វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 485 នាក់
ម្សិលមិញ 5467 នាក់
សរុប 14160062 នាក់
កំពង់ឆ្នាំង៖ព្រឹកថ្ងៃទី ០៤ ខែ មីនា ឆ្នាំ ២០១៩ នៅក្នុងបរិវេណសាលាឃុំច្រណូកស្រុកកំពង់លែង មានការរៀបចំវេទិកាពិគ្រោះយោបល់ជាមួយប្រជាពលរដ្ឋ មកពីបណ្ដាឃុំនានា ក្នុងស្រុកកំពង់លែង ចំនួន ៣៥១នាក់ក្រោមអធិបតីភាពឯកឧត្ដម ខាន់ ម៉ាណេ រដ្ឋលេខាធិការ តំណាងដ៏ខ្ពង់ខ្ពស់ឱ្យឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹកជញ្ជូន ។
គោលបំណងគឹធ្វើការវាយតម្លៃហេតុប៉ះពាល់បរិស្ថាន និង សង្គមពេញលេញ លើគម្រោងផ្លូវតភ្ជាប់ ពីខេត្តកំពង់ឆ្នាំង ទៅកាន់ខេត្តកំពង់ធំ ប្រវែង ៥៧,៣៥៧ គីឡូម៉ែត្រ ។ប្រជាពលរដ្ឋក្នុងស្រុកកំពង់លែងមានសេចក្ដីត្រេចកអរ ចំពោះវេទិកាពិគ្រោះយោបល់មួយនេះ ព្រោះពួកគាត់បានទន្ទឹងរង់ចាំឱកាសនេះជាយូរណាស់មកហើយ ព្រោះបើមានផ្លូវគឹមានអ្វីៗ ទាំងអស់ ។គមនាគមន៍ គឺជាសរសៃឈាមសេដ្ឋកិច្ចគ្រួសារ និង សង្គមជាតិទាំងមូល ។
ប្រជាពលរដ្ឋបានគាំទ្រគម្រោងសាងសង់ ស្ពាន ថ្នល់ ខ្នាតអន្តរជាតិនេះ មួយរយភាគរយបើទោះបីគម្រោងនេះមានផលប៉ះពាល់ដល់បរិស្ថានខ្លះក៏ដោយ ។ ឯកឧត្ដម ខាន់ ម៉ាណេ បានគូសបញ្ជាក់ថា៖ ការស្ថាបនាសំណង់ហេដ្ឋារចនាសម្ព័នគមនាគមន៍នេះ ពិតជាមានផលប៉ះពាល់បរិស្ថានខ្លះប្រាកដមែន ។ ជាទីបញ្ចប់ ឯកឧត្ដម ខាន់ ម៉ាណេ ថានឹងពាំនាំនូវពាក្យពេចន៍ និង សំណូមពររបស់ប្រជាពលរដ្ឋ តាមរយៈអង្គវេទិកាពិគ្រោះយោបល់ថ្ងៃនេះ ដាក់ជូន សម្ដេចអគ្គមហាសេនាបតីតេជោ ហ៊ុន សែន " សម្រេច " ព្រោះនៅថ្ងៃទី ១៥,១៦ និង ១៧ ខែ មីនា ឆ្នាំ ២០១៩ ខាងមុខនេះ សម្ដេចតេជោនាយករដ្ឋមន្ត្រី នឹងអញ្ជើញមកធ្វើជាអធិបតីដ៏ខ្ពង់ខ្ពស់ បំផុតក្នុងពិធីបុណ្យទន្លេរលើកទី ៥ ជាប្រវត្តិសាស្ត្រ នៅលើទឹកដីដ៏ស្រស់សោភា នៃខេត្តកំពង់ឆ្នាំង។
គេសង្ឃឹមថា សម្ដេចនឹងមានប្រសាសន៍ ជម្រាបជូន អំពីគម្រោងសាងសង់ ស្ពាន និង កំណាត់ផ្លូវនោះ ជូនប្រជាពលរដ្ឋបានជ្រាបជាពុំខានឡើយ ៕