វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 340 នាក់
ម្សិលមិញ 5467 នាក់
សរុប 14159917 នាក់
ខេត្តកណ្ដាល៖ជនសង្ស័យសម្លាប់ស្ត្រីប្លន់យកទ្រព្យសម្បត្តិនៅស្រុកកណ្ដាលស្ទឹងត្រូវបានសមត្តកិច្ចវែកមុខរកឃើញហើយចាប់ខ្លួនបានហើយ នៅវេលាម៉ោង១១និង១០នាទីព្រឹកថ្ងៃទី១៧ ខែមករា ឆ្នាំ២០១៩ នៅចំណុចផ្ទះបងថ្លៃជនសង្ស័យ ស្ថិតក្នុងភូមិកំពង់សំរោង ឃុំស្រយ៉ូវ ស្រុកស្ទឹងសែន ខេត្តកំពង់ធំ ។
មន្ត្រីនគរបាលការិយាល័យព្រហ្មទណ្ឌកម្រិតធ្ងន់ នគរបាលខេត្តកណ្ដាលបានឲ្យដឹងថា៖ ឃាតករសម្លាប់ស្ត្រីប្លន់យកទ្រព្យសម្បត្តិឈ្មោះ សុខ ចាន់ថា ភេទស្រី អាយុ៣៩ឆ្នាំ មុខរបរមេផ្ទះ មានទីលំនៅ ភូមិបឹង ឃុំរកា ស្រុកកណ្ដាលស្ទឹង ខេត្តកណ្ដាល ។
សូមរំលឹកថា ស្ត្រីរងគ្រោះមានឈ្មោះ ឈុន ទូ អាយុ៥៦ឆ្នាំ មុខរបរ មេផ្ទះស្នាក់នៅភូមិបឹង ឃុំរកា ស្រុកកណ្ដាលស្ទឹង ខេត្តកណ្ដាលត្រូវបានឃាតសម្លាប់យកទ្រព្យសម្បត្តិ អស់ជិត៣ម៉ឺនដុល្លារ កាលពីវេលាម៉ោង៥ល្ងាចថ្ងៃទី១៤ ខែមករា ឆ្នាំ២០១៩ ដែលមានទីតាំងស្ថិតនៅភូមិបឹង ឃុំរកា ស្រុកកណ្ដាលស្ទឹង ខេត្តកណ្ដាល ។ នគរបាលខេត្តកណ្ដាលបានធ្វើការស៊ើបអង្កេត រហូតកំណត់មុខសញ្ញាជនសង្ស័យបានយ៉ាងច្បាស់ និងដឹងថា ជនសង្ស័យបានព្យាយាមគេចខ្លួនដោយរស់នៅក្នុងមូលដ្ឋានខេត្ដកំពង់ធំ ទើបសហការជាមួយកម្លាំងនគរបាលខត្ដកំពង់ធំ រួចធ្វើការចាប់ខ្លួនជនសង្ស័យយកមកស្នងការដ្ឋាននគរបាលខេត្ដកណ្ដាលដើម្បីធ្វើការសាកសួរ ។
ជនសង្ស័យសារភាពថា ខ្លួនពិតជាបានធ្វើសកម្មភាពសម្លាប់ស្ដ្រីរងគ្រោះពិតប្រាកដមែន ដោយខ្លួនបានយកខ្សែអង្រឹងប្រវែងប្រហែលមួយម៉ែត្រដែលបានត្រៀមទុកក្នុងហោប៉ៅខោ ពីផ្ទះ យកមករួចជាស្រេច ទាក់រឹតកស្ដ្រីរងគ្រោះពីក្រោយ ខណៈដែលមកលេងផ្ទះស្ដ្រីរងគ្រោះដើម្បីមើលកំរាលពូកនៅក្នុងបន្ទប់ នៅវេលាម៉ោងប្រហែលប្រមាណ១១ រួចដោះយកខ្សែកមាស ខ្សែដៃមាស ពីជនរងគ្រោះ នឹងបើកយកលុយពីក្នុងកាបូខ្មៅដាក់ក្នុងទូរជ័រ បានប្រាក់ ដុល្លារចំនួន ៦៣២សហរដ្ឋអាមេរិក និងប្រាក់រៀលចំនួន ៤៦០,០០០រៀល រួចរត់គេចខ្លួនចេញតាមទ្វារក្រោយ ផ្លោះរបងលួសខាងត្បូងផ្ទះជនរងគ្រោះសំដៅទៅផ្ទះយាយនី ស្ថិតក្នុងភូមិគ ឃុំព្រះនិពាន្ដ ស្រុកគងពិសី ខេត្តកំពង់ស្ពឺ រហូតម៉ោង ប្រហែលជាង៦ល្ងាច ទើបត្រឡប់មកផ្ទះវិញ ។
លុះដល់ថ្ងៃទី១៦ ខែមករា ឆ្នាំ២០១៩ វេលាម៉ោងប្រហែល ៥និង៣០នាទីព្រឹក ស្ដ្រីសង្ស័យបាននាំប្ដី និងកូន ប្រុស៣នាក់ទៀតជិះម៉ូតូ រួចធ្វើដំណើរមកបេនឡាននៅភ្នំពេញជិះឡានឈ្នួលដឹកម៉ូតូមកផ្ទះបងថ្លៃ នៅខេត្តកំពង់ធំ ដល់វេលាម៉ោងប្រហែលជាង៣រសៀល រួចសម្រាកមួយយប់ ទើបព្រឹកឡើងថ្ងៃទី១៧ សមត្ថកិច្ចធ្វើការឃាត់ខ្លួនបញ្ជូនទៅស្នងការដ្ឋាននគរបាលខេត្តកណ្ដាល ។
មូលហេតុដែលខ្លួនសម្លាប់ជនរងគ្រោះដើម្បីប្លន់យកទ្រព្យសម្បត្តិ ដោយសារតែខ្លួនជំពាក់ប្រាក់ធនាគារ និងអ្នកក្នុងភូមិសរុបជាង៤ពាន់ដុល្លារសហរដ្ឋអាមេរិក ទើខ្លួនបែកគំនិតធ្វើរឿងបែបនេះ ៕