កម្លាំងនគរបាលរាជធានីភ្នំពេញមិនអាចទប់បាតុកម្មចិនបានតែមកចាប់ខ្មែរ ដោយចោទថាជាអ្នករៀបចំនិងដឹកនាំការតវ៉ារហូតបិទផ្លូវនៅមុខធនាគារជាតិ

ភ្នំពេញ៖ កម្លាំងនគរបាលរាជធានីភ្នំពេញ បានឃាត់ខ្លួនមនុស្ស២នាក់ ដោយចោទថាជាអ្នករៀបចំ និងដឹកនាំការតវ៉ារហូតបិទផ្លូវនៅមុខធនាគារជាតិពាក់ព័ន្ធនឹងក្រុមហ៊ុន Huione Pay ដែលធ្វើឲ្យប៉ះពាល់ដល់សន្តិសុខ និងសណ្តាប់ធ្នាប់យ៉ាងខ្លាំងតែមិនហ៊ានចាប់ខ្លួនជនជាតិចិនដែលធ្វើបាតុកម្មនោះទេ។ 

អ្នកធ្វើបាតុកម្មតវ៉ាដែលភាគច្រើនជាអតិជនធនាគារហ៊ុយវន័ផេ(HOUYONE)បានកើតឡើងពីថ្ងៃទី២៧ ខែមេសា ឆ្នាំ២០២៦នៅមុខធនាគារជាតិកម្ពុជា លើបណ្តោយផ្លូវហាណូយ សង្កាត់គោកឃ្លៀង ខណ្ឌសែនសុខ រាជធានីភ្នំពេញ ក្រោយមានការប្រមូលផ្តុំរបស់មនុស្សមួយមានទាំងជនជាតិចិន និងខ្មែរផងដែរដោយបានធ្វើការបិទផ្លូវ។ការជួបតវ៉ានៅមុខធនាគារជាតិ បានរុញឲ្យមានការប៉ះទង្គិចគ្នារវាងកម្លាំងសន្តិសុខ និងអ្នកតវ៉ា បណ្តាលឲ្យមានរងរបួសទាំងសងខាងក្នុងមានជនជាតិចិន២នាក់។

លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាក់ថា ក្រោយការស្រាវជ្រាវ កម្លាំងនគរបាលបានឈានដល់ការឃាត់ខ្លួនបុរសម្នាក់ ដែលជាមេក្លោងនៃការរៀបចំ និងដឹកនាំការប្រមូលផ្តុំ ខណ:ដែលកម្មករជាច្រើន មិនដឹងនោះឡើយចំពោះការរៀបចំផែនការ និងការចាត់តាំងមានអ្នកនៅពីក្រោយបែបនេះ។

បើតាមសមត្ថកិច្ចបុរសដែលត្រូវឃាត់ខ្លួនមានឈ្មោះ សួន សុវណ្ណឆ័យ ជាជនជាតិខ្មែរ និងចេះភាសាចិនយ៉ាងស្ទាត់មុខរបរ ម៉ៅការសំណង់ ស្នាក់នៅបុរី វីអាយភី ផ្ទះលេខ២០ ផ្លូវ3A ភូមិមុឺនត្រា សង្កាត់ស្ពានថ្ម ខណ្ឌដង្កោ រាជធានីភ្នំពេញ។បុរសនេះត្រូវបានគេរាយការណ៍ថាគាត់ក៏មានកុងក្នុងធនាគារហ៊ុយវន័ផេផងដែរ។២-ឈ្មោះ វ៉ាត់ មករា ភេទប្រុស អាយុ ៣៧ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅការដ្ឋានសំណង់ សង្កាត់ជើងឯក ខណ្ឌដង្កោ រាជធានីភ្នំពេញ។

សូមបញ្ជាក់ថាអតិថិជនចិនរបស់ធនាគារ ហួយវ័ន ផេ (Huione Pay) បានប្រមូលផ្តុំគ្នានៅខាងក្រៅស្ថានទូតចិន​ប្រចាំរាជធានីភ្នំពេញនៅព្រឹកថ្ងៃពុធទី២២មេសា ដើម្បីស្វែងរកជំនួយដើម្បីទាមទារ​យកប្រាក់ដែលបាត់បង់។ការប្រមូលផ្តុំនេះបានកើតឡើង បន្ទាប់ពីធនាគារជាតិកម្ពុជាបាននិយាយថា ការទាមទារ​យកមកវិញទំនងជាមិនអាចកើតឡើងពីក្រុមហ៊ុនដែលត្រូវបានដាក់ក្នុងបញ្ជីខ្មៅរបស់សហរដ្ឋអាមេរិក ដែលអាជ្ញាប័ណ្ណរបស់វាត្រូវបានដកហូតជាងមួយឆ្នាំមុនតែបែជាបណ្តោយទុកឲ្យបន្តប្រតិបត្តិការណ៍ទៀតរហូត១ឆ្នាំ។

សូមបញ្ជាក់ថាជនជាតិចិនមេឆបោកអនឡាញទី២ដែលជាម្ចាស់ភាគហ៊ុនធនាគារ ហួយវ័ន ផេ (Huione Pay)និងជាដៃគូរជាមួយថៅកែឆបោកតាមអនឡាញកំរឹតពិភពលោកមានសញ្ជាតិខ្មែរនិងអង់គ្លេសឈ្មោះចេនហ្ស៊ីត្រូវបានរាឃរដ្ឋាភិបាលចាប់ខ្លួនបញ្ជូនឲ្យប្រទេសចិនដោយមិនបានធ្វើការកាត់ទោសឬជម្រះបញ្ជីរពីស្រុកខ្មែរអ្វីឡើយ!។

ឡូវនេះកម្ពុជាមានច្បាប់ប្រឆាំងការឆបោកតាមអនឡាញដែលបើកសិទ្ធឲ្យរដ្ឋរឹបអូសទ្រព្យសម្បត្តិអ្នកឆបោកមុនកាត់ទោសទៅទៀតក៏មិនទាន់ឃើញការប្រកាសបែបណាពីអចនលទ្រព្យនិងចលន:ទ្រព្យរបស់ពួកចោរឆបោកតាមអនឡាញនៅឡើយដែរ។

ករណីយ៍ធនាគារហ៊ួយវន័ផេនេះមិនមែនត្រឹមតែអតិថិជនផ្ទាល់ទេមានសេចក្តីរាយការណ៍ថាសូម្បីតែអតិថិជនធនាគារផ្សេងដែលទទួយលុយផ្ទេរពីអតិថិជនហ៊ួយវន័ផេក៏រងគ្រោះត្រូវជាប់ការបង្កកកកុងធនាគាររបស់ខ្លួនផងដែរដោយសារគេត្រូវការស្រាវជ្រាវប្រភពលុយ?។ករណីនេះខាងធនាគាជាតិដែលមានភារកិច្ចទទួលខុសតយ្រូវដូចជាស្ងាតឈឹងហើយបែជារុញឲ្យអ្នកតវ៉ាទៅប្តឹងតុលារការទៅវិញ។