វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5114 នាក់
ម្សិលមិញ 5304 នាក់
សរុប 14144640 នាក់
ខេត្តឧត្តរមានជ័យ : កាលពីថ្ងៃទី ៤ ខែ មីនា ឆ្នាំ២០២៤ វេលាម៉ោងប្រហែល ២០ និង២០នាទី មានកើតករណី ឃា តកម្មចាក់សម្លាប់មនុស្សនៅចំណុចក្នុងប្រឡាយ ស្របតាមបណ្ដោយផ្លូវលេខ១ ស្ថិតក្នុងភូមិដើមជ្រៃ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។
ករណីនេះ បង្ក ឡើងដោយជនសង្ស័យ ឈ្មោះ ឈឿន កុម្ភ: ភេទស្រី អាយុ ២៧ឆ្នាំ មានទីលំនៅភូមិដើមជ្រៃ សង្កាត់អូរស្មាច់ ក្រុងសំរោង ខេត្តឧត្តរមានជ័យ បានធ្វើសកម្មភាពយកកាំបិតចុ ងស្រួចចា ក់កាប់ និងអា ,ករ ជនរងគ្រោះឈ្មោះ ហឹ សុវណ្ណ ចរិយា (ហៅ អឿន) ភេទស្រី អាយុ ៤១ឆ្នាំ ដែលបច្ចុប្បន្ន ស្នាក់នៅបន្ទប់ជួលក្នុងបរិវេណផ្សារថ្ម ស្ថិតក្នុងភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ មុខរបរ ជាបុគ្គលិកក្រុមហ៊ុនអូរស្មាច់រីសត ( បណ្ដាលឱ្យស្លា,ប់នៅហ្នឹងកន្លែងកើត ហេតុ ) ។
ផ្អែកលើរបាយការណ៍ កំណត់ហេតុ នៃការចុះធ្វើប្រតិបត្តិការ ស៊ើបអង្កេតស្រាវជ្រាវ ខាងលើនេះ មន្ត្រីនគរបាលរដ្ឋបាលសង្កាត់ អូរស្មាច់ បានបញ្ជាក់ប្រាប់ភ្នាក់ ងារ មាតុភូមិ ថា : ក្រោយពីទទួលបានព័ត៌មានភ្លាមៗ អំពីករណីឃាតក ម្មនេះភ្លាម កម្លាំងជំនាញ និងកម្លាំងប៉ុស្តិ៍នគរបាលរដ្ឋបាលអូរស្មាច់ដឹកនាំដោយ លោក អនុសេនីយ៍ឯក អ៊ុជ ប៊ុនអ៊ុយ នាយប៉យស្តិរដ្ឋបាលសង្កាត់អូរស្មាច់ នៃអធិការដ្ឋាននគរបាលក្រុងសំរោង ដែលមាន លោកវរ:សេនីយ៍ឯក ហម ភិរម្យ អធិការនគរបាលក្រុងសំរោង ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ហ៊ួត វុទ្ធី ស្នងការនគរបាលខេត្តឧត្តរមានជ័យ បានសហការជាមួយកម្លាំងផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្ត ចុះទៅដល់ទីកន្លែងកើតហេតុខាងលើ ដើម្បីធ្វើការត្រួតពិនិត្យ និងស្រាវជ្រាវ រហូតឈានទៅដល់ការឃាត់ខ្លួនជនសង្ស័យបាន នៅក្នុងមន្ទីរពេទ្យស្រុកកាប់ឈើង ខេត្តសុរិន្ទ ប្រទេសថៃ រួចនាំយកមកកាន់ប៉ុស្តិ៍នគរ បាលរដ្ឋបាលអូរស្មាច់ ដើម្បីធ្វើការសាក សួរ និងកសាងសំណុំរឿងតាមនីតិវិធី ។
ជនសង្ស័យឈ្មោះ ឈឿន កុម្ភៈ បានឆ្លើយសារភាពថា៖ រូបខ្លួនពិតជាបានធ្វើសកម្ម ភាពយកកូនកាំបិតមានចុងស្រួចចា ក់ កា ប់ និងអា ក រ ជនរងគ្រោះរហូតដល់ស្លា ប់ពិតប្រាកដមែន ហើយបន្ទាប់ពីបានធ្វើសកម្មភាពរួច រូបគេបានប្រមូលយក ទូរសព្ទ និងប្រាក់កាសមួយចំនួន ដែលជារបស់ជនរងគ្រោះខាងលើ រត់គេចខ្លួនទៅសម្រាកនៅក្នុងមន្ទីរពេទ្យស្រុកកាប់ឆើង ប្រទេសថៃ ផងដែរ ។ ជនសង្ស័យបាន បញ្ជាក់ថា : ដោយសាររូបគេជំពាក់ប្រាក់ ជនរគ្រោះ និងស្អប់ជនរងគ្រោះមានសម្ដីអាក្រក់មកលើខ្លួន ។ បច្ចុប្បន្ន សមត្ថកិច្ច កំពុងកសាងសំណុំរឿង បំពេញបែបបទ នីតិវិធី បញ្ជូនជនសង្ស័យទៅចាត់ការផ្តន្ទាទោសបន្តតាមផ្លូវច្បាប់ ៕ ដោយ: សុផល