វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1848 នាក់
ម្សិលមិញ 5378 នាក់
សរុប 14081141 នាក់
ខេត្តបាត់ដំបង៖ តាមការបញ្ជាផ្ទាល់ពីលោក ឧត្ដម សេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងមានការសម្របសម្រួលលើនីតិវិធីពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលា ដំបូងខេត្តបាត់ដំបង នៅថ្ងៃទី ០៨ ខែ សីហា ឆ្នាំ ២០២១ វេលាម៉ោង ១៥:១៤ នាទី លោកវរសេនីយ៍ឯក ឈឿង គឹម សុង នាយការិ យា លល័យនគរបាលព្រហ្ម ទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងអធិការដ្ឋាននគរបាលក្រុងបាត់ដំបង ចុះប្រតិបត្តិការបង្ក្រាបករណី ល្បែងស៊ីសង ( ភ្នាល់ទឹកភ្លៀង ) ចំនួន ០២ ទីតាំង និងបបានចាប់ឃាត់ខ្លួនមនុស្សចំនួន ០៥ នាក់ព្រមទាំងវត្ថុតាងមួយចំនួន។
សមត្ថ កិច្ចបានអោយដឹងថា ប្រតិបត្តិការបង្ក្រាប គឺទី០១. នៅចំណុចភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង ។ទី០២. នៅចំណុចក្នុងព្រលានយន្តហោះ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។ ក្រុម អ្នកលេងល្បែង រួមមានឈ្មោះ ស៊ុយ សុគន្ធ ភេទប្រុស អាយុ ៥៨ ឆ្នាំ មានទីលំនៅភូមិរំចេក៣ សង្កាត់ រតនៈ ក្រុងបាត់ដំបង ខេត្តបាត់ដំបង ។ឈ្មោះ ប៊ុន វុទ្ធី ភេទប្រុស អាយុ ៥៥ ឆ្នាំ មានទីលំនៅភូមិគងទុំ ឃុំពាមឯក ស្រុកឯកភ្នំ ខេត្តបាត់ដំបង ។
ឈ្មោះ ភិញ ហាក់ ភេទប្រុស អាយុ ៥១ ឆ្នាំ មានទីលំនៅភូមិបវេល ឃុំបវេល ស្រុកបវេល ខេត្តបាត់ដំបង ។ឈ្មោះ ស៊ីម ប៉េងគីម ភេទប្រុស អាយុ ៦៧ ឆ្នាំ មានទីលំនៅភូមិ បែកចានថ្មី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។ឈ្មោះ លឹម សៀង ភេទប្រុស អាយុ ៤៣ ឆ្នាំ មានទីលំនៅភូមិ បវេល ឃុំបវេល ស្រុកបវេល ខេត្តបាត់ដំបង ។
វត្ថុតាងដកហូតរួមមាន ៖- ទូរស័ព្ទដៃ ចំនួន ០៧ គ្រឿង- វិទ្យុទាក់ទងចំនួន ០៥ គ្រឿង- រថយន្តចំនួន ០៣ គ្រឿង ។ បច្ចុប្បន្ន ការិយាល័យជំនាញកំពុងតែធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។ ប្រជាពលរដ្ឋ ក៏ដូច ជាមន្ត្រីរាជការ នៅក្នុង ខេត្តបាត់ដំបង បានស្វា គមន៍គាំទ្រនូវចំណាត់ ការរបស់ លោកស្នងការនគរបាល សាត គឹមសាន្ត ដែលបំបែកសំបុកបនល្បែង ស៊ីសងភ្នាល់ទឹកភ្លៀងនៅក្នុងខេត្តបាត់ដំបង ព្រោះល្បែងភ្នាល់ទឹកភ្លៀងនេះ កើតមាន តាំងពីដូនតាអ្នកខេត្តបាត់ដំបងមកម្ល៉េះ គ្មានគ្រូបាអាចារ្យណា អាចប្រដៅព្រះអង្គបានទេ ។
ឯថ្នាក់ដឹកនាំខេត្តបាត់ ដំបងវិញ គឺដោះដូររាប់ មិនអស់ទេ ពុំមានថ្នាក់ ដឹកនាំខេត្តបាត់ដំបងណាម្នាក់ អាចបង្ក្រាប ល្បែងភ្នាល់ទឹកភ្លៀង នេះបានទទួលជោគជ័យ និង មានប្រសិទ្ធភាពយូរអង្វែងនោះដែរ ពោលគឺចាប់បានតែ អាចក់ អាចែម កំប៉ិក កំប៉ុក យកមកថតបង្អួតស្នាដៃប្រាប់អ្នកកាសែតម្តងម្កាលតែប៉ុណ្ណោះ ឯមេៗថៅកែធំៗល្បីឈ្មោះ ដូចជាឈ្មោះ តាល់, តាត្នោតជុំ មិនដែលចាប់ បានម្តងសោះ? ។ ចឹងករណីបង្ក្រាបជាក់ស្តែងនេះ អ្នកកាសែតបើចុះ ទៅថតផ្សាយឡាយ កុំនិយាយថា ស្នងការនគរបាលខេត្តបាត់ ដំបងមិនបង្ក្រាបល្បែងស៊ីសងភ្នាល់ទឹកភ្លៀង អោយសោះគ្រាន់តែមិនបានចាប់មេបនតើ! ៕