ឃើញស្ងាត់អត់អ្នកណាដាក់ពាក្យក្រសួងមហាផ្ទៃចេញសេចក្តីណែនាំពីនីតិវិធីដាក់ពាក្យសុំសិទ្ធធ្វើនយោបាយឡើងវិញ!
ភ្នំពេញ៖ ក្រសួងមហាផ្ទៃ បានចេញសេចក្តីណែនាំ ដល់អ្នកនយោបាយជាប់បម្រាមទាំងអស់ ដែលចង់បានសិទ្ធិធ្វើនយោបាយឡើងវិញនោះ ត្រូវតែធ្វើលិខិតស្នើសុំដាច់ដោយឡែកពីគ្នាទៅកាន់ក្រសួងមហាផ្ទៃ។
នៅថ្ងៃទី២១ ខែកុម្ភៈ ឆ្នាំ២០១៩នេះ ក្រសួងមហាផ្ទៃបានចេញ មួយចុះហត្ថលេខាដោយ លោក សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ បានបញ្ជាក់ពីបញ្ហានេះ។យោងតាមមាត្រា ៤៥ ថ្មី (ស្ងួនមួយ) នៃច្បាប់ស្តីពីគណបក្សនយោបាយ បុគ្គលដែលត្រូវបានតុលាការសម្រេចហាមឃាត់ការធ្វើសកម្មភាពនយោបាយ នឹងអាចទទួលបានវិញនូវសិទ្ធិនយោបាយពេញលេញសេចក្តីណែនាំ ប្រាប់ថា ៖
១៖ ការទទួលបានសិទ្ធិនយោបាយពេញលេញឡើងវិញដោយពេញច្បាប់ បន្ទាប់ពីផុតរយៈពេលនៃការហាមឃាត់ដែលកំណត់ដោយសាលដីការបស់តុលាការកំពូល។
២៖ ការទទួលបានសិទ្ធិនយោបាយពេញលេញឡើងវិញ ដោយការផ្តល់នីតិសម្បទាដោយ ព្រះមហាក្សត្រ តាមសំណើរបស់នាយករដ្ឋមន្ត្រី តាមសេចក្តីស្នើសុំរបស់រដ្ឋមន្ត្រីក្រសួងមហាផ្ទៃ។
សម្រាប់ចំណុចទី២ក្រសួងមហាផ្ទៃបានបញ្ជាក់អំពីនីតិវិធីសម្រាប់ការផ្តល់នីតិសម្បទាធ្វើនយោបាយឡើងវិញមានដូចតទៅ ៖
* ក. បុគ្គលដែលត្រូវបានតុលាការសម្រេចហាមឃាត់ការធ្វើសកម្មភាពនយោបាយ ត្រូវដាក់ពាក្យស្នើសុំនីតិសម្បទាឡើងវិញទៅក្រសួងមហាផ្ទៃ នៅរៀងរាល់ម៉ោងធ្វើការងារ។
* ខ. ពាក្យស្នើសុំត្រូវមានបញ្ជាក់អំពីអត្តសញ្ញាណរបស់បុគ្គលស្នើសុំ សេចក្តីសម្រេចរបស់តុលាការដែលហាមឃាត់ការធ្វើសកម្មភាពនយោបាយ ព្រមទាំងមានផ្តិតស្នាមម្រាមដៃនៃបុគ្គលដាក់ពាក្យស្នើសុំ។
គ. ពាក្យស្នើសុំត្រូវធ្វើឡើងដាច់ដោយឡែកពីគ្នា ដោយបុគ្គលដែលត្រូវបានតុលាការសម្រេចហាមឃាត់ការធ្វើសកម្មភាពនយោបាយ។
* ឃ. បន្ទាប់ពីបានពិនិត្យលើពាក្យស្នើសុំរបស់បុគ្គលម្នាក់ៗដែលបានដាក់ពាក្យស្នើសុំ ក្រសួង
មហាផ្ទៃនឹងលើកសំណើជូននាយករដ្ឋមន្ត្រី ដើម្បីស្នើថ្វាយព្រះមហាក្សត្រ លើកលែងបម្រាមហាមឃាត់ធ្វើ
សកម្មភាពនយោបាយ ដោយអនុលោមតាមបទប្បញ្ញត្តិមាត្រា ៤៥ថ្មី (ស្ងួនមួយ) នៃច្បាប់ស្តីពីគណបក្ស
នយោបាយ។
ង. សាមីខ្លួននឹងអាចធ្វើសកម្មភាពនយោបាយឡើងវិញបានស្របតាមច្បាប់របស់ ព្រះរាជាណាចក្រកម្ពុជា បន្ទាប់ពីមានព្រះរាជក្រឹត្យស្តីពីការផ្តល់នីតិសម្បទាឡើងវិញ។
សូមបញ្ជាក់ថា សេចក្តីស្នើច្បាប់ស្តីពីវិសោធនកម្មមាត្រា ៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដែលបើកផ្លូវឲ្យអ្នកនយោបាយជាប់បម្រាម អាចធ្វើសកម្មភាពនយោបាយរបស់ខ្លួនឡើងវិញនោះ ត្រូវបានព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា ចេញព្រះរាជក្រម ប្រកាសដាក់ឲ្យប្រើប្រាស់ជាផ្លូវការហើយ កាលពីថ្ងៃទី០២ ខែមករា ឆ្នាំ២០១៩។
តាំងពីច្បាប់នេះចូលជាធរមានក្នុងចំណោមមន្ត្រីគណបក្សនយោបាយសង្គ្រោះជាតិចមនួន១១៨រូបដែលជាប់បំរាម មានតែ ចំនួន២រូបប៉ុណ្ណោះ ក្នុងនោះមាន លោក គង់ គាំ និងកូនរបស់លោកគឺលោក គង់ បូរ៉ា បានដាក់ពាក្យស្នើសុំនីតិសម្បទានយោបាយ ទៅកាន់ក្រសួងមហាផ្ទៃហើយត្រូវបានព្រះមហាក្សត្រប្រទានតាមសំណើរួចហើយហើយ។
មានការកត់សម្គាល់ដែរថាលោកសមរង្ស៊ីដែលឡើងជាប្រធានស្តីទីអតីគណបក្សសង្គ្រោះជាតិបានដាក់បទបញ្ជារតឹងរ៉ឺងមិនឲ្យមន្ត្រីគណបក្សសង្គ្រោះជាតិដែលជាប់បំរាមដាក់ពាក្យស្នើសុំសិទ្ធធ្វើនយោបាយវិញឡើយដោយចាត់ទុកថាអ្នកណាសុំគឺជាជនក្បត់។ជាក់ស្តែងលោកគង់គាំនិងលោកគង់បូរ៉ាដែលជាកូនបានទៅចូលរួមជាមួយគណបក្សឆន្ទៈខ្មែររបស់លោកគង់មុន្នីកាដែលជាកូនហើយ!។ចាំមើលថាតើក្រោយពីចេញសេចក្តីណែនាំនេះមានមនុស្សប៉ុន្មាននាក់ដាក់ពាក្យសុំ?។
