គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11554 នាក់

ម្សិលមិញ 9639 នាក់

សរុប 20701725 នាក់

បាតុករបង់ក្លាដែសប្រកាសមិនស្តាប់បញ្ជាអាជ្ញាធរ និងទាមទារបណ្តេញនាយករដ្ឋមន្ត្រីចេញពីតំណែង

21-September-2026 / ព័ត៌មានអន្តរជាតិ

នៅបង់ក្លាដែស យ៉ាងហោច មានបាតុករស្លាប់ ២៣ នាក់បន្ថែមទៀត ព្រោះតែរងការបង្ក្រាបហិង្សារបស់កងកម្លាំងសមត្ថកិច្ច។ ជាសរុប បាតុកម្មខ្លាំងជាង១ខែមកនេះ មានស្លាប់មនុស្សយ៉ាងតិច ២១៤ នាក់។ a bancladesh2

សម្ព័ន្ធសមគមនិស្សិតប្រឆាំងនឹងការរើសអើង ជា ក្រុមធំដឹកនាំបាតុករបង់ក្លាដែស បានប្រកាសធ្វើបាតុកម្មទូទាំងប្រទេស និងអំពាវនាវធ្វើសកម្មភាពប្រឆាំង ឈប់ស្តាប់បង្គាប់រដ្ឋាភិបាល ចាប់ពីថ្ងៃអាទិត្យនេះតទៅ។ លោក អាស៊ីហ្វ ម៉ះម៉ូដ អ្នកដឹកនាំ១រូបនៃក្រុមបាតុករបង់ក្លាដែស បានពន្យល់ថា សកម្មភាពមិនស្តាប់បង្គាប់រដ្ឋាភិបាលនេះ រួមមាន មិនត្រូវបង់ពន្ធ មិនបង់កម្រៃសេវាសាធារណៈ បំផុសឲ្យមន្ត្រីសាធារណៈចូលរួមធ្វើកូដកម្ម ឈប់ធ្វើការ ហើយនិងឲ្យធនាគារឈប់ផ្ញើលុយចេញក្រៅប្រទេស។ លោក អាស៊ីហ្វ ម៉ះម៉ូដ ក៏ជំរុញឲ្យក្រុមកម្មករកម្មការិនីរោងចក្រ ដែលជាប្រភពដង្ហើមសេដ្ឋកិច្ចមួយដ៏សំខាន់របស់បង់ក្លាដែស ឲ្យចូលរួមសកម្មភាពនេះ ឈប់ធ្វើការ និងនាំគ្នាធ្វើបាតុកម្ម កុំដេកសំងំនៅក្នុងផ្ទះ។

និយាយរួម សកម្មភាពទាំងអស់នេះ នឹងធ្វើឲ្យប្រទេសទាំងមូលជាប់គាំងលែងដំណើរការ។ ជាទូទៅ ចលនាបាតុកម្មមិនស្តាប់បញ្ជាអាជ្ញាធរនេះ ជាទម្រង់សម្តែងមតិ១ដ៏គួរឲ្យកត់សម្គាល់ ដើម្បីរំលំរដ្ឋអំណាច។ក្នុងសប្តាហ៍នេះ ជាការធ្វើសម្បទានខ្លះ រដ្ឋអំណាចបង់ក្លាដែស បានសម្រេចដោះលែងបាតុករវ័យក្មេង អនីតិជន ចំនួន៦នាក់។ បើទោះបីជាយ៉ាងនេះក្តី បាតុកម្មនៅតែបន្តពុះកញ្ជ្រោល ហើយនៅគ្រានេះ ក្រុមដឹកនាំបាតុកម្ម បានស្រែកទាមទារជាចំហតែម្តង ឲ្យលោកស្រីនាយករដ្ឋមន្ត្រី ឆេក ហាស៊ីណា ដែលកាន់អំណាច ១៥ឆ្នាំហើយនោះ ចុះចេញពីតំណែង និងត្រូវកាត់ទោសចំពោះការបង្ក្រាបសម្លាប់បាតុករអស់ជាច្រើន។

អ្នកតំណាងរដ្ឋាភិបាលបង់ក្លាដែស បានពន្យល់ជាផ្លូវការ ទៅកាន់អង្គការសហប្រជាជាតិ ថាការដែលអាជ្ញាធរបាញ់បង្ក្រាបបាតុករ ព្រោះតែកងកម្លាំងសមត្ថកិច្ចខំប្រឹងការពារអគារសាធារណៈ ដ្បិតថាបាតុករព្យាយាមបំផ្លាញសម្បត្តិសាធារណៈ។ ម្យ៉ាងទៀត រដ្ឋាភិបាល ក៏បានចោទប្រកាន់គណបក្សប្រឆាំង ថាញុះញង់នៅពីក្រោយក្រុមបាតុករ ជំរុញបំផុសអំពើហិង្សា។ ក្នុងអំលុងពេលបាតុកម្មជាច្រើនសប្តាហ៍មកនេះ សមត្ថកិច្ចបានចាប់ឃាត់ខ្លួនមេៗបក្សប្រឆាំងខ្លះ និងបានរំលាយគណបក្សប្រឆាំងទៀតផង។

បាតុកម្មនៅបង់ក្លាដែស បានផ្ទុះឡើងជាដំបូង ព្រោះតែច្បាប់ជ្រើសរើសមន្ត្រីរដ្ឋការ ដែលមានកំណត់កូតាពិសេសសម្រាប់កូនចៅមន្ត្រីអ្នកតស៊ូរំដោះជាតិ នាទសវត្សរ៍១៩៧០(ដល់ទៅ៣០ភាគរយ)។ សព្វថ្ងៃ ឥស្សរជនទាំងនោះជាមន្ត្រីចាស់ៗ និងមានអំណាច ក្នុងជួររដ្ឋាភិបាល។ ច្បាប់នេះរំលាយចោលកាលពីឆ្នាំ២០១៨ ហើយទើបតែត្រូវតុលាការអនុញ្ញាតឲ្យប្រើឡើងវិញ នៅខែមិថុនា។ នេះជាហេតុនាំឲ្យផ្ទុះកំហឹងបាតុករ ហើយបណ្តាលឲ្យមានហិង្សានិងការចាប់ឃុំខ្លួន។ បើតាមអង្គការសិទ្ធិមនុស្សនិងបណ្តាញកាសែតក្នុងស្រុកបង់ក្លាដែស, បាតុករ យ៉ាងហោច ជាង ១ ម៉ឺននាក់ត្រូវរដ្ឋអំណាច ចាប់ឃុំខ្លួន។ អង្គការមូលនិធិដើម្បីកុមារ យូនីសែហ្វ បញ្ជាក់ថា ក្នុងចំណោម អ្នកស្លាប់ជាង ២០០ នាក់ មានកូនក្មេង ក្មេងជំទង់ ចំនួន ៣២នាក់ បានស្លាប់បាត់បង់ជីវិត ក្នុងបាតុកម្ម៕ដកស្រង់ពីវិទ្យុបារាំង a bancladesh a bancladesh3