វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 430 នាក់
ម្សិលមិញ 3717 នាក់
សរុប 14148763 នាក់
ថៃ៖ក្នុងពេលដែលស្រុកខ្មែរមានជម្រុំផ្តាច់គ្រឿងញៀននៅស្រុកសៀមឯណោះមានជម្រុំបន្ថយជម្ងឺចុកខ្លាញ់របស់មន្ត្រីប៉ូលិស។ សារព័ត៌មានថៃខាវសុត( Khaosod)បានឲ្យដឹងថា៖ប៉ូលិសថៃធាត់ៗជាច្រើន ត្រូវបានបញ្ជូនទៅមជ្ឈមណ្ឌលហ្វឹកហ្វឺន «Central Police Training Center» ស្ថិតក្នុងស្រុកផាកចង( Pak Chong) ខេត្តនគររាជសីមា( Nakhon Ratchasima )រយៈពេល២សប្តាហ៍ ដើម្បីធ្វើការហ្វឹកហាត់ដែលជាផ្នែកមួយនៃកម្មវិធីថ្មី ក្នុងការជួយសម្រកទម្ងន់ឲ្យមានប្រសិទ្ធភាព។
លោកស៊នភិចចាន់តារ៉ាក់( Sornpetch Chantarak) ជាអ្នករៀបចំបង្កើតកម្មវិធីថ្មីនេះ បានប្រាប់ថា វាពិតជាមានបញ្ហាច្រើនណាស់ ប្រសិនបើសម្បូរតែមន្ត្រីប៉ូលិសធាត់ៗ ដុះពោះបែបនេះ។ មន្ត្រីប៉ូលិសចំនួន ២០០នាក់ហើយ ដែលត្រូវបានគេបញ្ជូនមកក្នុងកម្មវិធីហ្វឹកហាត់កម្ចាត់ក្បាលពោះ ឬ «Belly Destruction» រយៈពេល២សប្តាហ៍នេះ ដែលទើបតែបានបញ្ចប់នាដើមខែនេះ ខណៈសកម្មភាពនេះក៏នឹងត្រូវមានជាបន្តបន្ទាប់ទៀតផងដែរ។
លោក Sornpetch បានមានប្រសាសន៍បន្តថា ក្រោយបញ្ចប់ការហ្វឹកហាត់ (ហាត់ប្រាណ) បូករួមនឹងការហូបចុកយ៉ាងតឹងរ៉ឹង មន្ត្រីមួយចំនួនក៏បានស្រកទម្ងន់អស់ច្រើនជាងមុន ដែលមន្ត្រីប៉ូលិសខ្លះ ទម្ងន់៨០គីឡូក្រាម បានស្រកនៅសល់ត្រឹម៦០គីឡូក្រាមវិញផងដែរ។មន្ត្រីប៉ូលិសទាំងអស់ គឺត្រូវតែហាត់ប្រាណនៅក្នុងជំរុំជារៀងរាល់ថ្ងៃ និងចូលរួមសកម្មភាពនានាដូចជា ជិះកង់ និងការងារខាងក្រៅផ្សេងៗទៀត ដើម្បីជួយឲ្យពួកគេឆាប់ស្រកទម្ងន់។ពួកគេក៏ត្រូវបានបង្កើតជា ID មួយ ដើម្បីធ្វើការតាមដាន និងកត់ត្រាពីស្ថានភាពទម្ងន់របស់ពួកគេ មុន និង ក្រោយ ការហ្វឹកហាត់នេះផងដែរ។
គួរឲ្យដឹងផងដែរថា ជំរុំហ្វឹកហាត់នេះទើបតែចាប់ផ្តើមបានរយៈពេល ១ខែប៉ុណ្ណោះ ប៉ុន្តែទទួលបានការគាំទ្រ និងការសរសើរយ៉ាងខ្លាំង ពីសំណាក់មហាជនទូទៅ និងអ្នកនៅលើបណ្តាញសង្គម ៕