដែល​អស់​គ្រាប់មីន ហើយ​នៅពេលនោះ អាជ្ញាធរ​មីន​បាន​សន្យា​គ្រោង​នឹង​ប្រកាស​រាជធានី​-​ខេត្ត ៧ ទៀត​ជា​ខេត្ត​អស់​មីន​នៅក្នុង​ឆ្នាំនេះ ក្នុងនោះ​មាន ខេត្តព្រៃវែង ខេត្តកណ្តាល ភ្នំពេញ ខេត្តកំពង់ចាម ខេត្ត​ព្រះសីហនុ ខេត្តរតនគិរី និង​ខេត្តតាកែវ​៕a min paylin