គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5403 នាក់

ម្សិលមិញ 9639 នាក់

សរុប 20695574 នាក់

ខាងបរិស្ថានចុះបង្ក្រាបការធ្វើអាជីវកម្មរ៉ែមាសជាង១០០រណ្តៅក្នុងដែនជម្រកសត្វព្រៃឡង់តែលទ្ធផលបានរឹបអូសបានក្បាលបូមទឹក១ និងទុយោ តិចតួចយកទៅដុតចោល!

21-September-2026 / សេដ្ឋកិច្ច

ក្រចេះ÷ មន្ត្រីបរិស្ថានបានចុះបង្ក្រាបការធ្វើអាជីវកម្មរ៉ែមាសជាង១០០រណ្តៅដែលអ្នកកាសែតរកឃើញនៅក្នុងដែនជម្រកសត្វព្រៃឡង់ត្រូវបានមន្ត្រីបរិស្ថានចុះបង្ក្រាបហើយតែលទ្ធផលបានរឹបអូសបានតែក្បាលបូមទឹក១ និងទុយោ តិចតួច តែប៉ុណ្ណោះយកទៅដុតចោល? ។មន្ត្រីដែនជម្រកសត្វព្រៃឡង់ បានអះអាងថា រណ្ដៅរ៉ែមាស ជាច្រើន ដែលកំពុងធ្វើអាជីវកម្មនៅក្នុងដែនជម្រករបស់ខ្លួន ត្រូវបានបង្ក្រាប និងបានបញ្ជូនសំណុំរឿងទៅតុលាការ ថែមទៀតផង ។ a mine close1

ការចុះបង្ក្រាបនោះធ្វើឡើងក្រោយពីមានការបែកធ្លាយរឿងមន្ត្រីបរិស្ថានតម្រូវឲ្យក្រុមអ្នកធ្វើអាជីវកម្មរ៉ែមាសទាំងនោះបង់លុយឲ្យក្នុងមួយរណ្ដៅចំនួន៦០ម៉ឺនរៀល ។លោក សាំង សាខន នាយកដែន ជម្រកសត្វព្រៃឡង់ បានប្រាប់អ្នកសារព័ត៌មាននៅខេត្តក្រចេះតាមទូរសព្ទ័ កាលពីរសៀលថ្ងៃទី១០ ខែតុលាឆ្នាំ២០២៣ នេះថា ចំពោះរណ្ដៅរ៉ែមាស ដែលគេធ្វើអាជីវកម្មនៅក្នុងដែនសមត្ថកិច្ចរបស់ខ្លួននោះត្រូវកម្លាំងចុះបង្ក្រាប ហើយកសាងសំណុំរឿងបញ្ជូនទៅថ្នាក់លើរួចរាល់ហើយ។ ប៉ុន្តែចំពោះលទ្ធផលនៃការបង្ក្រាបរឹបអូសសម្ភារមធ្យោបាយអាជីវកម្មនោះ លោកមិនបានបញ្ជាក់នោះឡើយ ដោយគ្រាន់តែលើកឡើងថា បង្ក្រាបរួចរាល់ហើយ។

ប្រភពពីមន្ត្រីផ្សេងទៀត បានបង្ហើបឲ្យដឹងថា ការចុះបង្ក្រាបនោះគឺរឹបអូសបានតែក្បាលម៉ាស៊ីនបូមទឹកមួយនឹងទុយោបន្តិចបន្តួចតែប៉ុណ្ណោះ ។ប្រភពដដែលបានឲ្យដឹងបន្ថែមទៀតថា លទ្ធផលបង្ក្រាបបានតិចតួចបែបនេះ ដោយសារតែមុនពេលចុះបង្ក្រាបមួយថ្ងៃ ដៃឈើរបស់មន្ត្រីបរិស្ថានបានដើរប្រាប់ឲ្យប្រជាពលរដ្ឋអ្នកធ្វើអាជីវកម្មរ៉ែមាស ប្រមូលដឹកសម្ភារចេញពីរណ្តៅ ដែលពួកគេធ្វើអាជីវកម្មកន្លងមក។លោក ឆាយ ដួងសាវុធប្រធានមន្ទីរបរិស្ថានខេត្តក្រចេះ ប្រាប់ថា ករណីនេះយើងបានធ្វើការបង្ក្រាបនិងចងក្រងសំណុំរឿងត្រូវតុលាការដែរ ។ លោកថា ទោះបីបង្ក្រាបបានមនុស្ស ហើយនិងសម្ភារមិនមានលទ្ធភាពដឹក ជញ្ជូន ប៉ុន្តែ យើងបានដុតកម្ទេចចោលនៅទីតាំងនោះតែម្តង ។ លោកប្រធានមន្ទីរក៏បានបញ្ជាក់ថា អាជីវកម្មទាំងនោះគឺគេធ្វើលក្ខណៈគ្រួសាររបស់ប្រជាជនដែលរស់នៅតំបន់នោះ ប៉ុន្តែ បើទោះបីជាធ្វើលក្ខណៈគ្រួសារក៏ដោយក៏ត្រូវតែបង្ក្រាបដែរ។លោកប្រធានមន្ទីរមិនប្រាប់ថាតើមានអ្នកពាក់ពន្ធ័ត្រូវបានរកខើញដែរឬអត់នោះទេ?។

គូបញ្ជាក់ផងដែរថារណ្តៅមាសជាច្រើន កំពុងធ្វើសកម្មភាពយ៉ាងគក្រឹកគគ្រេងនៅក្នុងដែនជម្រកសត្វព្រៃឡង់ ចំណុច សោមឌីប៉ូ ស្ថិតក្នុងឧបសម្ព័ន្ធភូមិយាវ ឃុំកំពង់ចាម ស្រុកសំបូរ ខេត្តក្រចេះ ។ហើយអាជីវកម្មរ៉ែមាសទាំងនោះ ត្រូវបានចុះបញ្ជីឈ្មោះត្រឹមត្រូវពីអាជ្ញាធរដែលមានឈ្មោះលោក រិទ្ធ ជាមេភូមិឧបសម្ព័ន្ធសោមឌីប៉ូជាអ្នកប្រមូលលុយតាមម្ចាស់អាជីវកម្មរ៉ៃមាសទាំងនោះសម្រាប់រត់ការជូនសមត្ថកិច្ចពាក់ព័ន្ធ។ a mine close