វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 273 នាក់
ម្សិលមិញ 3717 នាក់
សរុប 14148606 នាក់
ខេត្តកំពង់ចាម ៖នារីរូបស្រស់នៅខេត្តកំពង់ចាមម្នាក់ដោយសារតែឆ្កែខាំបានតែ៩ថ្ងៃក៏ធ្លាក់ខ្លួនឈឺហើយស្លាប់ក៏បាត់បង់ជីវិតយ៉ាងអាណោចអាធ័មចោលគ្រួសារ។
តាមសាច់ញាតិឲ្យដឹងថា៖នារីរូបស្រស់ដែលត្រូវសត្វឆ្កែខាំ បណ្តាលឱ្យស្លាប់នោះ មានឈ្មោះសែម សុផាត អាយុ២២ឆ្នាំ និងមានស្រុកកំណើតនៅខេត្តកំពង់ចាម។បងស្រីរបស់នារីរងគ្រោះខាងលើ ក៏បានសរសេរក្នុងគណនីហ្វេសប៊ុកផ្ទាល់ខ្លួន កាលពីថ្ងៃទី១៩ ខែកុម្ភៈ ឆ្នាំ២០១៩ ថា “ប្អូនស្រីរបស់ ខ្ញុំស្លាប់ដោយសារឆ្កែខាំ តែរយៈពេល៩ថ្ងៃទេ ហេតុអីបានមិនចេះប្រយ័ត្នហើយ ថែខ្លួនអ៊ីចឹង ដេញឱ្យទៅចាក់ថ្នាំ ថាមិនអីទេ…”។ បន្ទាប់ពីត្រូវឆ្កែចិញ្ចឹមខាំបងប្រុសរបស់នារីរងគ្រោះ បានដេញឱ្យប្អូនស្រី (នារីរងគ្រោះ) ទៅចាក់ថ្នាំបង្ការរោគឆ្កែឆ្កួតដែរ តែនាងបានមិនទៅ ដោយយល់ថា គ្រាន់តែដាច់រលាត់មិនអី។
ចំណែកបងស្រីជីដូនមួយរបស់នារីរងគ្រោះក៏បានផ្តល់អនុសាសន៍ថា “បងប្អូនខ្ញុំទៅចោលខ្ញុំហើយ គ្មានថ្ងៃត្រឡប់ទេ បងប្អូនសូមមេត្តាប្រយ័ត្ន បើមានឆ្កែខាំ ត្រូវ ប្រញាប់ទៅមន្ទីរពេទ្យជាបន្ទាន់ វាអាចគ្រោះថ្នាក់ដល់អាយុជីវិត គាត់ត្រូវឆ្កែក្រញៅ រយៈពេល៩ថ្ងៃទេ…”។នារីជាបងជីដូនមួយរបស់នារីរងគ្រោះ បានឱ្យដឹងថា នារីរងគ្រោះដែលត្រូវជាបងប្អូនជីដូនមួយរបស់គាត់ ត្រូវបានសត្វឆ្កែចិញ្ចឹមរបស់នាងខាំដាច់រលាត់ត្រង់ដៃ បណ្តាលឱ្យមានស្លាកស្នាមរបួស កាលពី៩ថ្ងៃមុន លុះឃើញបែបនេះ ក្រុមគ្រួសារបានដេញឱ្យនាងទៅចាក់ថ្នាំបង្ការដែរ តែនាងមិនព្រមទៅ ដោយចេះតែនិយាយថា មិនអីទេៗ ស្រាប់តែអកុសល មកដល់ថ្ងៃទី១៩ ខែកុម្ភៈ ឆ្នាំ២០១៩ នាងក៏បានបាត់បង់ជីវិតយ៉ាងអាណោចអាធ័ម ធ្វើឱ្យក្រុមគ្រួសារយំសោកបោកខ្លួនយ៉ាងខ្លាំង ស្ទើរតែមិនអាចទទួលយកបាន។
គួររំលឹកថា កាលពីពេលថ្មីៗកន្លងទៅនេះ ក៏មានករណីស្រដៀងគ្នានេះកើតឡើងផងដែរ ដោយក្មេងស្រីម្នាក់ ត្រូវសត្វឆ្មាខាំក្រញៅ អស់រយៈពេលតែជាងពីរខែប៉ុណ្ណោះបានស្លាប់បាត់បងជីវិត ថ្ងៃទី១៣ ខែកុម្ភៈ ឆ្នាំ២០១៩ នៅចំណុចផ្ទះរបស់នាង ស្ថិតក្នុងភូមិធ្លក សង្កាត់ច្រកម្ទេស ក្រុងបាវិត ខេត្តស្វាយរៀងដោយសារតែភាពឆកល្វែងរបស់ក្រុមគ្រួសារ មិនបានបញ្ជូនទៅចាក់ថ្នាំ បង្ការឱ្យបានត្រឹមត្រូវ បានត្រឹមតែឱ្យពេទ្យភូមិចាក់ថ្នាំ ។