គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6760 នាក់

ម្សិលមិញ 9639 នាក់

សរុប 20696931 នាក់

បិទអាជីវកម្ម ក្រុមហ៊ុនចិនមួយក្នុងខណ្ឌដូនពេញ ក្រោយពីរកឃើញថាប្រមូលពលរដ្ឋក្រោមរូបភាព ឲ្យដាក់ប្រាក់ដើម្បីធ្វើការជួញដូរ និងវិនិយោគខុសច្បាប់!

21-September-2026 / សេដ្ឋកិច្ច

រាជធានីភ្នំពេញ ៖ ក្រុមហ៊ុនរកស៊ីខាងអ៊ិនធើណិតមួយ ឈ្មោះ ឌីជីថល អ៊ិនធឺណេសិនណល អ៊ែសេត ត្រេឌីង សេនអឺ (BTKTrade Digital International Assets Trading Center) តែអត់ច្បាប់មានអាសយដ្ឋានអគារលេខ៤៨ ផ្លូវលេខ៨៤ សង្កាត់ស្រះចក ខណ្ឌដូនពេញ រាជធានីភ្នំពេញ ត្រូវបានគណៈកម្មការចម្រុះ សម្រេចបិទអាជីវកម្មទាំងស្រុង ។ IMG-20180830-WA0071

ការបិទនេះដោយយោងតាមសេចក្ដីថ្លែងការណ៍រួម ចុះថ្ងៃទី១១ ខែឧសភា ឆ្នាំ២០១៨ រវាងធនាគារជាតិ នៃកម្ពុជា គណៈកម្មការមូលបត្រកម្ពុជា និងអគ្គស្នងការដ្ឋាននគរបាលជាតិ ស្តីពីការជួញដូរ លក់ដូរនិងគៀងគរប្រជាពលរដ្ឋដាក់ប្រាក់វិនិយោគដោយគ្មានច្បាប់អនុញ្ញាត។

គណកម្មការចំរុះនេះមានសមាសភាពចូលរួមពីក្រុមការងារធនាគារជាតិ នៃកម្ពុជា គណៈកម្មការមូលបត្រកម្ពុជា និងកម្លាំងនគរបាល នៃអគ្គស្នងការដ្ឋាននគរបាលជាតិ កាលពីថ្ងៃទី២៩សីហាបានចុះពិនិត្យនៅទីតាំងល្មើសផ្ទាល់ ជួបតំណាងក្រុមហ៊ុន ឈ្មោះ Ding Nan (Anna) ភេទស្រី ជនជាតិចិន ជាប្រធានរដ្ឋបាល និងឈ្មោះ Liu Xu ភេទប្រុស ជនជាតិចិន ជាបុគ្គលិករដ្ឋបាល និងឈ្មោះ ហ៊ី សុងឆាយ ជនជាតិខ្មែរ ជាអ្នកបកប្រែខ្មែរចិន និងបានពិនិត្យឃើញ កុំព្យូទ័រចំនួន២៩៨គ្រឿង ដែលជាឧបករណ៍ដើម្បីប្រព្រឹត្តអាជីវកម្ម។

លោកឧត្តមសេនីយ៍ទោ មៀច ដេវីតតំណាងអគ្គស្នងការដ្ឋាននគរបាលជាតិបានឲ្យដឹងថា ក្រុមហ៊ុននេះបានធ្វើការ ប្រមែប្រមូលប្រមូលប្រាក់ពីប្រជាពលរដ្ឋដើម្បីវិនិយោគតាមប្រព័ន្ធ blockchain នឹង កាសអេលិចត្រូនិកដែល វាមានហានិភ័យខ្ពស់ព្រោះការយល់ដឹងរបស់ប្រជាពលរដ្ឋ ទៅលើបច្ចេកវិជ្ជាថ្មីនេះ នៅមានកម្រឹត ។ម្យ៉ាងក្រុមហ៊ុននេះធ្វើការប្រមូលលុយកាក់ មិនមានច្បាប់ទាល់តែសោះ ហើយក៏មិនមានប្រាក់តម្កល់ ជាទំនុកចិត្តសម្រាប់នាក់វិនិយោគទេ។ក្រោយបញ្ចប់ការត្រួតពិនិត្យ ក្រុមការងារ បាននែនាំទៅក្រុមហ៊ុនចំនួន៤ចំណុច៖

ទី១៖ ផ្អាកអាជីវកម្មទាំងស្រុង រហូតដល់មានការអនុញ្ញាតអាជ្ញាប័ណ្ណស្របតាមច្បាប់ទី២៖ ត្រូវបញ្ឈប់សកម្មភាពផ្សព្វផ្សាយ ជួញដូរ គៀរគរអតិថិជន និងប្រមូលប្រាក់គ្រប់រូបភាព
ទី៣៖ត្រូវរុះរើផ្លាកអាជីវកម្មចេញ ជៀសវាងការយល់ច្រឡំទី៤៖ ទៅសុំច្បាប់ អាជីវកម្ម និងអាជ្ញាប័ណ្ណឲ្យត្រឹមត្រូវ។

ក្រុមការងារសូមបញ្ជាក់ជូនសាធារណជនដើម្បីជ្រាប់ថា៖ បច្ចុប្បន្នការគៀងគរអតិថិជន ការផ្សព្វផ្សាយការជួញដូរ ក្នុងរូបភាពណាក៏ដោយ ដើម្បីប្រមូលប្រាក់ដើម្បីវិនិយោគ លើវិស័យកាសអេឡិចត្រូនិក (Cryptocurrency ឬ Digital Assets) គឺជាទង្វើមិនស្របនឹងច្បាប់ នៃព្រះរាជជាណាចក្យកម្ពុជាឡើយ។គេមិនដឹងថាតើក្រុមហ៊ុនចិនមួយនេះប្រម៉ូលលុយពីប្រជាពលរដ្ឋបានប៉ុន្មាននោះឡើយ៕ IMG-20180830-WA0072 IMG-20180830-WA0073(1) IMG-20180830-WA0067 IMG-20180830-WA0069