វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7541 នាក់
ម្សិលមិញ 5020 នាក់
សរុប 14122988 នាក់
ខេត្តឧត្តរមានជ័យៈប្រជាពលរដ្ឋចំនួន១២គ្រួសារ រស់នៅភូមិស្រឡៅស្រោងឃុំលំទងខេត្តឧត្តរមានជ័យ ត្រូវលោកឧត្ដមសេនីយ៍ទោទេស សំអាត នៅអង្គភាពអគ្គនាយកដ្ឋានបញ្ជូនសារប្តឹងទៅតុលាការដោយចោទ ថាបានរំលោភយកដីស្រែចំការចំនួន១៦០ហិចតា ស្ថិតនៅចំណុចអូសាភី ក្នុងភូមិលំទងកាលពី ថ្ងៃទី១៨ខែកក្កដា ឆ្នាំ២០១៨កន្លងទៅ។តែពលរដ្ឋនិយាយថាគឺលោកផ្កាយពីរទេសមអាតទេដែលរំលោភដីព្រៃរដ្ឋ។
ពលរដ្ឋក្នុងចំណោម១២គ្រួរសា ខាងលើចំនួនពីនាក់ត្រូវបានលោកឧត្ដមសេនីយ៍ទោទេសសំអាត ប្ដឹងទៅតុលាការអមសាលាដំបូងខេត្តឧត្តរមានជ័យ ពីបទប៉ះពាល់កម្មសិទ្ធឯកជន និងមានដីការកោះ អោយចូលខ្លួនបំភ្លឺនៅវេលាម៉ោង០៨និង៣០នាទីព្រឹកថ្ងៃទីទី៤ខែតុលាឆ្នាំ២០១៨នេះ។
ពលរដ្ឋទាំងនោះមានឈ្មោះ ទី១÷ឈ្មោះ ធឹម ឆន អាយុ៥២ឆ្នាំ ជាជនពិការ រស់នៅភូមិស្រឡៅស្រោង ឃុំលំទង
ទី២÷ឈ្មោះ ពៅ ហុង ភេទប្រុសអាយុ ៥២ឆ្នាំរស់នៅភូមិឃុំជាមួយគ្នា។ឈ្មោះធឹម ឆន និងឈ្មោះ ពៅ ហុង បានអោយដឹង ដូចៗគ្នាថា ដីដែលពួកគាត់មករស់នៅនិងកាន់កាប់អាស្រ័យផលទាំង១២គ្រួសារខាងលើ នេះជាដីរបស់ពួកគាត់បានរុករានកាលពីឆ្នាំ២០០៤ ដែលពេលនោះវាជាដីព្រៃរបស់រដ្ឋ ដែលត្រូវបានលោក ឧត្ដមសេនីយ៍ទោទេស សំអាត បានអោយពួកគាត់កាត់រំលំឈើរានយកដី ដោយលោកឧត្ដមសេនីយ៍ទេសសំអាត ប្រាប់ពួកគាត់ថាប្រវាស់ចែកគ្នា។
លោកទេសសំអាតគឺជាកាងការពារចេញ ថ្លៃហូបចុកនិងប្រេងសាំងសម្រាប់កាប់រុករាន។ ក្រោយពីពួកគាត់បានរុករានរួច បានអោយលោកឧត្ដមសេនីយ៍ទោទេស សំអាត មកបែងចែកគ្នា។ តែលោកទេសសំអាតតែងតែព្យាយាមគេចវេសរហូតទៅឃុបឃិតជាមួយសុរិយោដីទៅលួចធ្វើបណ្ណ័កម្មសិទ្ធម្នាក់ឯងបាត់។ កាលពីក្រុមយុវជន របស់សម្ដេច តេជោ ហ៊ុនសែន ចុះវាស់វែង ពួកគាត់ក៍បានទៅធ្វើការស្នើរសុំ អោយក្រុមយុវជន វាស់វែងធ្វើបណ្ណ័ជូនពួកគាត់ដែរតែគេថាដីព្រៃច្រើនគេមិនបានវាស់វែង អោយទេថាខ្លាចមានទោស ។
ពេលក្រោយមកពួកគាត់ក៍បានទៅរស់នៅនិងអាស្រ័យផលនៅលើដីនោះ តែត្រូវបានរារាំងដោយកងកំលាំងយោធាកងពលលេខ៤១ឈ្មោះ ហុង ទិត្យ ដែលជាដៃជើងរបស់លោក ឧត្ដមសេនីយ៍ទោទេស សំអាត។
លោកឧត្ដមសេនីយ៍ទោទេសសំអាត ត្រូវបានប្រជាពលរដ្ឋជាច្រើបនៅភូមិឃុំខាងលើចោទថា តែងតែប្រើអំណាច ផ្កាយពីរ ដើររំលោភយកដីស្រែចំការរបស់ពលរដ្ឋគ្រប់កន្លែង រហូតដល់ម្នាក់ឯងគាត់មានមានដីរាប់រយហិចតា ។
ហេតុនេះពួកគាត់សូមអំពាវនាវទៅដល់ ប្រមុខរាជរដ្ឋាភិបាល សម្ដេចតេជោហ៊ុន សែន និងឯកឧត្ដម ហ៊ុន ម៉ាណែត អគ្គបញ្ជាការកងទ័ពជើងគោក ជួយអន្តរាគមន៍រកយុត្តិធម៌ជូនដល់ពួកគាត់អោយបានទាន់ពេលវេលាផង។ ព្រោះជនខិលខូចបានប្រើប្រាស់អំណាចយោធា បំពានយកដីស្រែចំការពួកគាត់គ្រប់ទីកន្លែង នៅក្នុងភូមិឃុំខាងលើ។មិនទាន់អាចសុំការពន្យលពីលោកទេសំអាតបានទេសង្ឃឹមថានឹងមានការបកស្រាយ៕