» សម្តេច​តេ​ជោ ហ៊ុន សែន​៖ ប្រាក់ខែ​មន្ត្រីរាជការ​នឹង​បន្ត​កើនឡើង​រាល់​ឆ្នាំ​លុបចោល​កុងត្រា​ស៊ិន​ទ្រី​និង​បើក​ធ្វើ​ចំណត​ឡាន​ក្រោម​ដី​ » កាប់​លើ​ជនរងគ្រោះ​ស្ទើរ​សុះសាច់​ហើយ​បើករថយន្ត​គេច​បុក​រថយន្ត​ធំ​ឆេះ​ផ្អើល​ក្រុង​ប៉ោយប៉ែត ! » ចាប់បាន​គ្រឿងញៀន​៤០​គីឡូក្រាម​នៅ​កំពង់ធំ​ » ព្រះមហាក្សត្រ​ថៃ បាន​ដកហូត​តំណែង និង​ឋានៈ​ពី អ្នក​ម្នាង ម្នាក់​ដោយសា​តែ​ច្រណែន​រឿង​តែងតាំង​អគ្គមហេសី​?! » លោក​អ៊ា​វ​ចំរើន​ស្នងការ​ខេត្តកណ្តាល​ឯកភាព​ឲ្យ​ស្រាវជ្រាវ​ករណី​កូនចៅ​វ៉ៃ​ស្ត្រី​ម្នាក់​រលូត​កូន​ » បន្ទាប់ពី​បង្ខំឲ្យលក់​សាលា​ហ្សា​ម៉ាន់​អតីត​នាយក​ត្រូវបាន​ចាប់ខ្លួន​បញ្ជូនទៅ​ដាក់គុក​នៅ​តួ​គី​ចោទថា​ពាក់​ព​ន្ធ័​រដ្ឋប្រហារ​ » ប្តី អារ ក ប្រពន្ធ​កាំបិតផ្គាក់​ស្លាប់ ក្នុង​ថ្លុក​បន្ទាប់ពី​ប្រពន្ធ​ស្រវឹង យក​កូនកាំបិត​អា​រក​រូបគាត់​ជា​ប្តី មុន​ » បេក្ខភាព ប្រកួត​កញ្ញាឯក​អាស៊ី​ប៉ាស៊ីហ្វិក​អន្តរជាតិ ឆ្នាំ​២០១៩​កញ្ញា ប៉ូ​គឹម​ថេ​ង សុ​ត​ធីតា​មកវិញ​ដៃទទេ​! » បន្ទាប់ពី​ថ្វាយ​សាតាំង​ឯកអគ្គរដ្ឋទូត​អាមេរិក​ចង់​បន្ត​ជួប​មន្ត្រី​រាជរដ្ឋាភិបាល​! » ប៊ូ​អ៊ីង​កំពុង​ប្រឈម​នឹង​វិបត្តិ​ធ្ងន់ធ្ងរ ទាក់ទង​នឹង​សុវត្ថិភាព​យន្តហោះ​ប្រភេទ​៧៣៧Max ! » ទុកពេល​៤​អាទិត្យ​ឲ្យ​ចៅអធិការ​វត្ត​អណ្តូង​ថ្ម​មាស​ចាក​សិក្ខាបទ​តាម​ពុទ្ធានុញ្ញាត​ក្រោយ​កិច្ច​អន្តរា​គម​ន៏​ទ​ល័​ច្រក ? » ស្មានថា​តារាចម្រៀង​ហង្ស​មាស​នាង​ប៉ាច​គីម​មួយ​ក្រមុំ​តាមពិត​មេម៉ាយ​សោះ​! » មន្ត្រីនគរបាល​កូនចៅ​លោក​អ៊ា​វ​ចំរើន​វ៉ៃ​ប្រពន្ធ​រលូត​កូនរង​ការប្តឹង​ពីបទ​ប៉ង​មនុស្សឃាត​! » នគរបាល​មកពី​សៀមរាប​តាម​ចាប់​ជនបរទេស​ជួញដូរ​កុមារ​! » សម្តេច​តេ​ជោ​អូ​ខេ​ឲ្យ​លក់​និង​ក្រោយមក​អូ​ខេ​ឲ្យ​លុប​វិញ​ដី​ទីតាំង​ អគារ​ផ្នែក​រដ្ឋបាល​ព្រៃឈើ ខេត្តកំពង់ស្ពឺ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6723 នាក់

ម្សិលមិញ 6787 នាក់

សរុប 3190293 នាក់

ដក​លោកស្រី វ៉ា រ៉ាវី ប្រធានស្តីទី​មន្ទីរ​ធម្មការ​និង​សាសនា​ខេត្តកោះកុង​មក​ក្រសួង ដាក់ជំនួស​វិញ​ដោយ​លោក​សំ ធឿន​!

