មានជនជាតិវៀតណាមប្រមាណ២០នាក់លួចចូលមកជីកមាសនៅចំណុចភ្នំតូចខេត្តស្ទឹងត្រែង?

ខេត្តស្ទឹងត្រែង ថ្ងៃទី 26 ខែឧសភាឆ្នាំ 2026 យោងតាមប្រភពវិជ្ជាសហគមន៍និងប្រជាពលរដ្ឋនៅក្នុងភូមិតាឡែស្ថិតនៅក្នុងស្រុកសៀមប៉ាងឲ្យដឹងថាមានក្រុមឈ្មួញនិងអ្នកកាងកំពុងតែរត់ការអោយជនជាតិវៀតណាមចូលជីករ៉ែមាសនៅចំណុចភ្នំតូចស្ថិតនៅក្នុងស្រុកសៀមប៉ាង។ជនជាតិវៀតណាមកំពុងតែជីករ៉ែមាសនោះមានមិនតិចជាង២០ នាក់ទេបូករួមអ្នកយាមផ្លូវផង។ 

យោងតាមប្រភពប្រជាពលរដ្ឋដែលនៅចំណុចភ្នំតូចនោះបាននិយាយថាកន្លែងដែលគេជីករ៉ែមាសនោះគឺមានសមត្ថកិច្ចកម្លាំងប្រដាប់អាវុធជាអ្នកចូលការពារឲ្យជនជាតិវៀតណាមជីកមាសកន្លែងទីតាំងនៅចំណុចយាមការលេខយូធីអឹម 48P 687689 1555114ផងដែរ?។

គេមិនឃើញមានលោកនាយកដែនជម្រកវេីនសៃសៀមប៉ាងនិងប្រធានមន្ទីរបរិស្ថានខេត្តស្ទឹងត្រែងអើពើករណីយ៍យួនចូលជីករ៉ែមាសនោះទេ។ប្រភពពីប្រជាពលរដ្ឋនៅភូមិតាឡែបានបញ្ជាក់មកក្រុមការងារអង្គភាពកាសែតថាបើសមត្ថកិច្ចបរិស្ថានអូរកាសៀបធ្វើដំណើរទៅបង្ក្រាបនៅចំណុចខាងលើនោះមិនឆ្ងាយនោះទេយ៉ាងយូរបំផុត ត្រឹម១៥ទៅ២០នាទីបើរដូវប្រាំងវិញអត់ភ្លៀង 10 នាទីតែប៉ុណ្ណោះ។ព្រោះកន្លែងដែលជនជាតិវៀតណាមជីករ៉ែមាសនេះគឺនៅក្នុងទឹកដីស្រុកសៀមប៉ាងព្រំប្រទល់នៃស្រុកវេីនសៃខេត្តរតនគិរី ។

ជុំវិញករណីយ៍មានជនជាតិវៀតណាមចូលទៅជីករ៉ែមាសនៅទីតាំងចំណុចដូចខាងលើនេះប្រភពពីមន្ត្រីមួយរូបសុំមិនប្រាប់ឈ្មោះនៅក្នុងស្រុកសៀមប៉ាងនិយាយថា៖អ្នកដែលដឹងច្បាស់ជាងគេគឺប្រធានមន្ទីរបរិស្ថានខេត្តស្ទឹងត្រែងនិងមេបញ្ជាការរាជអាវុធហត្ថខេត្តស្ទឹងត្រែង?។

ប្រជាពលរដ្ឋនៅភូមិតាឡែបានបញ្ជាក់ឲ្យដឹងថាអ្នកដែលដឹងអង្គហេតុច្បាស់គឺមេបញ្ជាការរាជអាវុធហត្ថស្រុកសៀមប៉ាងនិងលោកអភិបាលស្រុកសៀមប៉ាងតែម្ដងព្រោះទីតាំងនោះគ្រាន់តែម៉ាស៊ីនកិនថ្មនិងម៉ាស៊ីនបូមមាសមិនតិចជាង 10 គ្រឿងនោះទេ។ប្រជាពលរដ្ឋប្រជាសហគមន៍ភូមិតាទ្បែបានប្រាប់ថាសុំឲ្យអាជ្ញាធរនៅក្នុងស្រុកវេីនសៃរួមទាំងកម្លាំងស្នាក់ការសៀមប៉ាងជួយដាក់កិច្ចអន្តរាគមន៍ផង។

ព្រោះបើពឹងខាងខេត្តស្ទឹងត្រែងប្រហែលជាគេត្រូវដងត្រូវផ្លែគ្នាអស់ហើយ?។មិនដឹងថាតើឯកឧត្តមនៃអភិបាលខេត្តរតនគិរីនិងឯកឧត្តមនៃគណៈអភិបាលខេត្តស្ទឹងត្រែងដឹងរឿងនេះដែរឬអត់នោះទេព្រោះខាងកាសែតមិនអាចសុំការពន្យល់បាន។