ឡើងធ្វើបេក្ខភាពនាយករដ្ឋមន្ត្រីបានមួយដង្ហើមចង្រឹតព្រះនាងម្ចាស់ អ៊ុបុលរតនាត្រូវមហាក្សត្រប្អូនជំទាស់ដកចេញបាត់!
11-March-2026 / ព័ត៌មានអន្តរជាតិ
ប្រទេសថៃ៖ គណបក្សថៃរក្សាជាតិ(Thai Raksa Chart) បានសម្រេច គោរពតាមព្រះហរទ័យរបស់ព្រះមហាក្សត្រថៃ ព្រះបាទ មហា វិច្ឆិរ៉ាឡុងកន ដែលមិនឲ្យព្រះរាមរបស់ទ្រង់ គឺព្រះនាងម្ចាស់ អ៊ុបុលរតនា (Ubolratana) ឈរឈ្មោះជាបេក្ខជននាយករដ្ឋមន្ត្រី សម្រាប់ការបោះឆ្នោតនាខែក្រោយ។
នេះបើតាមសេចក្តីថ្លែងការណ៍ផ្ទាល់របស់គណបក្សថៃរក្សាជាតិ ដកស្រង់ខ្លឹមសារដោយសារព័ត៌មានថៃ The Nation នៅរសៀលថ្ងៃសៅរ៍ ទី០៩ ខែកុម្ភៈ ឆ្នាំ២០១៩។សេចក្តីថ្លែងការណ៍នេះក៏បានសម្តែងការអរព្រះគុណចំពោះព្រះនាងម្ចាស់អ៊ុបុលរតនា( Ubolratana )ដែលបានទទួលយកការអញ្ជើញឲ្យឈរឈ្មោះជាបេក្ខភាពនាយករដ្ឋមន្ត្រី តែមួយគត់របស់បក្សផងដែរ កាលពីថ្ងៃសុក្រទី៨កុម្ភៈម្សិលមិញ។
ព្រះបរមរាជវាំងថៃនៅល្ងាចថ្ងៃសុក្រ បានចេញព្រះរាជសារមួយ ថា៖ “ព្រះមហាក្សត្រីយានី ព្រះអង្គម្ចាស់រាជទាយាទ ព្រមទាំងសមាជិកគ្រួសារព្រះញាតិវង្សទាំងអស់ គឺត្រូវស្ថិតនៅខ្ពស់ លើសពីឆាកនយោបាយ ហើយមិនអាច ចូលទៅកាន់កាប់ មុខងារនយោបាយណាមួយបានទេ។ បើហ៊ានធ្វើដូច្នេះ គឺវាផ្ទុយពីរដ្ឋធម្មនុញ្ញ”។
សារដដែល បន្តថា៖ “ការចូលធ្វើនយោបាយ របស់គ្រួសារព្រះញាតិវង្ស គឺវានឹងប្រាសចាក ពីទំនៀបទំលាប់ប្រពៃណី នៃស្ថាប័នព្រះបរមរាជវាំង”។
គណបក្សថៃរក្សាជាតិ បញ្ជាក់ក្នុងសេចក្តីថ្លែងការណ៍ថា «គណបក្សបានសម្រេចទទួលយកព្រះរាជបញ្ជារបស់ព្រះមហាក្សត្រ ជាមួយភក្តីភាពពេញទំហឹងចំពោះព្រះអង្គ និងចំពោះសែរាជវង្សទាំងមូល» ។“គណបក្សថៃរ៉ាក់សាឆាត ត្រូវស្ថិតនៅក្រោមបង្គាប់ នៃព្រះរាជបញ្ជា”។
នៅព្រឹកថ្ងៃសៅរ៍ទី៩ កុម្ភៈ គណបក្ស ថៃរ៉ាក់សា ឆាត ដែលជាអ្នកបានលើកព្រះអង្គម្ចាស់ក្សត្រី អ៊ុប៊ុនរ៉ាត់ ឲ្យឈរឈ្មោះនោះ ក៏បានសម្រេចចិត្ត ដកបេក្ខភាពនេះវិញ។ ការសម្រេចលប់ចោលបេក្ខភាពវិញ របស់ព្រះអង្គម្ចាស់ក្សត្រី អ៊ុប៊ុនរ៉ាត់ធ្វើឲ្យប្រជាពលរដ្ឋថៃគ្រប់គ្នាស្រឡាំងកាំងម្តងទៀត។
ចំណែកព្រះអង្គម្ចាស់ក្សត្រី អ៊ុប៊ុនរ៉ាត់ វិញ ហាក់នៅមិនទាន់អស់ចិត្តទេ ដោយបានសរសេរនៅលើទំព័រTwitter ថា៖ “ខ្ញុំសូមប្រកាសសារជាថ្មី ដោយសេចក្តីទៀតត្រង់អស់ពីចិត្តថា ខ្ញុំចង់ឲ្យប្រទេសថៃ បោះជំហានទៅមុខ ហើយត្រូវគេទទួលស្គាល់និងគោរព ពីសំណាក់សហគមអន្តរជាតិ”។
