» ស្រីក្មេង​ស្រឡាញ់​ទូរ​សព្ទ​ជាង​ប្តី​សុខចិត្ត​ស្លាប់​! » អាមេរិក​ចាប់ខ្លួន​អតីត​ប្រធានាធិបតី​ប៉េ​រូ​បញ្ជូនមក​ប្រទេស​ដើម​វិញ​ពាក់​ព​ន្ធ័​រឿង​ពុករលួយ​ » ចៅហ្វាយខេត្ត​មាន​ស្រី​ត្រូវ​អស់តំណែង​លោកសង្ឃ​មាន​ស្រីក្មេង​ត្រូវគេ​ទុកអោយ​រាស្ត្រ​គោរពបូជា​?​ចម្លែក​មែន ខេត្តបន្ទាយមានជ័យ ? » ស្រី​ខេ​កម្ម​ការ​នី​អនាម័យ​ម្នាក់​សម្លេង​សមនិង​មាឌ​ធ្វើ​ឲ្យ​រញ្ជួយ​ឆាក​! » សន្និសីទកាសែត​ពី​រឿង​បង្ក្រាប​បទល្មើស​ព្រៃឈើ​នៅ​ថ្ងៃទី​១៨​កក្កដា​ » តាម​ទាន់​ប្តី​ស្រាត​នៅលើ​គ្រែ​ជាមួយ​សា​ហាយ​ប្តឹង​ប៉ូលិស​ឲ្យ​ចាប់ខ្លួន​និង​សុំ​សម្តេច​ហ៊ុនសែន​ដេញ​ចេញពី​តួនាទី​ជាម​ន្ត្រី​ » ស្គាល់​អត្តសញ្ញាណ​ម្ចាស់​រថយន្ត​រ៉ែ​ង​រ៉ូ​វឺ​បុក​ក្មេងស្រី សិស្សសាលា​ស្លាប់​នៅ​ត្បូងឃ្មុំ​ហើយចាំមើសមត្តកិច្ចគិតម៉េច? » រកឃើញ​សម្រាម​ផ្លា​ស្ទិ​ក​ដែ​ញ​ឈ្មួញ​លួច​នាំចូល​តាម​ផែ​សីហនុ​៨៣​កុ​តឺ​ណ​រ័​តែ​មិនទាន់​ដឹង​មុខ​ម្ចាស់​? » លោក​ផៃ​ស៊ី​ផាន​៖​សេចក្តីស្នើច្បាប់​រដ្ឋសភា​អាមេរិក​ចោទ​កម្ពុជា​ដោយ​គ្មាន​មូលដ្ឋាន​ច្បាស់លាស់​បង្ហាញ​តែម​ហិ​ច្ឆិ​តា​នយោបាយ​ជា​ប្រវត្តិ​ប្រឆាំងនឹង​រដ្ឋាភិបាល​កម្ពុជា​ » អ្នកមាន​ជម្ងឺ​បេះដូង​ប្រ​យ​ត្ន័​រឿង​ញាំ​ស៊ុត​បក្សីច្រើនលើសពីបីគ្រាប់១ថ្ងៃ​ » ប្រពន្ធ​កូន​កំំ​ព្រា​បាន​ប្តី​ធ្វើការ​នៅ​កូរ៉េ​ចិញ្ចឹម​អា​ឡូ​វ​ស្លាប់ចោល​ទៀត​ » សម្លេង​មធ្យម​តែ​សម្រស់​ចូ​វ​មុយ​អេង​ខ្ចូ​ត​ទាក់ទាញ​ហ្ម៉​ង​ » អគ្គនាយកដ្ឋាន​អន្តោប្រវេសន៍​រុះរើ​នាយកដ្ឋាន​ស៊ើបអង្កេត និង​អនុវត្ត​នីតិវិធី​ » ​អ្នកនេសាទ​សមុទ្ទអត់ពោងធ្លាក់ទឹកត្រូវបានទាហ៊ាន​ឧ​ត្ត​មនា​វី​ឯក ទៀ សុខា​ជួយទាន់! » នាយករដ្ឋមន្ត្រី​ដកយក​ដី​បឹង​ជើងឯក​វិញធ្វើឲ្យ​ក្រុមហ៊ុន​ឧកញ៉ា​អ៊ឹង​ប៊ុន​ហូ​វ​វណ្ឌក?

