គុកបិទការសួរសុខទុក្ខអ្នកទោសតែអង្គការលើកលែងទោសអន្តរជាតិបង្ហាញពីការព្រួយបារម្ភ!
01-March-2025 / ព័ត៌មានជាតិ
ភ្នំពេញ៖ក្នុងពេលដែលវីរុសកូវីដ១៩បាននិងកំពុងរាតត្បាតពិភពលោកប្រទេសមួយចំនួនបានដោះលែងអ្នកទោសចេញពីគុកដូចជាប្រទេសភូមានាពេលថ្មីៗនេះជាដើម។តែសម្រាប់ប្រទេសកម្ពុជាមិនទាន់មានករណីយ៍ចឹងកើតឡើងឡើយបើទោះជាគុកស្រុកខ្មែរណែនណាន់តាន់តាប់ដោយអ្នកទោសក៏ដោយក្រៅតែពីប្រកាសបិទការចូលសួរសុខទុក្ខអ្នកទោសតែប៉ុណ្ណ៖។
បើតាមទិន្នន័យរបស់រាជរដ្ឋាភិបាលកម្ពុជា បានបង្ហាញថាពន្ធនាគារនៅកម្ពុជាបានឃុំឃាំងមនុស្សចំនួន ៣៨,៩៩០ នាក់គិតត្រឹមថ្ងៃទី០២ ខែមេសា ឆ្នាំ ២០២០ ទោះបីមានសមត្ថភាពប៉ាន់ស្មានត្រឹមតែ ២៦.៥៩៣ នាក់ក៏ដោយ។ កន្លែងខ្លះត្រូវបានគេប៉ាន់ស្មានថាមានរហូតដល់ ៤៦៣% លើសសមត្ថភាពដាក់។បើយោងទៅតាមការចេញផ្សាយរបស់អង្គការលើកលែងទោសអន្តរជាតិ ចុះនៅថ្ងៃទី១០ ខែមេសា ឆ្នាំ២០២០បានសម្តែងការព្រួយបារម្ភពីរឿងភាពណែនណាន់នៃអ្នកទោសក្នុងគុកស្រុកខ្មែរ។អង្គការលើកលែងទោសអន្តរជាតិបានឲ្យឈ្មោះកន្លែងឃុំឃាំងនៃប្រទេសកម្ពុជាថាជា« ticking time bomb» ដែលមានន័យថាទីកន្លែងមួយដូចរង់ចាំការផ្ទុះគ្រាប់បែក រត់តាមពេលវេលា ព្រោះតែទីឃុំឃាំងនេះមានភាពចង្អៀតខ្លាំង ដែលវាអាចជាទីតាំងមួយងាយរងគ្រោះថ្នាក់ដែលបណ្តាលមកពីការផ្ទុះឡើងនៃមេរោគកូរ៉ូណាជាមេរោគឆ្លងដ៏កាចសាហាវ។
លោក David Griffiths នាយកការិយាល័យ នៃអគ្គលេខាធិការអង្គការលើកលែងទោសអន្តរជាតិបាន បរិយាយថា ស្ថានភាពដ៏អាក្រក់មួយនេះបានធ្វើឲ្យមានការសើចចំអកជាខ្លាំងចំពោះការឃុំខ្លួនដែលពុំមានភាពដាច់ដោយឡែក ហើយក៏ជាការបង្ហាញមួយឲ្យដឹងថា អាជ្ញាធរកម្ពុជាមានការធ្វេសប្រហេស ដោយមិនបានយកចិត្តទុកដាក់ចំពោះសិទ្ធិជាមូលដ្ឋានរបស់អ្នកទោសទាំងនេះ បើទោះជាដឹងថាជំងឺកូវីត១៩កំពុងវាយលុកកម្ពុជាក៏ដោយ។