មានន័យថាមូលហេតុ ព្រះអង្គម្ចាស់ក្សត្រី អ៊ុប៊ុនរ៉ាត់ ចង់ចូលរួមធ្វើនយោបាយ គឺដោយសារព្រះអង្គ មិនចង់ឃើញរបបយោធា បន្តដឹកនាំប្រទេសតទៅទៀត ព្រោះវាជារបប ដែលមិនកើតចេញពីបោះឆ្នោត ហើយដែលសហគមអន្តរជាតិ មិនទទួលស្គាល់ទេ។
ទោះជាយ៉ាងណាបេក្ខភាពនាយករដ្ឋមន្ត្រី នៃ គណបក្ស "ថៃរក្សាជាតិ" អាចនៅជាប្រធានបទក្តៅគុកដោយសារតែមាត្រា ៨៧-៨៩ នៃ រដ្ឋធម្មនុញ្ញ ថៃ មិនអនុញ្ញាតឲ្យដកហូតបេក្ខភាពបានបាន ។ការដកហូតអាចធ្វើទៅបាន ល្គឹកណាបេក្ខភាពខ្វះគុណសម្បត្តិ និង ដកហូតមុនពេលបិទការចុះឈ្មោះនៅវេលាម៉ោង ៤ រសៀល ថ្ងៃទី ៩ ខែ កុម្ភៈ ឆ្នាំ ២០១៩ នេះ ។ប្រសិនបើពួកយោធាចង់ធ្វើ ការប្តឹងផ្តល់គណក្ស ថៃរក្សាជាតិអាចនឹងត្រូវធ្វើឡើង និង អាចឈានដល់ការរំលាយបក្ស "ថៃរក្សាឆាត" តែម្តង ប្រសិនបើរកឃើញថាគណបក្សនេះមានចេតនាយកព្រះកិត្តិស័ព្ទរបស់ព្រះរាជវង្សប្រើប្រាស់ ដើម្បីកេងយកសម្លេងការគាំទ្រ ។តែយ៉ាងណាគណបក្សបានអះអាងថាធ្វើតាមព្រះរាជតម្រិះមហាក្រត្រហើយគ្មានបញ្ហាអ្វីនោះទេ។
ប្រភពពីអ្នកវិភាគថៃឲ្យដឹងថា៖ តាំងតែពីបានគ្រងរាជមក(ទោះជាមិនទាន់ទទួលបានការអភិសេក)តែ ព្រះចៅវិជ្ជរ៉ាឡុងកន បានព្យាយាមធ្វើកំណែទម្រង់ច្រើន នៅក្នុងស្ថាប័នព្រះបរមរាជវាំង ប្រឆាំងនឹងការជំទាស់ របស់ពួកយោធា និងក្រុមអាម៉ាតគ្រាក់ៗ ដែលល្បីថាមានអំណាច មានឥទ្ធិពល និងពុករលួយជាអ្នកស្និទនឹងក្រុមយោធា របស់លោកប្រាយុទ្ធ ចាន់អូចា ។ ពួកអាម៉ាតគ្រាក់ៗទាំងនោះហើយ ដែលស្អប់ក្រុមលោកថាក់ស៊ីនដល់ឆ្អឹង។
ព្រះនាងម្ចាស់ អ៊ុបុលរតនា រ៉ាចាកាន់យ៉ា (Ubolratana Rajakanya)ត្រូវតែងតាំងជាបេក្ខជននាយករដ្ឋមន្ត្រីគណបក្ស ថៃរក្សាជាតិ (Thai Raksa Chart) ដើម្បីចូលរួមប្រកួតប្រជែងការបោះឆ្នោត នៅថ្ងៃទី២៤ ខែមីនា ឆ្នាំ២០១៩។នេះបើតាមការចេញផ្សាយដោយសារព័ត៌មាន Channel News Asia នៅព្រឹកថ្ងៃសុក្រ ទី០៨ ខែកុម្ភៈ ឆ្នាំ២០១៩។
គួរបញ្ជាក់ថា ព្រះនាងម្ចាស់ Ubolratana Rajakanya គឺជាបុត្រីច្បងនៃអតីតព្រះមហាក្សត្រថៃ ភូមិបុល អាឌុលយ៉ាដេត (Bhumibol Adulyadej) និងម្ចាស់ក្សត្រី សិរីគិត (Sirikit)។ ប៉ុន្តែព្រះនាងបានបោះបង់ចោលតួនាទីជារាជ្យវង្សរបស់ខ្លួន កាលពីឆ្នាំ១៩៧២ ដើម្បីទៅរៀបការជាមួយជនជាតិអាមេរិកម្នាក់ឈ្មោះ ភីធើ ឡេដ ហ្សិនសិន (Peter Ladd Jensen) ដែលវាមានន័យថា ព្រះនាងគ្មានសិទ្ធិនៅក្នុងការទទួលរាជសម្បត្តិនោះឡើយ។អាឡូវចប់ហើយ!។
.png&h=97&w=146)
