មនុស្ស ៣ នាក់ស្លាប់ និង ៥ នាក់រងរបួស ក្នុងការវាយប្រហារដោយដ្រូនទ្រង់ទ្រាយធំនៅក្នុងតំបន់ជុំវិញទីក្រុងម៉ូស្គូបន្ទាប់ពីពូទីនប្រកាសថាសង្គ្រាមជិតចប់

 
រុស្ស៊ី៖ ការវាយប្រហារតាមអាកាសទ្រង់ទ្រាយធំមួយបានបង្កការខូចខាតយ៉ាងធ្ងន់ធ្ងរដល់តំបន់ជុំវិញទីក្រុងម៉ូស្គូ ប្រទេសរុស្ស៊ី។ យោងតាមអាជ្ញាធរក្នុងតំបន់ គ្រាប់បែក និងបំណែកដ្រូនបានធ្លាក់ចំផ្ទះប្រជាពលរដ្ឋ និងអគារស្នាក់នៅខ្ពស់ៗ បណ្ដាលឱ្យមនុស្សយ៉ាងហោចណាស់ ៣ នាក់ស្លាប់, ៥ នាក់រងរបួស និងបង្កជាអគ្គិភ័យឆាបឆេះលំនៅឋានមួយចំនួននៅតំបន់ជាយក្រុង ។ 
 
ក្រៅពីការវាយប្រហារលើតំបន់ស៊ីវិល គោលដៅយុទ្ធសាស្ត្រសេដ្ឋកិច្ចរបស់រុស្ស៊ីក៏រងនូវការគំរាមកំហែងដូចគ្នាដែរ ជាក់ស្ដែងរោងចក្រចម្រាញ់ប្រេងដ៏ធំមួយនៅភាគអាគ្នេយ៍ទីក្រុងម៉ូស្គូ ត្រូវដ្រូនវាយប្រហារចំច្រកចូលធំ (Main entrance) បណ្ដាលឱ្យកម្មកររោងចក្រចំនួន ១២ នាក់រងរបួស។

ក្រសួងការពារជាតិរុស្ស៊ី បាននិយាយថា ប្រព័ន្ធការពារដែនអាកាស បានបាញ់ទម្លាក់ដ្រូនចំនួន៥៥៦គ្រឿង នៅតាមតំបន់ជាច្រើននៃប្រទេសរុស្ស៊ី ក្នុងនោះរួមមាន​ទាំងតំបន់រដ្ឋធានីមូស្គូ។ អភិបាលតំបន់មូស្គូ លោក Andrey Vorobyov បានអះអាងថា ស្រ្តីម្នាក់ និងបុរស២នាក់ បានស្លាប់ ក្នុងការវាយប្រហារនេះ ហើយ​មានមនុស្សប៉ុន្មាននាក់ទៀតរងរបួស។ រីឯអាជ្ញាធរនៅតំបន់ Belgorod ជាប់នឹងអ៊ុយក្រែន ក៏បានរាយការណ៍ពីមនុស្សស្លាប់ម្នាក់ផងដែរ។
 
គិតមកទល់ពេលនេះ ភាគីអ៊ុយក្រែននៅតែបន្តរក្សាភាពស្ងៀមស្ងាត់ និងមិនទាន់ចេញមុខទទួលខុសត្រូវលើការវាយប្រហារនេះនៅឡើយទេ ដោយកន្លងមករដ្ឋធានីគីវ តែងតែបដិសេធយ៉ាងដាច់អហង្ការថា ខ្លួនមិនដែលបានវាយប្រហារលើប្រជាជនស៊ីវិលឡើយ។ យុទ្ធនាការបាញ់ដ្រូនចូលទឹកដីរុស្ស៊ីលើកនេះ ធ្វើឡើងបន្ទាប់ពីទីក្រុងគៀវរបស់អ៊ុយក្រែនរងការវាយប្រហារទ្រង់ទ្រាយធំដោយរុស្សបន្ទាប់ពីបទឈប់បាញ់រវាងអ៊ុយក្រែននិងរុស្ស៊ីក្រោមការសម្របសំរួលរបស់អាមេរិកកាលពីថ្ងៃទី៨ឧសភាក្នុងទិវាបុណ្យជយ័ជំនះរបលើពួកណាស៊ិសរបស់

រុស្ស៊ី។ការវាយប្រហារចូលដល់ទីក្រុងមូស្គូរបស់រុស្ស៊ីដោយហ្វូងដ្រូនរបស់អ៊ុយក្រែននេះបានបង្ហាញពីសមត្តភាពវាយបកបន្ទាប់ពីការផ្ទុះសង្គ្រាមឈ្លានពានអស់រយៈពេល៤ឆ្នាំ។មានការកត់សម្គាល់ថាកាលពីថ្ងៃទី ៩ ឧសភា ដែលជាទិវាជ័យជម្នះរបស់រុស្ស៊ីលោក ពូទីនប្រធានាធិបតីរុស្ស៊ីបានធ្វើសេចក្តីថ្លែងការណ៍មួយ ដែលគួរតែធ្វើឱ្យទីផ្សារហិរញ្ញវត្ថុទាំងអស់នៅលើផែនដីនេះត្រូវផ្អាកដំណើរការ។

​លោកពូទីនបានមានប្រសាសន៍ថា សង្រ្គាមអ៊ុយក្រែនកំពុងឈានទៅរកការដោះស្រាយបញ្ចប់។លោកចង់បានទំនាក់ទំនងថ្មីមួយជាមួយអឺរ៉ុប។​លោកចង់បានការចរចាដែលមានការចូលរួមពីសំណាក់មេដឹកនាំអឺរ៉ុប ដោយមានការរៀបចំសន្តិសុខថ្មីមួយបន្ទាប់ពីនោះ។​សង្រ្គាមរយៈពេលបួនឆ្នាំ។ មនុស្សរាប់សែននាក់បានបាត់បង់ ជីវិត។ រចនាសម្ព័ន្ធថាមពលរបស់អឺរ៉ុបត្រូវបានបំផ្លិចបំផ្លាញ។ពូទីននិយាយថា វាជិតបញ្ចប់ហើយ។សូមបញ្ជាក់ថាកាលពីឆ្នាំ ២០២១ មុនពេលមានសង្រ្គាមឈ្លានពានអ៊ុយក្រែន រុស្ស៊ីបានផ្គត់ផ្គង់ឧស្ម័នធម្មជាតិចំនួន ៤០% ដល់បណ្តាប្រទេសនៅអឺរ៉ុប។