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4518 នាក់

ម្សិលមិញ 4755 នាក់

សរុប 2532183 នាក់

លោក​ដូ​ណា​ល់​ត្រាំ​ព្រួយ​ខ្លាច​ប្រទេស​អា​ហ្គា​និ​ស្ថាន​ក្លាយជា​មន្ទីរពិសោធន៍រ​បស់​ពួក​ភេរវជន បើ​គ្មាន​វត្តមាន​ទ័ព​អាមេរិក​

 


​អាហ្គានីស្ថាន​៖​កិច្ចចរចារ​រវាង​មន្ត្រី​តំណាង​ឲ្យ​ភាគី​អាមេរិក​និង​តា​លី​បង់ នៅក្នុង​ប្រទេស​អា​ហ្វ​ហ្គា​នី​ស្ថាន នៅក្នុង​ប្រទេស​កាតា ក្នុង​បំណង​បិទ​បញ្ចប់សង្គ្រាម​រយៈពេល​ជិត​១៨​ឆ្នាំ កំពុងតែ​រំកិល​ខ្លួន​ខិត​កាន់តែ​ជិត ទៅរក​កិច្ចព្រមព្រៀង​មួយ​ដែល​បើកផ្លូវ​ឲ្យ​មានការ​ដកទ័ព​អាមេរិក​ចេញពី​ប្រទេស​អា​ហ្វ​ហ្គា​នី​ស្ថាន​នៅ​ខែកញ្ញា​ខាងមុខ​ដែល​នាំទៅរក​ការបោះឆ្នោត​មួយ​។ ចំណែក​ពួក​តា​លី​បង់ នឹង​បញ្ឈប់​ការអនុញ្ញាត​ឲ្យ​ប្រើប្រាស់​ប្រទេស​អា​ហ្វ​ហ្គា​នី​ស្ថាន ជា​មូលដ្ឋាន​សម្រាប់​ប្រព្រឹត្ត​អំពើ​ភេរវកម្ម​តទៅទៀត ។ នេះ​បើតាម​ការអះអាង ដោយ​លោក Zalmay Khalilzad ប្រធាន​ក្រុម​ចរចា​តំណាង​ឲ្យ​អាមេរិក​។​a afguanistance 

ពួក​តា​លី​បង់​កន្លងមក តែងតែ​បដិសេធ​មិន​ព្រម​ជួបចរចា​ជាមួយ​មន្ត្រី​អា​ហ្វ​ហ្គា​នី​ស្ថាន​ឡើយ ព្រោះ​ពួកគេ​ចាត់ទុក​អា​ហ្វ​ហ្គា​នី​ស្ថាន ជា​អាយ៉ង​របស់​អាមេរិក​។ ប៉ុន្តែ​នៅក្នុង​កិច្ចខិតខំ​ប្រឹងប្រែង​មួយ ដើម្បី​ជំរុញ​ដល់​ការផ្សះផ្សា​អា​ហ្វ​ហ្គា​នី​ស្ថាន គណៈប្រតិភូ​មកពី​ប្រទេស​អា​ហ្វ​ហ្គា​នី​ស្ថាន​ចំនួន​៦០​រូប បាន​ជួប​ជាមួយ​ពួក​តា​លី​បង់អស់​រយៈពេល​ពីរ​ថ្ងៃ នៅ​ប្រទេស​កាតា​នា​ថ្ងៃអាទិត្យ​។

ជា​លទ្ធផល ភាគី​ទាំងពីរ បានចេញ​សេចក្តីថ្លែងការណ៍​រួមមួយ​កាលពី​ថ្ងៃ​ចន្ទ​ទី​៨​កក្កដា​ដោយ ភាគី​ទាំង​ពីរបាន​ប្តេជ្ញា គោរព​និង​ការពារ​សេចក្តីថ្លៃថ្នូ​ររ​ប​ស់មនុស្ស ជីវិត​មនុស្ស និង​ទ្រព្យសម្បត្តិ​របស់​ពួកគេ និង​កាត់បន្ថយ​ការស្លាប់​និង​របួស​ជន​ស៊ីវិល ឲ្យ​នៅ​កម្រិត​សូន្យ​។ ភាគី​ទាំងពីរ​បាន​សន្យា ធានា​នូវ​សុវត្ថិភាព​នៃ​ស្ថាប័ន​សាធារណៈ ដូចជា​សាលារៀន មន្ទីរពេទ្យ​និង​ផ្សារ​ផងដែរ​។​

