វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4400 នាក់
ម្សិលមិញ 5544 នាក់
សរុប 13945497 នាក់
ប្រទេសបង់ក្លាដេស៖ តំណាងអន្តរជាតិម្នាក់របស់ជនភៀសខ្លួនរ៉ូហ៊ីងយ៉ាត្រូវបានខ្មាន់កាំភ្លើងមិនស្គាល់អត្តសញ្ញាណបាញ់សម្លាប់នៅក្នុងជំរំមួយក្នុងប្រទេសបង់ក្លាដែសកាលពីយប់ថ្ងៃពុធទី២៩កញ្ញា។
លោក ម៉ូហ៊ីប៊ុលឡា អាយុ៥៩ឆ្នាំ ធ្លាប់ធ្វើជាគ្រូបង្រៀននិងបានក្លាយជាមេដឹកនាំជនភៀសខ្លួនសំខាន់ម្នាក់ ព្រមទាំងជាអ្នកនាំពាក្យតំណាងអោយក្រុមជនជាតិអ៊ីស្លាមនៅក្នុងកិច្ចប្រជុំអន្តរជាតិនានា។លោកបានទៅទស្សនកិច្ចនៅសេតវិមានក្នងឆ្នាំ២០១៩សំរាប់កិច្ចប្រជុំសេរីភាពសាសនាមួយជាមួយអតីតប្រធានាធិបតី ដូណាល់ ត្រាំ និងបាននិយាយអំពីទុក្ខសោកនិងការធ្វើទុក្ខបុកម្នេញដែលជនអ៊ីស្លាមរ៉ូហ៊ីងយ៉ាងប្រឈមនៅមីយ៉ាន់ម៉ា។មេប៉ូលិសម្នាក់នៅទីប្រជុំជនខុកបាហ្សា បាននិយាយថា ជនវាយប្រហារដែលគេមិនស្គាល់បានបាញ់់លោកម៉ូហ៊ីប៊ុលឡានៅជំរំជនភៀសខ្លួនគូទូប៉ាឡងក្នុងស្រុក ខុកបាហ្សា។លោកត្រូវបាននាំទៅកាន់មន្ទីរពេទ្យនិងត្រូវបានប្រកាសថាស្លាប់។
លោកធ្លាប់ត្រូវបានសារព័ត៌មានបង់ក្លាដែសរិះគន់ក្រោយពីលោកដឹកនាំបាតុកម្មធំមួយមានការចូលរួមពីជនភៀសខ្លួនប្រមាណ២០០.០០០នាក់ដើម្បីកត់សំគាល់ខួបទី២នៃការបង្ក្រាបរបស់យោធាមីយ៉ាន់ម៉ាដែលនាំអោយជនរ៉ូហ៊ីងយ៉ាប្រមាណ៧០០.០០០នាក់ រួមទាំងរូបលោក ភៀសខ្លួនចូលបង់ក្លាដែស។
ករណី៍ឃាតកម្មនេះ មិនមានក្រុមណាចេញមកអះអាងទទួលខុសត្រូវចំពោះការបាញ់សម្លាប់នេះទេនិងក៏មិនប្រាកដថានរណានៅពីក្រោយការធ្វើឃាតនេះ។
សូមបញ្ជាក់ថាប្រទេស បង់ក្លាដែសបានផ្តល់ជម្រកដល់ជនភៀសខ្លួនរ៉ូហ៊ីងយ៉ា(ដែលភូមាហៅថាជជនជាតិបង់ក្លាដែស)ជាង១,១លាននាក់មកពីមីយ៉ានម៉ាក្រោយការធ្វើទុក្ខបុកម្នេញបន្តបន្ទាប់និងការបង្ក្រាបរបស់យោធាក្រោយពួកសកម្មប្រយុទ្ធអ៊ីស្លាមវាយប្រហារប៉ុស្តិ៍ព្រំដែនសម្លាប់ទាហានមីយ៉ានម៉ាមក៕