វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1195 នាក់
ម្សិលមិញ 6359 នាក់
សរុប 14087828 នាក់
សេអ៊ូល៖ កងទ័ពជើងអាកាសចិន កំពុងធ្វើការរៀបចំបញ្ជូនកងយន្តហោះចម្បាំងរបស់ខ្លួន ឲ្យទៅបំពេញបេសកកម្មអមដំណើរប្រមុខដឹកនាំកំពូលកូរ៉េខាងជើង លោក គីម ជុងអ៊ុន ទៅចូលរួមកិច្ចប្រជុំនៅសិង្ហបុរី ដើម្បីជួបជាមួយប្រធានាធិបតីអាមេរិកលោក ដូណាល់ ត្រាំ ។ នេះបើតាមប្រភពពីមន្ត្រីក្នុងជួរយោធាកូរ៉េខាងត្បូង ដកស្រង់សម្តីដោយសារព័ត៌មានរុស្ស៊ី Sputnik នៅព្រឹកថ្ងៃសុក្រ ទី០៨ ខែមិថុនា ឆ្នាំ២០១៨។
សារព័ត៌មានចិន South China Morning Postបាឲ្យដឹង ថា កងយន្តហោះចម្បាំងចិន នឹងធ្វើការរក្សាសុវត្ថិភាពនៃផ្លូវហោះហើរ ទៅកាន់ទីដែលត្រូវរៀបចំជំនួបកំពូលរបស់ លោក គីម ហើយទង្វើនេះប្រហែលអាចការក្រើនរំលឹកមួយផងដែរ ចំពោះសហរដ្ឋអាមេរិកថា ទីក្រុងប៉េកាំងនឹងគាំទ្រទីក្រុងព្យុងយ៉ាងពេញទំហឹង។ការចូលរួមការពារលោកគីមជូងអ៊ុនពីទព័អាកាសចិនគឺកើតឡើងក្រោយពេលលេចឭពតិមានព្រួយបារម្ភពីសុវត្ថភាពពីប្រមុខកូរ៉េខាងជើងពេលជិះយន្តហោះទៅសឹង្ហបុរី។
មន្ត្រីខាងលើបានលើកឡើងយ៉ាងដូច្នេះថា «ការអមដំណើរប្រមុខរដ្ឋនៃប្រទេសមួយ ដោយកងយន្តហោះចម្បាំង គឺជាក្បួនសន្តិសុខដ៏ខ្ពស់បំផុត ដែលកងទ័ពអាកាសអាចផ្តល់ឲ្យ ហើយប្រសិនបើចិនបញ្ជូនយន្តហោះចម្បាំង ឲ្យទៅធ្វើការអមដំណើរមែននោះ វាក៏អាចជាសារមួយ សំដៅទៅរកសម្ព័ន្ធមិត្តអាមេរិក-កូរ៉េខាងត្បូងផងដែរថា ចិនមានការគាំទ្រយ៉ាងពេញទំហឹង ដល់របបដឹកនាំរបស់លោក គីម ជុងអ៊ុន»។
សូមបញ្ជាក់ថា៖ លោក គីម ជុងអ៊ុន និងលោក ដូណាល់ ត្រាំ នឹងត្រូវជួបមុខគ្នានាវេលាម៉ោង ០៩៖០០នាទីព្រឹកថ្ងៃទី១២ ខែមិថុនា នៅឯសណ្ឋាគារ ខាភែលឡា (Capella Hotel) ស្ថិតនៅលើកោះសេនតូសា (Sentosa) ប្រទេសសិង្ហបុរី ៕