វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4947 នាក់
ម្សិលមិញ 6001 នាក់
សរុប 13877777 នាក់
ភ្នំពេញ៖នាថ្ងៃទី២២ ខែកញ្ញា ឆ្នាំ២០១៨ លោកស្រី ម៉ែន សំអន ឧបនាយករដ្ឋមន្ត្រីបានអញ្ជើញជាអធិបតីក្នុង ក្នុងពិធីបើកសម្ពោធពិព័រណ៍ អាពាហ៍ពិពាហ៍ លើកទី៥ មហោស្រពសិល្បៈដណ្ដាំស្លម្ហូបអាពាហ៍ពិពាហ៍ លើកទី១៩និងការបង្ហាញ ទម្រង់ម៉ូត សំលៀកបំពាក់ ប្រពៃណី ខ្មែរលើកទី១៨ នៅមជ្ឈមណ្ឌលសន្និបាតនិងពិព៍រណ៍កោះពេជ្រសម្រាប់រយៈពេល២ថ្ងៃ ។
លោកស្រី ភឿង សកុណារដ្ឋមន្ត្រីក្រសួងវប្បធមិនិងវិចិត្រសិល្បៈ បានថ្លែងថា “ការរៀបចំព្រឹត្តិការណ៍វប្បធម៌នៅពេលនេះ ក៏ដូចជាបណ្ដាឆ្នាំកន្លងមកដែរ គឺក្នុងបំណង បំផុសចលនាមហាជន ជាពិសេសយុវជន ចូលរួមជាកម្លាំងចលករ ក្នុងបុព្វហេតុថែរក្សា ការពារនិងលើស្ទួយវិស័យវប្បធម៌ជាតិ ជាពិសេសទម្រង់អាពាហ៍ពិពាហ៍ ម្ហូបអាហារ សម្លៀកបំពាក់ ប្រពៃណីខ្មែរ ដែលជាផ្នែកសំខាន់មួយ នៃមរតកវប្បធម៌ជាតិ”។
លោក ស្រី យី សុភា អគ្គនាយិកាក្រុមហ៊ុន សិរីមង្គល បានឲ្យដឹងថា ពិព័រណ៍អាពាហ៍ពិពាហ៍ លើកទី៥ មហោស្រពសិល្បៈដណ្ដាំ ស្លម្ហូបអាពាហ៍ពិពាហ៍ លើកទី១៩និងការបង្ហាញ ទម្រង់ម៉ូត សំលៀកបំពាក់ប្រពៃណី ខ្មែរលើកទ១៨នេះ មានការគាំទ្រ ពីស្ថាប័នឯកជន ជាច្រើនរួមមាន សំអាងការចំនួន៧ ,សេវាតុបតែងចំនួន២ ,សេវាថតរូបចំនួន៤ ,តម្បាញនិងហូលផាមួងចំនួន៣ ,ផ្គត់ផ្គង់ភេសជ្ជៈនិង កាហ្វេចំនួន៨ ,ផ្គត់ផ្គង់នំនិងអាហារចំនួន៣២ (ក្នុងនោះមាន២៥ស្ដង់ជារបស់នាយកដ្ឋានអភិឌ្ឍន៍វប្បធម៌) ,
ផ្គត់ផ្គង់គ្រឿង សង្ហារឹម និងអាហារបំប៉នចំនួន២ ,សណ្ឋាគារនិងបដិសណ្ឋារកិច្ចចំនួន៤ ,ផ្គត់ផ្គង់ផលិតផលកែសម្ភស្ស និងសុខភាពចំនួន៣ ,ក្រុមហ៊ុនផ្គត់ផ្គង់ យានយន្តចំនួន១ ,ក្រុមហ៊ុនផ្គត់ផ្គង់ប្រព័ន្ធភ្លើងនិងសំឡេងចំនួន៣ ,ក្រុមហ៊ុនផ្គត់ផ្គង់អចលនទ្រព្យចំនួន២ ,ធនាគារនិងគ្រឹះស្ថានមីក្រូ ហិរវត្ថុចំនួន២ ,សេវាផ្គត់ផ្គង់ការធ្វើដំណើរ និងការផ្សព្វផ្សាយចំនួន២ , សេវាផ្គត់ផ្គង់គ្រឿងអលង្ការ និងសម្ភរៈសំអាងការចំនួន២ ,សេវាបណ្ដុះបណ្ដាលនិងអប់រំចំនួន១ ,និងស្ដង់ផ្សេងៗទៀតដូចជា ស្ដង់បន្លែធម្មជាតិ ,ក្រុមភ្លេងខ្មែរ ,ក្រុងពាលី ,និងស្ដង់លោកអាចារ្យ ដេញពេលា សរុប១១២ស្ដង។
អគ្គនាយិកាក្រុមហ៊ុនសិរីមង្គល សង្ឃឹមយ៉ាងមុតមាំថា ពិព័រណ៍អាពាហ៍ពិពាហ៍លើកទី៥ មហោស្រពសិល្បៈ ដណ្ដាំស្លម្ហូបអាហារ លើលទី១៩ និងការបង្ហាញទម្រង់ម៉ូតសំលៀក បំពាក់ ប្រពៃណីខ្មែរលើកទី១៨នេះ និងរួមចំណែកក្នុងការផ្សព្វផ្សាយ ពីវប្បធម៌ប្រពៃណីខ្មែរ ដល់ប្រជាពលរដ្ឋទាំងអស់ចូលរួមគាំទ្រ និងលើកស្ទួយបន្ថែមទៀត៕