 

​កោះ​កុ​ងះ​ក្រសួង​ធម្មការ​និង​សាសនា កាលពី​ថ្ងៃទី​១១​មិថុនា​ឆ្នាំ​២០១៨​កន្លងទៅ​ថ្មីៗ​នេះ បានចេញ​សេចក្តីសម្រេច​មួយ​លេខ​៣៤/១៨.......​ក​.​ធ​.​ស​.​សសរ ដោយបាន​តែងតាំង​លោក​សំ ធឿន ដែលជា​អនុប្រធាន​មន្ទីរ ឡើង​ធ្វើជា​ប្រធាន​មន្ទីរ​ស្តីទី​ជំនួស​លោកស្រី​វ៉ា រ៉ាវី​ដែល​ត្រូវ​ដក ឲ្យ​ទៅ​បំរើការ​នៅឯ​ក្រសួង​វិញ​។​

​ការសម្រេច​ដក​លោកស្រី​វី រ៉ាវី ចេញពី​តំណែង​ប្រធានស្តីទី​មន្ទីរ​ធម្មការ​ខេត្ត​នេះ បើតាម​ប្រភព​បាន​ឲ្យ​ដឹងថា ធ្វើឡើង​បន្ទាប់ពី​រឿងអាស្រូវ​ផ្សព្វផ្សាយ​តាម​សារ​ព័​ត៍​មាន​ពី​ការដឹកនាំ​មិន​ប្រក្រតី​របស់គាត់ ជាពិសេស​ធ្លាយ​ចេញ​លិខិត​ពី​មេដឹកនាំ​សាសនា​ធំៗ​ចំនួន​៣​នៅក្នុង​ខេត្ត ប្រកាស​បដិសេដ​មិន​ទទួលស្គាល់​លោកស្រី​នៅពេលដែល​មានការ​តែងតាំង​ឡើង​ធ្វើជា​ប្រធាន​មន្ទីរ​។​

សូម​រំលឹក​ថាះ​កាលពី​ថ្ងៃទី​២២​ឧសភា​ឆ្នាំ​២០១៨​កន្លងទៅ មាន​​មេដឹកនាំ​សាសនា​ធំៗ​ចំនួន​បី​នៅក្នុង​ខេត្តកោះកុង រួមមាន​ព្រះ​តេជគុណ ហេង សំបូរ ព្រះ​មេគុណ​ខេត្ត លោក វណ្ឌ សាលី គណៈ​អ៊ី​មាំ​ខេត្ត​និង​លោក​ហួរ សារឿន តំណាង​ឲ្យ​គ្រឹះ​សា​នា ប្រចាំខេត្ត បាន​ចុះហត្ថលេខា​និង​បោះត្រា​លើ​លិខិត​រួមគ្នា ផ្ញើ​ជូនទៅ​ថ្នាក់ដឹកនាំ​កំពូលៗ​នៅក្នុង​ខេត្ត ដោយ​សំណើរ​បដិសេធ​មិន​ទទួលស្គាល់​លោកស្រី វី រ៉ាវី ធ្វើជា​ប្រធាន មន្ទីរ​ឡើយ ប្រសិនជា​មានការ​តែងតាំង​។​

​លិខិត​ដែល​ចុះហត្ថលេខា​រួមគ្នា​នោះ បាន​គូស​បញ្ចាក់​ហេតុផល​ថា មូលហេតុ​ដែល​នាំ​ឲ្យ​មេដឹកនាំ​សាសនា​ធំៗ​ទាំងបី​នៅក្នុង​ខេត្ត បដិសេធ​មិន​ទទួលស្គាល់ ដោយសារ​ការដឹកនាំរ​បស់​លោកស្រី​នាពេល​កន្លងមក អសមត្ថភាព​និង​មាន​កំហុស​មួយចំនួន ដូចជា​-​អសមត្ថភាព ពុំ​យល់​ពី​កិច្ចការ​សាសនា ។​ខ្វះ​សីលធម៌ ចរិយា​ធម៌​និង​ប្រើ​ពាក្យសំដី​មិន​សមរម្យ​ធ្វើ​ប៉ះពាល់​ដល់​អ្នក​គោរព​សាសនា​ផ្សេងៗ និង​ខ្វះ​ការទំនាក់ទំនង​ជាមួយ​មេដឹកនាំ​សាសនា​ផ្សេងៗ​នៅក្នុង​ខេត្ត ព្រមទាំង​ការប្រមាថ និង​បង្ក​ការលំបាក ធ្វើ​ឲ្យ​រាំងស្ទះ​យ៉ឺ​ត​យ៉ាវ​ដល់​ការងារ​ផ្សេងៗ​របស់​គណៈសង្ឃ​ខេត្ត​។​a koh saly3 