​នៅក្នុង​បទសម្ភាសន៍​ជាមួយ​ទូរទស្សន៍​អាមេរិក Fox News នា​ចុង​សប្តាហ៍​កន្លងទៅ​លោក​ប្រធានាធិបតី​អាមេរិក​លោក​ដូ​ណា​ល់ ត្រាំ​បាន​ថ្លែងថា លោក​មានបំណង​ចង់​ដកទ័ព​អាមេរិក​ចេញពី​ប្រទេស​អា​ហ្វ​ហ្កា​នី​ស្ថាន​។ តែ​ក្នុងពេល​ជាមួយគ្នានេះ លោក​ត្រាំ​ក៏​បារម្ភ​ខ្លាច​ប្រទេស​អាស៊ី​កណ្តាល​មួយ​នេះ​ក្លាយជា​មន្ទីរពិសោធន៍រ​បស់​ពួក​ភេរវជន បើ​គ្មាន​វត្តមាន​ទ័ព​អាមេរិក​។ លោក​ត្រាំ​បាន​បញ្ជាក់ថា បើ​មានការ​សម្រេច​ដកទ័ព​អាមេរិក​ចេញពី​អា​ហ្វ​ហ្កា​នី​ស្ថាន​មែន លោក​នឹង​ពង្រឹង​បន្ថែម​នូវ​កម្លាំង​ចារកិច្ច​ជំនួស​វិញ​។

នៅក្នុង​បទសម្ភាសន៍​ដែល Fox News បាន​ថត​នៅ​ចុង​សប្តាហ៍ និង​ទើបបាន​ចាក់ផ្សាយ​នា​ថ្ងៃ​ចន្ទ ទី​១ កក្កដា លោក​ដូ​ណា​ល់ ត្រាំ​បាន​ប្រដូច​ប្រទេស​អា​ហ្វ​ហ្កា​នី​ស្ថាន​ទៅនឹង​សកល​វិទ្យាល័យ Harvard នៃ​ពួក​ភេរវជន​។ ទោះជា​យ៉ាងនេះ​ក្តី លោក​ត្រាំ​បាន​ធានាថា បើ​លោក​សម្រេច​ដកទ័ព​អាមេរិក​ចេញពី​អា​ហ្វ​ហ្កា​នី​ស្ថាន លោក​នឹង​ពង្រឹង​បន្ថែម​នូវ​កម្លាំង​ស៊ើបការណ៍​សម្ងាត់​ជំនួស​វិញ ពោល​មិនមែន​បោះបង់ចោល​អា​ហ្វ​ហ្កា​នី​ស្ថាន​ទាំងស្រុង​ទេ​។ ការ​ថ្លែង​យ៉ាង​ដូចនេះ​របស់លោក​ត្រាំ​បានធ្វើ​ឡើង មួយថ្ងៃ​មុន​ផ្ទុះ​អំពើ​ភេរវកម្ម​អត្តឃាត​ក្នុង​ទីក្រុង​កា​ប៊ូល ប្រទេស​អា​ហ្វ​ហ្កា​នី​ស្ថាន​នា​ថ្ងៃ​ចន្ទ ទី​១ កក្កដា​ដែល​បណ្តាល​ឲ្យ​មាន​មនុស្ស​ស្លាប់ ៦​នាក់ និង​របួស ១០៥​នាក់​ផ្សេងទៀត​។ ប្រទេស​អាល្លឺម៉ង់​បាន​ដើរតួនាទី​យ៉ាងសំខាន់​ក្នុង​ការគាំទ្រ​អន្តរជាតិ​សម្រាប់​រដ្ឋាភិបាល​អា​ហ្វ​ហ្កា​នី​ស្ថាន ហើយ​កាតា​បាន​ដើរតួនាទី​ជា​អ្នក​ទាក់ទង​ជាមួយ​ចលនា​ឧទ្ទាម​តា​លី​បង់​។

