វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 667 នាក់
ម្សិលមិញ 5378 នាក់
សរុប 14079960 នាក់
ឥណ្ឌូណេស៊ី៖ លោកជូលៀរីបាទូបារ៉ា( Juliari Batubara) រដ្ឋមន្ត្រីក្រសួងសង្គមកិច្ចឥណ្ឌូណេស៊ី ត្រូវបានចាប់ខ្លួនកាលពីថ្ងៃអាទិត្យទី៦ធ្នូ ពាក់ពន្ធ័បទទទួលសំណូកចំនួន ១.៦លានដុល្លារអូស្ត្រាលី ដែលជាជំនួយមូលនិធិស្បៀងអាហារសម្រាប់ប្រជាជន ដែលរងគ្រោះដោយជំងឺរាតត្បាតកូវីដ ១៩។
សារព័ត៌មាន SBS បានឱ្យដឹងថា លោកជូលៀរីបាទូបារ៉ា( Juliari Batubara) ត្រូវបានជាប់ឈ្មោះជាជនសង្ស័យ បន្ទាប់ពីភ្នាក់ងារប្រឆាំងអំពើពុករលួយឥណ្ឌូណេស៊ីបានបើកប្រតិបត្តិការរឹបអូសយកវ៉ាលី កាបូបស្ពាយ និងស្រោមសំបុត្រ ដែលមានសាច់ប្រាក់ស្មើនឹង ១.៦លានដុល្លារអូស្ត្រាលី កាលពីថ្ងៃសៅរ៍កន្លងទៅ។ ក្នុង កញ្ចប់នីមួយៗ លោក Batubara អាចនឹងទទួលបានក្នុងចន្លោះ ៩.៩៦ ដុល្លារអូស្ត្រាលី។ ទន្ទឹមនឹងនេះ សមត្ថកិច្ចពាក់ព័ន្ធកំពុងតែបើកការស៊ើបអង្កេតជុំវិញករណីនេះ ហើយប្រសិនបើគេរកឃើញថាមានកំហុសដូចការចោទប្រកាន់ពិតមែន នោះលោកអាចប្រឈមនឹងការជាប់ពន្ធនាគាររយៈពេល ២០ឆ្នាំ និងត្រូវពិន័យជាប្រាក់ចំនួន ៩៥.៦០៦ ដុល្លារ ។
បន្ទាប់ពីមានការចាប់ខ្លួនលោក Batubaraប្រធានាធិបតីឥណ្ឌូនេស៊ី លោក ចូកូវីយូដូ(Joko Widodo) បាននិយាយថា លោកដាច់ខាតមិនការពារមន្ត្រីពុករលួយណាម្នាក់ទេ ពីព្រោះថាលុយទាំងនោះ គឺជាលុយរបស់ប្រជាជន និងសម្រាប់តែប្រជាជនប៉ុណ្ណោះ ... វាជាជំនួយបន្ទាន់សម្រាប់ប្រើប្រាស់កំឡុងពេលរាតត្បាតនៃវីរុសដ៏កាចសាហាវកូវីដ១៩ ក៏ដូចជាសម្រាប់ស្តារសេដ្ឋកិច្ចជាតិឡើងវិញផងដែរ៕