ចំណាយរាប់សឹបលានដុល្លារជំនួបប្រវត្តិសាស្ត្ររវាងត្រាំនិងគីមជួបគ្នាតែជាង២ម៉ោងប៉ុណ្ណោះ!
02-May-2023 / ព័ត៌មានអន្តរជាតិ
សិង្ហបុរី៖ ជំនួបកំពូលទ្វេភាគីលើកទី ២ រវាងលោក ដូណាល់ ត្រាំ និងលោក គីម ជុងអ៊ុន ដោយមានក្រុមមន្ត្រីទីប្រឹក្សាជាន់ខ្ពស់របស់មេដឹកនាំទាំងពីរភាគីចូលរួមផងមានរយៈពេលជាង ៩០នាទី ត្រូវបានបញ្ចប់ និងបន្ទាប់មកទៀត គឺការទទួលទានអាហារថ្ងៃត្រង់រួមគ្នា។ នេះបើតាមការចេញផ្សាយ ដោយទីភ្នាក់ងារសារព័ត៌មាន យ៉ុនហាប់ នៅព្រឹកថ្ងៃអង្គារ ទី១២ ខែមិថុនា ឆ្នាំ២០១៨។ជំនួបលើកទី២ទូលាយនេះគឺបន្ទាប់ពីទី
មានជំនួបកំពូលដំបូងបំផុតជាប្រវត្តិសាស្ត្រតែពីរនាក់ រវាងលោក ដូណាល់ ត្រាំ និងលោក គីម ជុងអ៊ុន ត្រូវបានបញ្ចប់ ក្នុងរយៈពេល៤១នាទីដំបូង នៅព្រឹកថ្ងៃអង្គារ ទី១២ ខែមិថុនានេះ ដែរ។
ក្រោយជំនួបនេះ ប្រធានាធិបតី ត្រាំ បាននិយាយពាក្យតែ២ឃ្លាប៉ុណ្ណោះជាមួយកាសែតគឺ៖ «ល្អ ល្អណាស់» ហើយរវាងភាគីទាំងសងខាងមាន៖ «ចំណងទាក់ទងដ៏អស្ចារ្យ» ។
នៅចំពោះមុខលោក គីម ជុងអ៊ុន លោក ដូណាល់ ត្រាំ បានលើកឡើងយ៉ាងដូច្នេះថា «យើងនឹងមានកិច្ចពិភាក្សាដ៏អស្ចារ្យ ហើយខ្ញុំគិតថានឹងមានភាពជោគជ័យដ៏ធំសម្បើម។ មួយវិញទៀត វាជាគឺជាកិត្តិយសរបស់ខ្ញុំ ហើយយើងនឹងមានទំនងទំនងដ៏អស្ចារ្យ ដោយខ្ញុំគ្មានការសង្ស័យឡើយ»។ ប៉ុន្តែទន្ទឹមគ្នាលោក គីម ក៏បានទទួលស្គាល់ដែរថា វាមិនមែនជារឿងងាយស្រួលឡើយក្នុងការបោះជំហានទៅកិច្ចប្រជុំនេះ។ «វាមានឧបសគ្គ និងការអនុវត្តន៍មិនត្រឹមត្រូវជាច្រើនបានបិទភ្នែក និងត្រចៀករបស់យើងកន្លងមក ប៉ុន្តែយើងបានជម្នះគ្រប់យ៉ាងដើម្បីដើរមកដល់ថ្ងៃនេះ»។ នេះបើតាមសម្តីចេញពីមាត់លោក គីម ជុងអ៊ុន តបទៅលោក ត្រាំ វិញភ្លាមៗ។
គួរបញ្ជាក់ថា មេដឹកនាំទាំងពីរបានជួបពិភាក្សាគ្នាលើកទី១មានរយៈពេល ៤១នាទីនិងទី២មានរយៈពេល៩០នាទីគឺថ្វើ នៅឯសណ្ឋាគារ Capella លើកោះ Sentosa របស់ប្រទេសសិង្ហបុរី ។ទោះជាមិនទាន់មានសេចក្តីថ្លែងការណ៍អ្វីនៅឡើយតែ នៅក្នុងកិច្ចប្រជុំនេះ គេក៏រំពឹងដែរថា លោកត្រាំ និងលោក គីម នឹងផ្ដោតសំខាន់លើការរំសាយអាវុធនុយក្លេអ៊ែររបស់កូរ៉េខាងជើងជាថ្នូរ នឹងការទទួលបានសម្បទានសេដ្ឋកិច្ច ក៏ដូចជាការធានាសន្តិសុខពីសហរដ្ឋអាមេរិក រួមទាំងសន្តិភាពជាអចិន្ត្រៃយ៍នៅលើឧបទ្វីបកូរ៉េ និងបញ្ហាមួយចំនួនទៀតដែលទាក់ទិននឹងទំនាក់ទំនងទ្វេភាគី។
បើយោងតាមកិច្ចព្រមព្រមព្រៀងដែលចុះហត្ថលេខាដោយភាគិទាំងពីរបានកំណត់ថារដ្ឋាភិបាលក្រុងព្យុយ៉ាងប្តេជ្ញាចិត្តរំសាយចោលអាវុ ធនុយក្លេអ៊ែរ រួមគ្នាកសាងសន្តិភាពនៅឈូងសមុទ្រកូរ៉េ ហើយរដ្ឋាភិ បាលក្រុងវ៉ាស៊ីនតោនត្រូវតែធានាអោយបាននូវសន្តិសុខជូនកូរ៉េខាងជើងវិញ។
នៅឯប្រទេសកូរ៉េវិញដោយតាមដានតាមទូរទ្សន៍មេដឹកនាំកូរ៉េខាងត្បូងលោកមូនចេអ៊ីនបានបង្ហាញពីការអបអរសាទរ។ឯបប្រទេសជប៉ុនប្រជាជនជប៉ុននិងមេដឹកនាំប្រទេសក៏បានតាមដានផងដែរ៊។តែផ្ទុយទៅវិញសម្រាប់មេដឹកនាំប្រទេសអ៊ីរ៉ងបានបោះពាក្យសម្តីថា៖ មេដឹកនាំកូរ៉េខាងជើង លោក គីម ជុងអ៊ុន គួរតែដឹងឱ្យច្បាស់ជាមុនថា សហរដ្ឋអាមេរិកធ្លាប់មានប្រវត្តិដើរចេញពីសន្ធិសញ្ញារាប់ភ្លេច និងតែងតែរំលោភលើការប្ដេជ្ញាចិត្តរបស់ខ្លួន មុននឹងជឿជាក់លើទីក្រុងវ៉ាស៊ីនតោន។
នេះបើតាមការបញ្ជាក់ពីក្រសួងការបរទេសអ៊ីរ៉ង់ ដកស្រង់ដោយសារព័ត៌មាន Sputnik នៅព្រឹកថ្ងៃអង្គារ ទី១២ ខែមិថុនា ឆ្នាំ២០១៨។
ថ្លែងនៅក្នុងសន្និសីទសារព័ត៌មានដ៏ខ្លីមួយ នៅថ្ងៃចន្ទសប្ដាហ៍នេះ អ្នកនាំពាក្យក្រសួងការបរទេសម្នាក់បានលើកឡើងដូច្នេះថា «រដ្ឋាភិបាលអ៊ីរ៉ង់មើលឃើញថា កិច្ចប្រជុំកំពូលរវាងលោក ដូណាល់ ត្រាំ និងលោក គីម ជុងអ៊ុន ពោពេញទៅដោយទុទិដ្ឋិនិយម»។ ការ កត់សម្គាល់បែបនេះកើតមានឡើងតែប៉ុន្មានម៉ោងប៉ុណ្ណោះ មុននឹងលោក ដូណាល់ ត្រាំ និងលោក គីម ជុងអ៊ុន ត្រូវចូលរួមកិច្ចប្រជុំកំពូលនៅប្រទេសសិង្ហបុរី។
ក្រសួងការបរទេសអ៊ីរ៉ង់ ថែមទាំងក្រើនរំលឹកលោកគីមជាមុនថា សហរដ្ឋអាមេរិកត្រូវ បានគេស្គាល់យ៉ាងច្បាស់ថា ជាអ្នកបំផ្លាញ និងរំលោភលើកិច្ចព្រមព្រៀង ជាពិសេសគឺកិច្ចព្រមព្រៀងនុយក្លេអ៊ែរអ៊ីរ៉ង់ កាលពីឆ្នាំ២០១៥ ជាឧទាហរណ៍ស្រាប់។
