គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11143 នាក់

ម្សិលមិញ 9639 នាក់

សរុប 20701314 នាក់

សម្តេចតេជោប្រគល់ភារកីច្ចឲ្យរដ្ឋមន្ត្រីការពារជាតិពង្រាយទព័និងហៅរង្ស៊ីឲ្យចូលស្រុកឆាប់

21-September-2026 / ផ្សេងៗ

ភ្នំពេញ៖ សម្ដេចតេជោ ហ៊ុន សែននាយករដ្ឋមន្ត្រី នៅថ្ងៃទី០៧ ខែតុលា ឆ្នាំ២០១៩នេះជាមួយនិងការប្រកាសពង្រាយទព័ បានប្រកាសហៅក្រុមឧទ្ទាមក្រៅច្បាប់ ដែលដឹកនាំដោយទណ្ឌិត សម រង្ស៉ី ដែលមានបំណងចង់ផ្ដួលរំលំរាជរដ្ឋាភិបាលស្របច្បាប់ ឲ្យមកស្រុកខ្មែរកាន់តែលឿនកាន់តែល្អ ព្រោះកុំចាំដល់ថ្ងៃទី០៩ ខែវិច្ឆិកា ឆ្នាំ២០១៩ ដោយសារនៅយូរទៀត។ a hun sy2

ក្នុងឱកាសជួបសំណេះសំណាល ជាមួយសិស្សនិទ្ទេស A ឆ្នាំ២០១៩ ទូទាំងប្រទេស ៤៤៣នាក់និងមានការចូលរួមពីអាណាព្យាបាលសិស្ស និងលោកគ្រូតំណាងសាលារបស់សិស្សឆ្នើមទាំងនោះផងដែរសម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «ថ្ងៃ៩ វិច្ឆិកា ជាបុណ្យឯករាជ្យជាតិ ហើយក៏ជាថ្ងៃកំណើតកងយោធពលខេមរភូមិន្ទដែរ មិនសមបើគេយកថ្ងៃនេះ ធ្វើជាថ្ងៃផ្ដួលរំលំរាជរដ្ឋាភិបាលស្របច្បាប់ ចាប់នាយករដ្ឋមន្ដ្រី [...] អញ្ជើញមកហែង អញ្ជើញឲ្យលឿនមក ហែងកុំចាំដល់ណុង ហែងមកមុនមកល្អ»។

សម្ដេចតេជោនាយករដ្ឋមន្ដ្រី ឌឺដងទៅលោក សម រង្ស៉ី ត្រូវរៀនស្វែងយល់ឲ្យបានច្បាស់ចំពោះអត្ថន័យ គោរមងាជា «តេជោ» របស់សម្ដេច ដែលត្រូវព្រះមហាក្សត្រប្រទានឲ្យ មុននឹងសម្រេចចិត្តថាចង់មកផ្ដួលរំលំ ដូចអ្វីដែលខ្លួនកំពុងតែភូតភរគេឯងនោះ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាឱ្យកងទ័ពទាំងអស់ ត្រៀមកម្ចាត់ក្រុមឧទ្ទាមរបស់ សម សម រង្ស៉ី ដែលនឹងមកធ្វើរដ្ឋប្រហារ នៅថ្ងៃទី០៩ ខែវិច្ឆិកា ឆ្នាំ២០១៩ ដោយសារតែទង្វើរបស់ទណ្ឌិត សម រង្ស៉ី បានឆ្លងផុតបន្ទាត់ក្រហម៖ «មេឧទ្ទាម មិនចាំបាច់និយាយទេ អាហ្នឹងភារកិច្ចរបស់ ទៀ បាញ់ ព្រោះឆ្លងផុតបន្ទាត់ក្រហមហើយ ការប្រមាថព្រះមហាក្សត្រ មិនមែនជារឿងធម្មតាពេកទេ ប្រើពាក្យប្រមាថព្រះមហាក្សត្រសុទ្ធតែ «វា» ហើយឱ្យព្រះមហាក្សត្រទៅធ្វើជាស្តេចល្ងោន ឱ្យព្រះមហាក្សត្រដាក់រាជ្យទៅ វាព្រហើនហួស អញ្ចឹងគោលដៅរបស់វាមិនមែនត្រឹមតែដកហ៊ុន សែន ទេ ដកព្រះមហាក្សត្រចេញ»។

ទោះជាយ៉ាងណា សម្ដេចតេជោ ហ៊ុន សែន ក៏បានបង្ហាញនូវការងឿងឆ្ងល់ថា តើក្រុមឧទ្ទាមទាំងអស់នោះ មកប្រទេសកម្ពុជាតាមច្រកណា ដើម្បីចាប់សម្ដេច? «ហើយខ្ញុំក៏ចេះតែមិនដឹងថា តើវាមកតាមផ្លូវណា? ហើយសុទ្ធតែមនុស្សរាប់លាននាក់ អាហ្នឹងវាមកតាមណា វាថាដឹកពីកូរ៉េផង ដឹកពីថៃផង តែបើពីកូរ៉េទាល់តែយន្ដហោះ៥០០គ្រឿងអី ងងឹងមេឃរកកន្លែងចុះមិនបាន។ ហើយនៅថៃគិតថាកម្មករ គាំទ្រទាំងអស់ឬយ៉ាងមិច មកថៃមកខុសកន្លែងក្រែងត្រូវមីនងាប់ទៀត ដោះមីនអត់ទាន់អស់ទេ នៅតាមព្រំដែនកម្ពុជា-ថៃ»។

គួរជម្រាបថា ជាមួយគម្រោងនៃការវិលត្រឡប់ចូលស្រុក នៅថ្ងៃទី០៩ ខែវិច្ឆិកា ឆ្នាំ២០១៩ខាងមុនេះ របស់ឧក្រិដ្ឋជន សម រង្ស៉ី, សម្ដេចតេជោ ហ៊ុន សែន ក៏បានប្រកាសឲ្យប្រជាពលរដ្ឋទាំងអស់ ត្រូវរៀបចំពិធីទទួលទានអំបុកខ្មែរ នៅទូទាំងប្រទេសកម្ពុជា ក្នុងគោលបំណងការពារជាតិ សាសនា ព្រះមហាក្សត្រ៕
សម្តេចតេជោ ហ៊ុន សែន បានព្រមានដល់អ្នកដែលចូលរួមជាមួយផែនការទណ្ឌិត សម រង្ស៉ី ដែលក្នុងនោះក៏មានអ្នកចូលរួមក្នុងយុទ្ធនាការម្រាមដៃ៩ផងដែរ។ សម្តេចថ្លែងថា៖ «បើជ្រុលក្លាហានអញ្ចឹង កាត់ម្រាមដៃ១ក្រវាត់ចោលទៅតែម្តងទៅ»។ a hun sy a hun sy1