វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1081 នាក់
ម្សិលមិញ 5168 នាក់
សរុប 16013215 នាក់
ភ្នំពេញ៖ករណីបាញ់សម្លាប់ទៅលើជនរងគ្រោះឈ្មោះ គង់ សុត ភេទប្រុស អាយុ៤៣ឆ្នាំ ជនជាតិខ្មែរ មុខរបរ អង្គរក្ស នាវេលាម៉ោង ១រសៀល ថ្ងៃទី៥ ខែកក្កដា ឆ្នាំ២០២២នេះ នៅចំណុចផ្ទះលេខ ៣៨ ផ្លូវ៣២២ ភូមិ៨ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញមកដល់ថ្ងៃទី០៦ ខែកក្កដា ឆ្នាំ២០២២ កម្លាំងជំនាញនាយកដ្ឋាននគរបាលព្រហ្មទណ្ឌ បានសហការជាមួយស្នងការដ្ឋាននគរបាលរាជធានីភ្នំពេញ និងស្នងការដ្ឋាននគរបាលខេត្តកណ្ដាល ធ្វើការបង្ក្រាបបានហើយ។
ជនល្មើសឈ្មោះ អ៊ូ សូភី ភេទប្រុស អាយុ៣៨ឆ្នាំ ជនជាតិខ្មែរ (ជនដៃដល់)ត្រុវបាននគរបាលព្រហ្មទណ្ឌ័ចាប់បាន នៅចំណុចភូមិសំប៉ានលើ ឃុំព្រែកអំបិល ស្រុកស្អាង ខេត្តកណ្ដាល និងបានដកហូតអាវុធខ្លី១ដើម ម៉ាក STEYR .M ពណ៌ខ្មៅ លេខ 4307 និងបង់ចំនួន01។ប្រតិបត្តិការនេះកម្លាំងនគរបាលនាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន អនុប្រធាននាយកដ្ឋាន និងលោកវរសេនីយ៍ឯក ហែម បូណា នាយការិយាល័យព្រហ្មទណ្ឌកម្រិតធ្ងន់ នៃនាយកដ្ឋាននគរបាលព្រហ្មទណ្ឌ។
ករណីបាញ់ប្រហារគ្នាឯងនេះបាន កាលពីវេលាម៉ោង ១រសៀលថ្ងៃទី៥ ខែកក្កដា ឆ្នាំ២០២២ នៅក្នុងផ្ទះវីឡាលេខ៣៨ តាមបណ្ដោយផ្លូវលេខ៣២២ ក្នុងមូលដ្ឋានសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ បណ្ដាលឲ្យបុរសម្នាក់ស្លាប់ភ្លាមៗនៅកន្លែងកើតហេតុ។ជនរងគ្រោះស្លាប់មានឈ្មោះ គង់ វិសុត អាយុ៤៣ឆ្នាំ អ្នកបើកបររថយន្តឲ្យម្ចាស់ផ្ទះកើតហេតុ ស្នាក់នៅផ្ទះកើតហេតុ ផ្ទះលេខ៣៨ តាមបណ្ដោយផ្លូវលេខ៣២២ ក្នុងមូលដ្ឋានសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានបញ្ចាក់ថា បុរសទាំង២នាក់ មិនដឹងជាមានជម្លោះនឹងគ្នាតាំងពីពេលណានោះទេ ស្រាប់តែថ្ងៃកើតហេតុខណៈបុរសរងគ្រោះអង្គុយនៅតូបយាមជាប់ទ្វារផ្ទះ មានខ្មាន់កាំភ្លើងបានជិះម៉ូតូ ១គ្រឿង ម៉ាកPCX ពណ៌ស បានចូលមកផ្ទះ រួចដកកាំភ្លើងបាញ់យកតែម្ដង បណ្ដាលឲ្យជនរងគ្រោះស្លាប់ភ្លាមៗនៅក្នុងតូបយាមអង្គុយលើកៅអី។ ភ្លាមៗនោះបុរសដៃដល់ធ្វើសកម្មភាពរួចជិះម៉ូតូគេចខ្លួនចេញតែម្ដង។រឿងឃាំតកម្មមួយនេះប្រសិនបើចង់ឲ្យជ្រះស្រឡះវាមិនត្រូវបានបញ្ចប់ត្រឹមការចាប់ខ្លួនមកផ្តន្ទាទោសនោះទេគឺសមត្តកិច្ចត្រូវរកឬសគល់ថាតើចននេះនេះនៅអង្ភភាបប្រដាប់អាវុធណា។តែបើមិនមនាទេត្រូវរកមូលហេតុថាហេតុអីមានអាវុធកាន់ប្រើប្រាសអ្នកណាចេញឲ្យប្រើ?។