រាជរដ្ឋាភិបាលកម្ពុជាប្រកាសជំហរប្តេជ្ញាអនុវត្តន៍កិច្ចព្រមព្រៀងGBCថ្ងៃ២៧ធ្នូបន្ទាប់ពីថៃទាឲ្យដោះស្រាយទ្វេភាគីនិងតាមផែនទីមាត្រាដ្ឋាន១លើ៥ម៉ឺន

ភ្នំពេញ៖អ្នកនាំពាក្យរាជរដ្ឋាភិបាល នៅព្រឹកថ្ងៃទី២មករាបានចេញមកបញ្ជាក់ឡើងវិញអំពីស្ថានការណ៍ដែលបាននិងកំពុងវិវឌ្ឍន៍ និងការងារដែលភាគីទាំងពីរ(កម្ពុជាថៃ)បានព្រមព្រៀងគ្នានិងត្រូវអនុវត្តដើម្បីដោះស្រាយបញ្ហាចំពោះមុខដែលកំពុងប្រឈម!.។ 

លោកប៉ែនបូណាអ្នកនាំពាក្យរាជរដ្ឋាភិបាលបានឲ្យបញ្ជាក់ថា:ខ្លឹមសារនៃសេចក្តីប្រកាសរួមនៃកិច្ចប្រជុំពិសេសលើកទី៣របស់គណៈកម្មាធិការព្រំដែនទូទៅ (GBC) រវាងកម្ពុជា និងថៃ ចុះថ្ងៃទី២៧ ខែធ្នូ ឆ្នាំ២០២៥ ត្រង់ចំណុចទី៣ដែលចែងថា ភាគីទាំងពីរឯកភាពគ្នាថា រាល់ការព្រមព្រៀងក្រោមសេចក្តីប្រកាសរួមនេះមិនត្រូវធ្វើឱ្យប៉ះពាល់ដល់ការខ័ណ្ឌសីមាព្រំដែន និងព្រំដែនអន្តរជាតិរវាងប្រទេសទាំងពីរនោះទេ។

ភាគីទាំងពីរឯកភាពគ្នាប្រគល់តួនាទីឱ្យគណៈកម្មការចំរុះព្រំដែនបន្តអនុវត្តការងារវាស់វែង និងខ័ណ្ឌសីមាព្រំដែនឱ្យបានឆាប់រហ័សបំផុត ស្របតាមកិច្ចព្រមព្រៀងដែលមានស្រាប់រវាងប្រទេសទាំងពីរដើម្បីសម្រេចបាននូវសន្តិភាពយូរអង្វែងតាមបណ្តោយព្រំដែន។

ភាគីទាំងពីរឯកភាពគ្នាថា នឹងប្រើប្រាស់យន្តការដែលមានស្រាប់នៃគណៈកម្មការចំរុះព្រំដែនដើម្បីធានាសុវត្ថិភាព និងសន្តិសុខរបស់ក្រុមការងារវាស់វែងចំរុះនៅលើទីតាំងជាក់ស្តែងដោយរាប់បញ្ចូលទាំងសុវត្ថិភាពពីការជាន់មីន។

ភាគីទាំងពីរឯកភាពគ្នាថា គណៈកម្មការចំរុះព្រំដែននឹងផ្តល់អាទិភាពខ្ពស់បំផុតចំពោះការងារវាស់វែងនិងខ័ណ្ឌសីមាព្រំដែននៅតំបន់រងផលប៉ះពាល់ដែលមានជនស៊ីវិលរស់នៅ។ នេះគឺជាខ្លឹមសារដែលមានចែងក្នុងសេចក្តីប្រកាសរួមថ្ងៃទី២៧ ខែធ្នូ ឆ្នាំ២០២៥។

ឥឡូវនេះ ខ្ញុំ(ប៉ែនបូណា)សូមបញ្ជាក់ពីជំហររបស់កម្ពុជា៖កម្ពុជាប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះបង្គោលព្រំដែនរបស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នានាពេលកន្លងមក។

កម្ពុជាមិនទទួលស្គាល់នូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ។ហើយសកម្មភាពណាដែលប្រព្រឹត្តខុសពីការឯកភាពគ្នានៅក្នុងសេចក្តីប្រកាសរួមកាលពីថ្ងៃទី២៧ ខែធ្នូ និងកិច្ចព្រមព្រៀងដែលមានកន្លងមកគឺជាសកម្មភាពខុសច្បាប់ និងរំលោភបំពានលើកិច្ចព្រមព្រៀងស្តីពីបទឈប់បាញ់។

លោកប៉ែនបូណាសង្កត់ធ្ងន់ថា៖ចង់បញ្ជាក់ជូនជនរួមជាតិយើងថា អ្វីដែលយើងបានឃើញនៅកន្លែងមួយចំនួនតាមបណ្តោយព្រំដែន មិនមែនជាព្រំដែនអន្តរជាតិរវាងប្រទេសទាំងពីរទេ។ សូមរង់ចាំក្រុមការងារជំនាញ ប្រទេសទាំងពីរចុះវាស់វែងសិននោះទើបជាខ្សែបន្ទាត់ព្រំដែនអន្តរជាតិពិតប្រាកដរវាងប្រទេសទាំងពីរ។

សូមបញ្ជាក់ថាកាលពីថ្ងៃទី៣១ធ្នូក្រុមប្រឹក្សាសន្តិសុខជាតិថៃបានចេញសេចក្តីថ្លែងការណ៍មួយដែលក្នុងនោះមានខ្លឹមសារសំខាន់បញ្ជាក់ថាការដោះស្រាយបញ្ហាព្រុំដែនជាមួយកម្ណុជាគឺប្រើយន្តការទ្វេភាគីគឺតាមJBCដោយមិនមានភាគីផ្សេង។ការកំណត់ព្រុំដែនគឺតាមផែនទី១លើក៥០ពាន់!។តាំងពីមានកិច្ចព្រមព្រៀងឈប់បាញ់ថ្ងៃទី២៧ធ្នូមកដល់ថ្ងៃនេះសង្គ្រាម២០ថ្ងៃយោធាថៃបានចូលមកគ្រប់គ្រងកាន់កាប់ទឹកដីរាប់ទាំងផ្ទះសម្បែងប្រជាជនកន្លែងធ្វើការរដ្ឋនិងវត្តអារាមព្រះសង្ឃជាច្រើនកន្លែងនិងច្រើនទីតាំង។ប្រជាពលរដ្ឋភៀសសឹកប្រមាណ៥០ម៉ឺននាក់មិនទនា់អាចវឹលចូលផ្ទះសម្បែងវិញបាននៅឡើយ។