ចំពោះស្ថានភាពនេះ សម្រាប់ អង្គការលើកលែងទោសអន្តរជាតិ គឺមិនអាចទទួលយកបានទេ។ សព្វថ្ងៃនេះពួកគេពិតជាមិនអាចរស់នៅដោយ សុវភាពផ្នែកសុខភាពឡើយ។យោងតាម របាយការណ៍របស់ អង្គការលើកលែងទោសអន្តរជាតិ ចំនួនអ្នកជាប់ពន្ធធនាគារនៅក្នុងប្រទេសកម្ពុជាមានការកើនឡើងខ្លាំងជាលំដាប់ រហូតទៅដល់ប្រមាណជា 78% ចាប់តាំងពីខែធ្នូ ឆ្នាំ2016 ដែលនេះគឺជាលទ្ធផលនៃយុទ្ធនាការបង្ក្រាបគឿងញៀន របស់រាជរដ្ឋាភិបាល ហើយគិតមកទល់ពេលនេះគឺជាឆ្នាំទី៤ហើយ។
មនុស្សប្រមាណជាជាង ៧២% នៃចំនួនអ្នកទោសទាំងអស់នៅក្នុងប្រទេសកម្ពុជាត្រូវបានរាយការណ៍មកថាមនុស្សមួយចំនួនត្រូវបានគេដាក់ឃុំខ្លួនបណ្តោះអាសន្នឬការឃុំឃាំងរង់ចាំសវនាការ ហើយមនុស្សរាប់ពាន់នាក់ផ្សេងទៀតត្រូវបានឃុំខ្លួននៅក្នុងបទល្មើសមជ្ឈឹមឬបទល្មើសដែលមិនបង្កហិង្សា ចំនួនដូចជាការប្រើប្រាស់ ឬរក្សាទុកគ្រឿងញៀនជាដើម។ បច្ចុប្បន្នមនុស្សរាប់ពាន់នាក់ផ្សេងទៀតត្រូវបានបញ្ចូនទៅផ្តាច់គ្រឿងញៀននៅក្នុងមជ្ឈមណ្ឌលនីតិសម្បទា និងសង្គមកិច្ច ដែលស្ថានភាពប្រើប្រាស់គ្រឿងញៀនមាននៅពាសពេញកម្ពុជា។
ទាក់ទិននឹងរបាយការណ៍នឹងរបាយការណ៍របស់ អង្គការលើកលែងទោសអន្តរជាតិ មិនទាន់ឃើញមានប្រតិកម្មពី អ្នកនាំពាក្យ ក្រសួងមហាផ្ទៃ ឬ ក្រសួងយុត្តិធម៌ទេក្រៅតែពីកាលពីពេលថ្មីៗក្នុងពិធីផ្ទេរទំណែងរដ្ឋមន្ត្រីក្រសួងយុត្តិធម៍ថ្មីសម្តេចក្រឡាហោម រដ្ឋមន្ត្រីក្រសួងមហាផ្ទៃ ថ្លែងគាំទ្រពីការចុះជម្រុញដោះស្រាយសំណុំរឿងកកស្ទះនៅតុលាការរាជធានីដោយរដ្ឋមន្ត្រីក្រសួអយុត្តិធម៍។ ចំពោះ ករពី ជំងឺកូនវិដវិញ ក៏លោករដ្ឋមន្ត្រី បានណែនាំអោយមានកាត់បន្ថយ អ្នកពីខាងក្រៅទៅសួរសុខទុក្ខអ្នក ជាប់ឃុំផងដែរព្រោះតែខ្លាចឆ្លងជំងឺកូវិដ ពីអ្នកខាងក្រៅ។
ចំពោះការរីករាលដាលនៃជំងឺកូវីត១៩មានការកត់សម្គាល់ថា រដ្ឋាភិបាលនានានៅលើពិភពលោករួមទាំងប្រទេសអេត្យូពី(Ethiopia) បារ៉ែន និងអ៊ីរ៉ង់បានចាត់វិធានការយ៉ាងម៉ឺងម៉ាត់ដើម្បីបន្ធូរបន្ថយភាពចង្អៀតណែនណន់តាន់តាប់នៅក្នុងកន្លែងឃុំឃាំង ដោយត្រូវមានការដោះលែងមនុស្សដែលត្រូវបានចោទប្រកាន់ដោយហេតុផលនយោបាយលើការចោទប្រកាន់តិចតួចនិងអំពើអហិង្សា។ អ្នកជាប់ឃុំឃាំងមុនពេលជំនុំជម្រះមនុស្សចាស់និងមនុស្សដែលមានស្ថានភាពសុខភាពជាមូលដ្ឋាន។
