វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 979 នាក់
ម្សិលមិញ 10605 នាក់
សរុប 3536741 នាក់
កំពង់ស្ពឺ៖ រដូវបុណ្យភ្ជុំហ្វូងសត្វរុយរាប់លានក្បាលកំពុងតែធ្វើទុក្ខបុកម្និញ និងវាយប្រហារព្រះសង្ឃ ដែលគង់នៅវត្តសុវណ្ណគិរី ហៅភ្នំកំប៉ូតនៅភូមិតាម៉ុល សង្កាត់-ក្រុងច្បារមន ខេត្តកំពង់ស្ពឺបង្ខំឲ្យព្រះសង្ឃចងមុងឆាន់ចង្ហាន់។
លោកព្រឹទ្ធាចារ្យ គង់ សេង អាយុ៨៥ឆ្នាំ ជាអាចារ្យប្រចាំវត្តនេះ ស្ថិតនៅមានទីលំភូមិផ្គង់ សង្កាត់-ក្រុងច្បារមន បានឲ្យដឹងថា រាល់ថ្ងៃនេះព្រះគង់រងចាំព្រះវស្សាក្នុងវត្តសុវណ្ណគិរី ហៅវត្តកំប៉ូត មាន១១អង្គរ បានជួបទុក្ខលំបាកយ៉ាងខ្លាំង ពេលឆាន់ចង្ហាន់ម្តងៗ ព្រោះគេសង្កេតឃើញថា សព្វថ្ងៃនេះមានហ្វូងសត្វរុយរាប់លានក្បាល បានមកចោមរោមចំណីអាហារ ដែលពុទ្ធបរិស័ទនាំយកមកប្រគេនព្រះសង្ឃនារដូវបុណ្យភ្ជុំបិណ្ឌនេះ។
លោកអាចារ្យបានបន្តទៀតថា «ពេលឆាន់ចង្ហាន់ម្តងៗ ត្រូវដាក់មុងកុំឲ្យរុយមករោម ព្រោះមានរុយច្រើនណាស់ ដែលកើតមកពីគំនរសំរាម ដែលក្រុមហ៊ុនម៉ៅការប្រមូលសំរាមដឹកមកចាក់ចោល នៅខាងលិចឈៀងខាងត្បូងវត្ត មានចម្ងាយប្រហែល២០០ម៉ែត្រប៉ុណ្ណោះពីវត្ត»។
ក្នុងនាមជាគណៈកម្មការវត្តសុវណ្ណគិរី បានសំណូមពរដល់អាជ្ញាធរ និងមន្ត្រីពាក់ព័ន្ធគ្រប់លំដាប់ថ្នាក់ទាំងអស់ មេត្តាជួយចាត់វិធានការលើគំនរសំរាម ដែលជាសម្បុកសត្វរុយចង្រៃ និងជាប្រភពចម្លងមេរោគនេះផង ព្រោះវាប៉ះពាល់ដល់សុខភាពប្រជាណលរដ្ឋ និងព្រះសង្ឃជុំវិញទីលានចាក់សំរាមនេះខ្លាំងណាស់។
ពាក់ព័ន្ធនឹងកង្វល់ខាងលើ ដែលបង្កឡើងដោយសត្វរុយចង្រៃនេះ កើតមានរយៈពេលជាង២ឆ្នាំមកហើយ ពួកគាត់ធ្លាប់បានរាយការណ៍ប្រាប់ទៅអាជ្ញាធរភូមិ-សង្កាត់ជាច្រើនលើកមកហើយ ប៉ុន្តែមិនឃើញមានចំណាត់ការអ្វីឡើយ។