សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 7890 នាក់

ម្សិលមិញ 8227 នាក់

សរុប 14134771 នាក់

គណៈកម្មការចម្រុះថ្នាក់ជាតិ និងខេត្ត ចុះបោះបង្គោលកំណត់ព្រំដី នៅមជ្ឈមណ្ឌលវប្បធម៌ភ្នំដោះក្រមុំ

27-March-2024 / ទេសចរណ៏និងវប្បធម៌

ខេត្តមណ្ឌលគិរី៖ នៅព្រឹកថ្ងៃទី០៩ ខែឧសភា ឆ្នាំ២០១៩ លោក ថៃ នរះសត្យា រដ្ឋលេខាធិការក្រសួងវប្បធម៏ និងវិចិត្រសិល្បះ និងលោក ស្វាយ សំអ៊ាង អភិបាល ខេត្តមណ្ឌលគិរី រួមទាំងមន្ទីរអង្គភាពពាក់ព័ន្ធ និងគណៈកម្មការគ្រប់គ្រង់ភ្នំដោះក្រមុំ បានចុះបោះបង្គោលកំណត់ព្រំដី នៅមជ្ឈមណ្ឌលវប្បធម៌ភ្នំដោះក្រមុំ ស្ថិតនៅក្រុងសែនមនោរម្យ តាមបទបញ្ជារនាយករដ្ឋមន្ត្រី។ a dos

លោក រដ្ឋលេខាធិការក្រសួងវប្បធម៏ និងវិចិត្រសិល្បះ បានថ្លែងថា បេសកម្មរបស់គណៈកម្មធិការចម្រុះនាពេលនេះ គឺជាសញ្ញាវិជ្ជមានដ៏ប្រសើរ ព្រោះបញ្ហាដីនៅតំបន់ភ្នំដោះក្រមុំនេះ បានអូសបន្លាយជាច្រើនឆ្នាំមកហើយ។ ការសម្រេចរួមគ្នាក្នុងការចុះបោះបង្គោលកំណត់ព្រំដីនេះ នឹងពន្លឿនដល់ការងារជំនាញវប្បធម៏ ដើម្បីធ្វើរបាយការណ៍ជាក់ស្តែង ដាក់ជូនសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលកន្លងមកសម្តេច បានជំរុញឲ្យស្ថាប័នជំនាញពាក់ព័ន្ឋ ដោះស្រាយបញ្ហានៅទីនេះឲ្យបានចប់ឆាប់ៗ ជៀសវាងការទន្ទ្រានដោយខុសច្បាប់បន្តទៀត។

លោក ស្វាយ សំអ៊ាង អភិបាលខេត្ត បានឲ្យដឹងថា ដីភ្នំដោះក្រមុំនេះ ត្រូវបានរាជរដ្ឋាភិបាលកម្ពុជាសម្រេចបង្កើតឡើងតាំងពីឆ្នាំ២០០៤ ដើម្បីទុកជាសម្បត្តិសាធារណៈ តែដោយកាលនុះដីនៅតំបន់នេះមិនទាន់មានការបោះកំណត់ព្រំឲ្យបានត្រឹមត្រូវ ដូច្នេះហើយក៏មានសកម្មភាពលួចទន្ទ្រានដីពីសំណាក់បងប្អូនប្រជាពលរដ្ឋដែលរស់នៅតាមចង្កេះភ្នំ។

លោកថា រយៈពេលពីរ-បីឆ្នាំចុងក្រោយនេះ ក្នុងនាមអាជ្ញាធរខេត្តលោកបានដាក់ចេញវិធានការតឹងរ៉ឹង ទប់ស្តាត់ការរំលោភបំពានពីជនខិលខូច នឹងចាត់វិធានការទៅតាមច្បាប់ដើម្បីថែរក្សាដីនៅតំបន់នេះទុកទៅថ្ងៃក្រោយ។ នៅពេលនេះដោយមានក្រុមការងារចម្រុះ លោក ជឿជាក់ថា អ្វីៗទាំងអស់ ការចុះពិនិត្យផ្ទៀងផ្ទាត់ ការដោះស្រាយនឹងអាចចប់សព្វគ្រប់ ព្រោះក្រុមការងារបានឯកភាពគ្នាឈរលើគោលការណ៏«ទប់ស្កាត់ ការពារ នឹងថែរក្សា»ដីនេះឲ្យគង់វង្សយូរអង្វែង មិនអនុញ្ញាតិឲ្យបុគ្គលណាម្នាក់កាន់កាប់ជាកម្មសិទ្ឋឯកជនដាច់ខាត។

សូមបញ្ជាក់ថា កាលពីរសៀលថ្ងៃទី២៨ កុម្ភៈ ២០១៩ សម្តេចតេជោ ហ៊ុន សែន បានចេញបញ្ជាឲ្យអាជ្ញាធរខេត្តមណ្ឌលគិរី ត្រូវដកហូតដីភ្នំដោះក្រមុំ ដែលរងការទន្ទ្រានពីមនុស្សមួយក្តាប់តូច ទុកជាកម្មសិទ្ឋបុគ្គលទុកជាសម្បត្តិរដ្ឋវិញ ។ សម្តេចតេជោ ហ៊ុន សែន បញ្ជាឱ្យអភិបាលខេត្តមណ្ឌលគិរី ទប់ស្កាត់ជាបន្ទាន់ មិនអនុញ្ញាតឲ្យបុគ្គលណា ទន្ទ្រានយកដី នៅភ្នំដោះក្រមុំបានឡើយស្ថាប័នពាក់ព័ន្ធ ត្រូវទប់ស្កាត់ជាបន្ទាន់ មិនអនុញ្ញាតឱ្យបុគ្គលណា ទៅទន្ទ្រានយកដីនៅភ្នំដោះក្រមុំទេ ហើយសម្តេចនៅចងចាំអ្វីដែលសម្តេចធ្លាប់ទៅកាលពីឆ្នាំ២០១២ នៅទីនោះ។

ដីតំបន់ភ្នំដោះក្រមុំ ឬមជ្ឈមណ្ឌលវប្បធម៏ជនជាតិដើមភាគតិច មានផ្ទៃដីប្រមាណជាង១០០ហិចតា ត្រូវបានបាត់បង់បន្តិចម្តងៗតាំងពីឆ្នាំ២០០៥ ដោយដីមួយផ្នែក ត្រូវបានគេទិញលក់ពីម្នាក់ទៅម្នាក់ រហូតប្រែក្លាយកន្លែងខ្លះទៅជា ទីតាំងខារ៉ាអូខេ នឹងផ្ទះសំណាក់ជាដើម។ហើយដីដែលសេសសល់បច្ចុប្បន្នប្រហែល៨០ហិចតាប៉ុណ្ណោះ៕ a dos2 a dos1 a dos6 a dos7 a dos8 a dos4 a dos5