អង្គការលើកលែងទោសអន្តរជាតិកំពុងជំរុញឱ្យរដ្ឋាភិបាលពិនិត្យឡើងវិញនូវតម្រូវការនៃការបន្តឃុំខ្លួនដើម្បីរក្សាសុខភាពប្រជាជនក្នុងការឃុំឃាំងបុគ្គលិកពន្ធនាគារនិងប្រជាជនទូទៅ។ រដ្ឋាភិបាលគួរតែពិចារណាប្រសិនបើអ្នកទោសមានលក្ខណៈគ្រប់គ្រាន់សម្រាប់ការដោះលែងមានលក្ខខណ្ឌដោះលែងមុនពេលកំណត់ឬតាមលក្ខខណ្ឌ ឬវិធានការណ៍ផ្សេងទៀតដែលមិនមែនជាការថែរក្សាជំនួស។ រដ្ឋាភិបាលត្រូវគិតឱ្យបានពេញលេញពីកាលៈទេសៈបុគ្គលនិងហានិភ័យដែលអាចកើតមានចំពោះក្រុមអ្នកទោស។
សូមបញ្ជាក់ថា៖នៅស្រុកខ្មែរយើងគិតត្រឹមព្រឹកថ្ងៃទី១១ មេសា ឆ្នាំ២០២០នេះក្រសួងសុខាភិបាលបានរកឃើញករណីអ្នកឆ្លងជំងឺកូវីដ១៩ចំនួន១ករណីទៀត លើស្ត្រីជនជាតិចិនអាយុ៣១ឆ្នាំដែលធ្វើឲ្យចំនួនអ្នកឆ្លងជំងឺកូវីដ១៩នៅកម្ពុជាកើនដល់១២០ករណីគត់។ ក៏ប៉ុន្តែ ថ្ងៃទី១១មេសានេះមានអ្នកជាសះស្បើយ០៣នាក់ថែមទៀតដែរ។សេចក្តីប្រកាសព័ត៌មានរបស់ក្រសួងសុខាភិបាលកម្ពុជាឲ្យដឹងថា៖ស្ត្រីជនជាតិចិនដែលទើបនឹងវិជ្ជមានកូវីដ១៩នេះគឺជាអ្នកទេសចរណ៍និងជាមិត្តភ័ក្ររបស់ស្ត្រីជនជាតិចិនអាយុ៣០ឆ្នាំដែលបានរកឃើញមានវីរុសកូវីដ១៩ កាលពីថ្ងៃទី ០៨ ខែមេសា ឆ្នាំ ២០២០ នៅរាជធានីភ្នំពេញ។
បច្ចុប្បន្ន ស្ត្រីជនជាតិចិនរូបនេះកំពុងដាក់ឲ្យសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀតក្នុងក្រុងភ្នំពេញ។ទោះជាចំនួនអ្នកឆ្លងមានការកើតឡើងក្តី កម្ពុជាក៏មានចំនួនអ្នកព្យាបាលជាសះស្បើយកើនឡើងដល់៧៥នាក់ បន្ទាប់ពីករណីជាសះស្បើយថ្មីចំនួន០៣នាក់ទៀតជាស្ត្រីជនជាតិបារាំងអាយុ៤៨ឆ្នាំបុរសជនជាតិខ្មែរអាយុ៣៦ឆ្នាំនៅខេត្តកំពតនិងបុរសជនជាតិខ្មែរអាយុ៦២ឆ្នាំនៅរាជធានីភ្នំពេញដែលមានប្រវត្តិធ្វើដំណើរមកពីប្រទេសបារាំង។ បើដក៣នាក់ខាងលើនេះចេញ ធ្វើឲ្យចំនួនអ្នកដែលកំពុងសម្រាកព្យាបាលជំងឺនៅក្នុងមន្ទីរពេទ្យកម្ពុជាបច្ចុប្បន្ននៅត្រឹមចំនួន៤៥នាក់តែប៉ុណ្ណោះ៕
.jpg&h=97&w=146)