​សូមបញ្ជាក់ថា​អា​ហ្វ​ហ្កា​នី​ស្ថាន​បច្ចុប្បន្ន មាន​ទាហាន​សរុប ៣​សែន​នាក់ ដែល​ភាគច្រើន​មាន​បំពាក់អាវុធ​គ្រប់​ដៃ​។ ប្រាក់ខែ របស់​ពួកគេ បានមកពី​ជំនួយ​ហិរញ្ញវត្ថុ​អន្តរជាតិ ជាពិសេស​ពី​សហរដ្ឋអាមេរិក​ផ្ទាល់​។ ដូច្នេះ បើសិន​ជំនួយ​ហិរញ្ញវត្ថុ ឈានដល់​ទីបញ្ចប់ ក្នុងករណី​មាន​កិច្ចព្រមព្រៀង​សន្តិភាព​ជាមួយ ក្រុម​ឧទ្ទាម​តា​លី​បង់ នោះ​គឺ​ទាហាន​អា​ហ្វ​ហ្កា​នី​ស្ថាន​ខ្លួនឯង ដែល​នឹង​ក្លាយ​គ្រោះថ្នាក់ គំរាមកំហែង​ដល់​សន្តិសុខ​ជាតិ​របស់​អា​ហ្វ​ហ្កា​នី​ស្ថាន​វិញ​ម្តង​។ នេះ​ជាការ​ព្រមាន​របស់​មន្ត្រី​អាមេរិក ដែល​ទទួលបន្ទុក លើ​គម្រោងការ​ស្រោចស្រង់​ស្តារឡើងវិញ​ប្រទេស​អា​ហ្វ​ហ្កា​នី​ស្ថាន​។​
​គ្មាន​ជំនួយ​បរទេស ដែល​ជាទី​ពំនឹង​រហូតមក កងទ័ព​ប្រដាប់អាវុធ​អា​ហ្វ​ហ្កា​នី​ស្ថាន អាច​ក្លាយខ្លួនជា​គ្រោះថ្នាក់​គំរាមកំហែង​ទៅវិញ សម្រាប់​សន្តិសុខ​អា​ហ្វ​ហ្កា​នី​ស្ថាន​។​
​សូមបញ្ជាក់ថា នៅក្នុង​សង្គ្រាម ១៧​ឆ្នាំ នៅ​អា​ហ្វ​ហ្កា​នី​ស្ថាន អាមេរិក បាន​ចំណាយ​ទឹកប្រាក់​ប្រមាណ ៧៨០​ពាន់​លាន​ដុល្លារ ដែល​នៅ​ក្នុងនោះ ១៥​ភាគរយ ត្រូវបាន​ប្រើប្រាស់​សម្រាប់​ការកសាង អា​ហ្វ​ហ្កា​នី​ស្ថាន​ឡើងវិញ​។ នៅក្នុង​ទឹកប្រាក់​សម្រាប់​ស្តារ​ប្រទេស​ឡើងវិញ ទៀតសោត ៦៣​ភាគរយ ត្រូវ​ចាយ​ទៅលើ​ការបើក​ប្រាក់ខែ​របស់​ក​ង​ទ័ព កងកម្លាំង​រក្សា​សន្តិសុខ ហើយ​និង​ជាពិសេស​ទៅលើ​ការបណ្តុះបណ្តាល​ប៉ូលិស និង​ទាហាន​អា​ហ្វ​ហ្កា​នី​ស្ថាន ដែល​ត្រូវ​ធានា​រក្សា សន្តិសុខ នៅក្រោយ កងទ័ព​បរទេស​ដកចេញ​ទាំងស្រុង​ពី​អា​ហ្វ​ហា្ក​នី​ស្ថាន​។​

​ក្នុងករណី​គេ​រកឃើញ​កិច្ចព្រមព្រៀង​សន្តិភាព​នៅ​អា​ហ្វ​ហ្កា​នី​ស្ថាន ទាហាន​តា​លី​បង់ ប្រមាណ ៦​ម៉ឺន​នាក់ នឹង​ត្រូវធ្វើ​សមាហរណកម្ម ឲ្យ​ត្រលប់​ទៅ​រស់នៅក្នុង​សង្គម​អា​ហ្វ​ហ្កា​នី​ស្ថាន​ឡើងវិញ​។ បើសិន​ក្រុម​តា​លី​បង់​យល់ថា ខ្លួន​មិនបាន​ទទួល​ប្រយោជន៍ សេដ្ឋកិច្ច​ពី​កិច្ចព្រមព្រៀង​សន្តិភាព​ជាមួយ​អាមេរិក​ទេ នោះ ពួកគេ​អាច​នឹង​ត្រលប់​ទៅ​ប្រព្រឹត្ត​អំពើហិង្សា សាជាថ្មី បាន​យ៉ាង​ឆាប់​បំផុត​។ សម្រាប់​អធិការកិច្ច​អាមេរិក ទទួលបន្ទុក​ស្តារ​កសាង​អា​ហ្វ​ហ្កា​នី​ស្ថាន វា​សំខាន់​ណាស់​ដែល​ប្រទេស​ម្ចាស់ជំនួយ គិតគូរ​ល្អិតល្អន់​ពី អនាគត​របស់​អា​ហ្វ​ហ្កា​នី​ស្ថាន ទោះបីជា​គេ​រកបាន​កិច្ចព្រមព្រៀង​សន្តិភាព​ជាមួយ ពួក​ឧទ្ទាម​តា​លី​បង់​ក៏ដោយ​៕a trum iran1 a afgua1 a afguanistance