យកផ្លែឈើចិនពីខេត្តព្រះសីហនុមកលក់គិតជាទឹកប្រាក់តម្លៃ១២ម៉ឺនដុល្លាររយះពេល១ឆ្នាំមិនព្រមសង ត្រូវម្ចាស់បំណុលតាមទាន់ចាប់ខ្លួននៅផ្សារដើមគរ

​      ភ្នំពេញ៖ បុរសម្នាក់ត្រូវបានម្ចាស់បំណុល២នាក់ប្តីប្រពន្ធជាជនជាតិចិនតាមមកទាន់ហើយចាប់ខ្លួនដល់ផ្សារដើមគ ពីបទទិញផ្លែឈើយកទៅលក់បន្តរយៈពេល១ឆ្នាំគិតជាទឹកប្រាក់១២ម៉ឺនដុល្លារមិនព្រមទូទាត់លុយឲ្យ​ ។  

ហេតុការណ៍ថៅកែចិនតាមចាប់ខ្លួនខ្មែរនេះបានបង្កការភ្ញាក់ផ្អើលកាលពីវេលាម៉ោង៨:៣០នាទីយប់ថ្ងៃទី១៥ ខែសីហា ឆ្នាំ២០២៦ ចំណុចឃាត់ផ្សារដើមគ ក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ។

តាមប្រភពព័ត៌មានបានឲ្យដឹងថា បុរសជាជនឆបោក(ជនសង្ស័យ)បានរកស៊ីលក់ដូរផ្លែឈើនៅផ្សារដើមគ ហើយក៏ទៅទិញផ្លែឈើនោះពីប្តីប្រពន្ធ២នាក់ជាជនជាតិចិននៅខេត្តព្រះសីហនុយកមកលក់បន្តនៅផ្សារដើមគ ក្រោយពីទិញអស់រយះពេល១ឆ្នាំគិតជាទឹកប្រាក់ចំនួន១២ម៉ឺនដុល្លារ។តែបុរសជនឆបោករូបនោះមិនព្រមទូទាត់សង ហើយព្យាយាមរត់គេចខ្លួនទាក់ទងតាមទូរសព្ទក៏មិនចូល លុះមកដល់វេលាកើតហេតុខាងលើដោយប្តីប្រពន្ធ២នាក់រួមមានបុរសម្នាក់ទៀតជាជនជាតិខ្មែរមកតាមទាន់ហើយក៏ចាប់បាននៅចំណុចផ្សារដើមគតែម្តង។

បន្ទាប់ពីឃាត់ខ្លួនបុរសជាជនឆបោករួចក៏ទាក់ទងទៅសមត្ថកិច្ចមូលដ្ឋានឲ្យចុះមកឃាត់ជនឆបោក(ជនសង្ស័យ)ខាងលើទៅប៉ុស្តិ៍នគរបាលសង្កាត់ផ្សារដើមគរដើម្បីសួរនាំនិងចាត់ការបន្តតាមនីតិវិធីច្បាប់៕​