
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 4087 នាក់
ម្សិលមិញ 8477 នាក់
សរុប 18992091 នាក់
ភ្នំពេញ៖អគារ SKY CITY អូតែល និងស្ប៉ា ដែលកំពុងសាងសង់ត្រូវភ្លើងឆេះ១យប់១ថ្ងៃហើយនៅតែមិនរលត់ និងបង្កការភ្ញាក់ផ្អើលដោយសារភ្លើងឆេះកាលពីថ្ងៃទី២០ ខែធ្នូ រហូតមកដល់ថ្ងៃទី២១ ខែធ្នូ នេះ សមត្ថកិច្ចនៅតែមិនទាន់អាចពន្លត់បានមិនដឹងថាតើមកពីខ្លះសម្ភារៈឬក៏ភ្លើងវាខ្លាំងពេក ។ អគារខារ៉ាអូខេនេះស្ថិតនៅតាមបណ្តោយផ្លូវរដ្ឋសភា ក្នុងសង្កាត់ទន្លេសាក់ ខណ្ឌចំការមន រាជធានីភ្នំពេញ ។
ប្រភពព័ត៌មាន ពីបុគ្គលិកនៅខាងក្នុងអគារបានឲ្យដឹងថា នៅមុនពេលកើតហេតុ គេឮសំឡេងផ្ទុះ រួចក៏កើតជាផ្សែងហុយខ្លាំងជះពេញក្នុងអគារ ។ មួយសន្ទុះក្រោយមកកើតជាអណ្តាតភ្លើងរួមនឹងផ្សែងខ្មៅហុយឡើងខ្មួលខ្មាញ់ ហើយបុគ្គលិកទាំងអស់បានរត់ចេញពីអគារខាងលើ រួចធ្វើការទាក់ទងទៅសមត្ថកិច្ចមូលដ្ឋានឲ្យជួយអន្តរាគមន៍ ។លោកវរសេនីយ៍ឯក ព្រហ្ម យ៉ន នាយការិយាល័យបង្ការនិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ ជាអ្នកដឹកនាំចុះពន្លត់ផ្ទាល់ បានប្រាប់ឲ្យកាសែតដឹងថា ប្រតិបត្តិការពន្លត់អគ្គិភ័យអគារខាងលើ គិតចាប់ពីថ្ងៃទី២០ ខែធ្នូ មកដល់ថ្ងៃទី២១ ធ្នូ បានប្រើប្រាស់រថយន្តពន្លត់អគ្គិភ័យអស់ជាង២០០គ្រឿងមកហើយ ។
លោកបានបន្តបន្ថែមទៀតថា មកទល់និងពេលនេះប្រហែល២៧ម៉ោងមកហើយដែលអគ្គិភ័យនៅមិនទាន់រលត់នៅឡើយ ។ ចំពោះប្រភពនៃការឆេះសមត្ថកិច្ចបានរកឃើញហើយ ប៉ុន្តែមិនអាចចូលទៅបាញ់ពន្លត់បានដោយសារតែបន្ទប់ដែលឆេះនោះ គឺនៅលើខ្យល់ ហើយច្រកចូលទៅបាញ់ទឹកពន្លត់ភ្លើងនោះមានផ្សែងហុយខ្លាំង រួមនឹងក្តៅថែមទៀតផង ទើបធ្វើឲ្យមានការលំបាកក្នុងការបាញ់ទឹកពន្លត់ភ្លើង ៕