វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3498 នាក់
ម្សិលមិញ 5544 នាក់
សរុប 13944595 នាក់
ភ្នំពេញ៖លោក យ៉ង់ សាំងកុមារត្រូវបានតំណាងគណបក្សប្រជាធិបតេយ្យមូលដ្ឋាន (GDP) ជ្រើសធ្វើជាបេក្ខភាពនាយករដ្ឋមន្ត្រីរបស់គណបក្សសម្រាប់ការចូលរួមបោះឆ្នោតជាតិនាថ្ងៃទី ២៩ ខែ កក្កដាខាងមុខ។ ក្នុងសមាជនាថ្ងៃព្រឹកថ្ងៃទី ១០ ខែ មិថុនានេះ នៅទីស្នាក់ការបក្សប្រជាធិបតេយ្យមូលដ្ឋានលោក យ៉ង់ សាំងកុមារអតិតប្រធានអង្គការសេដាក់ជាបេក្ខជនម្នាក់ក្នុងចំណោមបេក្ខភាពចំនួន ៣រូប
ដែលមានលោក សាម អ៊ីន អគ្គលេខាធិការបក្ស លោក យ៉ង់ សាំងកុមារប្រធានគណៈកម្មាធិការនាយក និង លោក ឃុន សាវឿនសម្រាប់ការជ្រើសរើសដំណែងបេក្ខភាពនាយករដ្ឋមន្ត្រី ។
សំឡេងគាំទ្របេក្ខជនលោក យ៉ង សាំងកុមារ គឺ១២៧សំឡេងលើ១៤៦សំឡេងឆ្នោត។ បេក្ខជន បណ្ឌិត សាម អ៊ិន ទទួលបានតែ១២សំឡេង និងបេក្ខជន ឃុន សាវឿន ទទួលបានចំនួន៧សំឡេង ។ក្រោយពីទទួលបានការគាំទ្រឲ្យក្លាយជាបេក្ខជននាយករដ្ឋមន្ត្រីនោះ លោក យ៉ង សាំងកុមារ បានថ្លែងថា បើសិនគណបក្សលោកឈ្នះឆ្នោត នាយករដ្ឋមន្ត្រីនៃគណបក្សប្រជាធិបតេយ្យមូលដ្ឋាន មិនធ្វើឲ្យតំណាងកោតខ្លាចដូចគណបក្សខ្លះនោះទេ។ មានន័យថា តំណាងរាស្ត្ររបស់គណបក្សថ្មីនេះ គឺមានអំណាចខ្លាំងជាងនាយករដ្ឋមន្ត្រី។
គណបក្សប្រជាធិបតេយ្យមូលដ្ឋាន(GDP)ដែលមានលេខរៀងទី៧ បានសម្រេចចូលរួមប្រកួតប្រជែងក្នុងការបោះឆ្នោត នៅថ្ងៃទី ២៩ ខែកក្កដាខាងមុខនេះ ដោយសង្ឃឹមថានឹងទទួលបានអាសនៈនៅក្នុងសភាក្នុងចំណោមគណបក្សចំនួន២០។សូមបញ្ជាក់ថាក្នុងចំណោមគណបក្សនយោបាយទាំង២០ដែលចូលរួមឲ្យគេបោះឆ្នោតឲ្យននាថ្ងៃទី២៩កក្កដាខាងមុខមានមេគណបក្សចំនួន៥មិនបានដាក់ឈ្មោះឈរជាបេក្ខជនតំណាងរាស្ត្រឡើយមានន័យថាគេបានបោះបង់ចោលបំណងចង់ធ្វើជានាយករដ្ឋមន្ត្រី។
មេបក្សទាំងនោះរួមមាន៖លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ។ លោក ក្រវ៉ាញ ដារ៉ន ប្រធានគណបក្សខ្មែរឈប់ក្រ ។លោក លន់ រិទ្ធ ប្រធានគណបក្សខ្មែរសាធារណរដ្ឋ។ លោក សុខសុវណ្ណ វឌ្ឍនាសាប៊ុង( មានរហស្ស័នាមវីល្លៀម)ប្រធានគណបក្សខ្មែរក្រោក និងលោកស្រី សុខ រ័ត្នសុវណ្ណបច្ចៈសីលា ប្រធានគណបក្សសាធារណរដ្ឋប្រជាធិបតេយ្យមិនបានដាក់ឈ្មោះឈរជាតំណាងរាស្ត្រនោះឲ្យគេបោះឆ្នោតឲ្យនាថ្ងៃទី២៩ក្កកដាឆ្នាំ២០១៨ឡើយ។