​ក្រៅពីនេះ លោកស្រី​ក៏បាន​បង្កជម្លោះ ធ្វើ​ឲ្យ​បែកបាក់​សា​គ្គី​ផ្ទៃក្នុង​និង​ធ្វើ​ឲ្យ​មន្ត្រី​ជាច្រើន​សំដែង​ការមិន​ពេញចិត្ត ចំពោះ​ទង្វើរ​ដឹកនាំ​របៀប​ផ្តាច់មុខ​របស់គាត់ ដោយ​អាង​មាន​ឳ​ពុក​ជាទី​ប្រឹក្សា​អម​ក្រសួង​និង​កូន​ជា​ប្រធាន​មន្ទីរ​ស្តីទី ធ្វើ​អី្វៗ​ស្រេច​តែ​អំពើរ​ចិត្ត ដូចជា​ការចាយវាយ​ថវិការដ្ឋ​និង​ការយក​សម្ភារៈ​មន្ទីរ​ទៅប្រើ​ប្រាស់​ជា​លក្ខណៈ​ផ្ទាល់ខ្លួន​មិនដែល​ឲ្យ​មន្ត្រីក្រោមឱវាទ​បានដឹង​ជាដើម​។​

​សូមបញ្ជាក់​ថាះ​មន្ទីរ​ធម្មការ​និង​កិច្ចការ​សាសនា​ខេត្តកោះកុង ត្រូវបាន​គេ​ចាត់ទុកថា គឺជា​មន្ទីរ​មួយ​ដែលមាន​អំណាច​ត​ត្រកូល​​ព្រោះ​លោក​ដួង សាវឿន ជា​ឳ​ពុក បាន​កាន់អំណាច​ធ្វើជា​ប្រធាន​មន្ទីរ​មួយ​នេះ​ជាង​៣០​ឆ្នាំ ក្រោយពី​ចូលនិវត្តន៍​នៅ​ឆ្នាំ​២០១៥ គាត់​ក៏បាន​រត់ការ​តំណែង​ខាងលើ​ឲ្យ​កូនស្រី​របស់គាត់​គ្រប់គ្រង​បន្ត​ជា​ប្រធាន​មន្ទីរ​ស្តីទី រហូតដល់​សព្វថ្ងៃ ធ្វើ​ឲ្យ​មជ្ឈដ្ឋាន​នានា​សំដែង​ការមិន​ពេញចិត្ត​និង​សំណូមពរ​យ៉ាងទទូច ដល់​ថ្នាក់ដឹកនាំ​ខេត្ត​ព្រមទាំង​ក្រសួង​ធម្មការ​និង​កិច្ចការ​សាសនា​ដែលមាន​ឯ​.​ឧ ហ៊ឹម ឆែម ជា​រដ្ឋមន្ត្រី មេត្តា ពិនិត្យ​និង​ពិចារណា​ឡើងវិញ​ផង​។​a koh saly a koh saly1 

​ការសម្រេច​ដកតំណែង​លោកស្រី​វី រ៉ាវី​ចេញពី​ប្រធានស្តីទី​មន្ទីរ​ធម្មការ​និង​សា​នា​ខេត្ត​ពី​សំណាក់ ឯ​.​ឧ រដ្ឋមន្ត្រី​ត្រូវបាន​មជ្ឈដ្ឋាន​ជាច្រើន​នៅក្នុង​ខេត្ត​អបអរសាទរ​និង​ចាត់ទុកថា គឺជា​ការផ្តល់​ភាពយុត្តិធម៌​ជូន​មន្ត្រីរាជការ​នៅក្នុង​មន្ទីរ​មួយ​នេះ​ផងដែរ​៕a koh saly2